Aizawl | Jan 26, 2025: Miss Mizoram a tel turte tan form tihchhuah a ni ta, tarlan tawh angin, Miss Mizoram open audition hi March 4, 2026 (Wednesday) chawhnu 1:00 PM hian Hyve City Hall-ah neih a ni dawn.
Physical Application Form thehlut duh tan Zonet Office, Zarkawt ah ngaihven theih a ni.
Miss Mizoram 2026 thlannaa tel tur hian, Mizoram a cheng hmeichhia, kawppui nei lo, pasal la nei lo, la inhual lo, kum 18 - 30 inkar, ft 5'5 leh a aia sang nih a ngai a ni.
Miss Mizoram 2024 atan Jennifer Lalrinzuali, Republic Veng, Aizawl thlan a ni a, Evelyn Zachhingpuii, Saikhamakawn, Aizawl chu pahnihna niin, Khawzawl nula Rebecca Zothanpuii chu pathumna a ni.
AUDITION HUN LEH HMUN
Venue : HYVE Aizawl City Hall
Date: 4th March 2026 (Wednesday)
Time: 1:00 PM
Hriatturte:
1. Intihsiaknaa tel diltu apiangin a huaihawttute dan zam leh zam belh reng reng zawm an remti tur a ni.
2. Intihsiaknaa tel diltu hi December ni 31, 2026 thlenga kum 18 leh 27 inkar a ni tur a ni a, a kum zat finfiahna a nei tur a ni (Passport/Aadhar/birth certificate/school leaving certificate/driver's license, etc).
3. Intihsiaknaa tel diltu hi pasal la nei ngai lo a ni tur a ni a, khawvel khawi hmun maha sakhaw dân emaw, hnam dân emaw, ram dân emaw hmanga pasal la nei ngai lo leh la rai ngai lo leh fa la pawm ngai lo, Nu la ni lo a ni tur a ni.
4. Intihsiaknaa tel diltu hi hmeichhiaa piang ngei a ni tur a ni.
5. Intihsiaknaa tel diltu hi dân ang thlapa India khua leh tui nihna dik tak nei, Mizoram-a cheng nghet resident a ni tur a ni.
6. Intihsiaknaa tel diltu hi Modelling Agency nena intiamna nei emaw, thuthlunpui nei a nih chuan, dilna a thehluh rualin a sawi lang tel tur a ni.
7. Dilna pawmsak an nih hnuah, diltu reng rengin Modelling Agency nena thu an thlun emaw, Beauty Pageant danga an tel remtih a ni lo. Hei hian contest chhung a huam ang.
8. Dilna chhân tlai emaw, dawn loh chungchangah intihsiakna huaihawttute'n mawh an phur lo ang.
9. Intihsiaknaa tel diltu hi Miss Mizoram la ni ngai lo a ni tur a ni.
10.Intihsiaknaa tel diltu hi mahni inthununna leh nungchang tha leh mawi a neih beisei tlat a ni.
11. Sponsor te'n lawmman an tiam pek theih loh an nei a nih pawhin Organising Committee chuan mawh a phur lo ang.
12. Contestant-te'n Miss Mizoram Contest chhungin sponsor-tu ni lote thil media platform-ah Organising Committee remtihna lovin post/story/reel tihsak loh tur a ni.
13. Intihsiak chhungin Organising Committee rel anga post / story / reel tur a awm a nih chuan Contestant ten thuawih takin an ti thin tur a ni.
14. Intihsiaknaa tel diltu-in thil a tihbo emaw tihchhiat emaw, a inhliam leh intihpalh thuah intihsiakna huaihawttute'n mawh an phur lo a, intihsiakna huaihawttute lakah engmah hauh theih a ni lo a, mahni inhuamna liau liau a ni.
15. Dik lo taka Organiser-te chungchang ziak/ziahtir te chu intihsiak tan hma emaw, intihsiak lai emaw a hnuah emaw pawh nise hnâwl an ni ang.
16. Intihsiakna endiktute thutlukna apiang thutâwp a ni ang.
17. Intihsiaknaah hian taksa lama mi hrisel, rilru hrisel pu mi, mi nungchang tha te chauh an tel remtih a ni.
18.Criminal Court-a thubuai nei tan intihsiaknaah hian tel theih a ni lo.
19. Intihsiakna tan tirh lam preliminaries laiin a hmunah thian emaw chhungte emaw hruai luh theih a ni lo.
20. Hun hman dan tur leh intihsiakna kalpui dan tura ruahmanna lo siam tawh zawng zawng hi a huaihawttute thutlukna azirin tih danglam leh theih a ni.
21. Inhnialna emaw thutlukna pawm tlan loh chungchangah intihsiakna huaihawttute'n thu tawp an nei a, hei hian diltu zawng zawng a khuahkhirh bawk a ni.
22. Miss Mizoram 2026 Contest neih chhungin Organising Committee remtihna lovin media dang - visual media, print media, social media, Youtube, etc. ah te inpholan phal a ni lo.
23. Miss Mizoram leh Organising Committee tihmingchhe thei zawngin Miss Mizoram Contest chungchang leh a kaihhnawih thilte dik lo taka sawi / thehdarh lo turin contestant-te beisei an ni a. Dik lo taka thil ti an awm a nih chuan dan anga hmalak a ni ang
24. Thubuai chhuak a awm reng rengin, Aizawl chhung Court-ah put luh tur a ni.
"Nu mittuiin a fa nunna a chhan thei lo, i thisenin a chhan thei a sin,"
Thisen pe la, nun chhanhim rawh.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: