Mizoram-in 7th Senior National Muaythai C'ship 2026 atangin Gold 5, Silver 3 leh Bronze 4 lo hawn

Aizawl | Jan 26, 2026: Telangana, Hyderabad a neih zawh tak, 7th Senior National Muaythai Championship, 2026 ah Mizoram in Gold 5, Silver 3 leh Bronze 4 la in Championship a khar.

Issac Lalchhuanmawia, Aizawl, Chanmari tlangval hian Gold la in, Unanimaous decision vekin a chak, Match hmasa berah Andaman & Nicobar Islands fighter hnehin, 2nd match ah Delhi fighter hneh lehin 3rd match ah Manipur hnehin, Final ah Maharashtra a hneh a ni.

Vanlaldingngheta, Khatla East hian 1st match ah Kerala hmachhawn in, T.K.O in a chak, 2nd match ah Meghalaya tum leh Unanimous decision in a chak, 3rd match ah Madhya Pradesh nen in tum lehin T.K.O bawkin a chak leh, Final ah Rajasthan hmachhawnin Unanimous decision a, hnehna changin Gold a la.

C Lalmalsawma, Edenthar hian 1st match ah Manipur hmahhawnin T.K.O in a chak, 2nd match ah Madhya Pradesh nen in tum lehin Unanimous decision in a chak, 3rd match ah Meghalaya nen inhmahhawn lehin Unanimous decision bawkin a chak leh, Final ah a thlengtu State Telangana fighter hmachhawnin first round ah T.K.O in Gold a la.

Zomuanpuia, Tuithiang Veng hian Semi final ah Nagaland fighter nen in hmachhawnin, ring huh rap fuh palhin zomuanpuia a tlu a, referee in game a stop hnuah Nagaland fighter hian va pet luiin, disqualification hmangin zomuanpuia hi chak a puan a ni. Final ah Rajasthan fighter nen in tum lehin, 3rd round ah K.O in zomuanpuia;n Gold a la.

Zomuanpuia hi Waikru (Muaythai lam) intihsiaknaah tel bawkin hetah hian Bronze medal a hlawh chhuak bawk.

Paul HD Lalruatkima, Selesih hian 1st match ah Madhya Pradesh hmachhawnin 2nd round ah T.K.O in a chak, 2nd match ah Meghalaya nen in tum lehin 2nd round ah K.O in chak leh, 3rd match ah Telangana nen in tum lehin RSC (Referee stop the contest) hmangin a chak, Final-ah Rajasthan nen in hmachhawnin, a vanduai zawkah tangin split decision in a chaklo a, Silver medal a la.

Joseph Vanlalhruaia, Phuaibuang khua hian 1st match ah Rajasthan hmachhawnin T.K.O in a chak, 2nd match ah Madhya Pradesh nen in tum lehin R.S.C (injury) hmanga chakin, Final ah Goa fighter nen in tumin Unanimous hmangin a chak lo a, Silver medal a la.

Lalrinhlua Kolasib, College Veng tlangval hian Quarter final ah Telangana hmahhawnin, Unanimous decision in a chak, Semi Final ah Assam nen in tum leh in Unanimous decision bawkin a chak leh, Final ah Kerela fighter nen in hmachhawmin, chakna chang zo lo in, Silver medal a la.

Lalngaihawma Hunthar Veng tlangval hian 1st match ah Kerela hmachhawnin, Unanimous decision hmangin a chak, 2nd match ah Assam nen in tum lehin K.O in a chak, Semi Final ah Madhya Pradesh nen inhmachhawnin a vanduai zawk a tangin, split decision hmangin a chaklo a, Bronze medal a la.

RC Rohlupuia, Dinthar, Aizawl tlangval hi Quarter final ah walk over hmanga chakin, Semi final ah Tamil Nadu fighter nen inhmachhawnin, R.C Rohlupuia hi a ban vawi 3 lai dawk in, R.S.C (injury) hmangin chaklo a puan niin, Bronze medal a la.

Ngurlianzuala Sailo, Chawlhhmun North hi Knock out round ah walk over hmanga chak a puan niin, quarter final ah Andaman & Nicobar islands fighter nen in hmachhawnin T.K.O hmangin first round ah a chak, Semi final ah Karnataka nen in hmachhawn lehin, Unanimous decision hmangin a chak lo a, Bronze medal a la a ni.

Ngurlianzuala hi waikru intihsiaknaah tel bawk in, hetah hian Gold medal ala a ni.

7th Senior National Muaythai Championship ah hian state 26 atangin fighter 355 telin, fighter ngah zual state Rajasthan-in Team champion nomawi chawiin, 1st runner up Meghalaya niin, 2nd runner up Manipur in an la.

Mizoram Team te hi January 29, ningani hian train in Sairang an lo thleng ang.