Aizawl | January 26, 2026: Aizawla Republic Day lawmnaa 'Press Enclosure / Gallery' siam loh-ah Mizoram Journalists Association (MJA) an lawm lo! MJA chuan thuchhuah siamin, "kan duh dan leh kum hmasa lama harsatna kan lo tawhte chiang taka sawi chhuah a ni chunga Press Enclosure / Gallery siam a ni lo hi a pawi kan ti hle," an ti.
MJA chuan vawiin chawhma dar 11 khan emergency meeting kovin hemi chungchang hi an rel a, "India ram ni pawimawh Republic Day leh Independence Day-ah sorkar thuneitute'n press mite pawimawhna hriain, duhsak takin kum tam tak chhung chu press mite tan thutna bik 'Press Enclosure / Gallery' min siamsak thin a, kan lawm em em a ni," an ti a.
"Hetih lai hian, kumin 2026-ah erawh chuan Lammual, Aizawla Republic Day lawmnaah 'Press Enclosure / Gallery' siam a ni lo tih Aizawl DC Office-a officer-te hnen atangin hriat a ni a, a hmunah finfiah a ni bawk. Republic Day ngai pawimawha press mi kalte'n thutna remchang tha kan nei ta lo a ni. Republic Day lawm dan tur rêlnaah MJA aiawh kan tel a, kan duh dan leh kum hmasa lama harsatna kan lo tawhte chiang taka sawi chhuah a ni chunga Press Enclosure / Gallery siam a ni lo hi a pawi kan ti hle."
"Hetiang hi thil awm dan a nih avangin Republic Day lawmnaa tel tuma Lammuala kal press mite chu an haw leh ta a. Hetianga kal a ngai ta hi a pawi kan ti tak zet a ni.'
"Kumin 2026-a Republic Day lawmna leh Governor's At Home-a tel tura sawmna inpek danah pawh thil fel lo, thil nih dan phung ni lo a awm nual bawk a; hei pawh hi a zialo kan ti hle."
"Heng harsatna hrang hrangte hi tun hnuah chuan thleng tawh lo se MJA chuan kan duh tak zet a; national day - Republic Day leh Independence lawmna rêng rêngah Press Enclosure / Gallery siam zel turin sorkara mawhphurtute kan ngen a ni," tiin MJA thuchhuah chuan a tarlang.
MJA Executive Committee Emergency Meeting, January 26, 2026-a neih chuan Lammual, Aizawl bika Republic Day lawm chanchin chu MJA member-te’n kan media theuhah chhuah loh ni se, a ti a.
Hei hi MJA member-te'n ngai pawimawha zâwm theuh turin kan inhriattir a, MJA member-in a enkawl digital / social media-ah pawh tichhuak lo turin kan inchah bawk e.
Aizawl, 26th January, 2026: Republic Day 2026 lawmna, Lammualah press mite’n harsatna kan tawh chungchangah MJA Gen. Hqrs chuan press release a siam a, press release hi a theih ang anga puangzar turin MJA member-te kan inngen a ni.
MJA Executive Committee Emergency Meeting, January 26, 2026-a neih chuan Lammual, Aizawl bika Republic Day lawm chanchin chu MJA member-te’n kan media theuhah chhuah loh ni se, a ti a.
Hei hi MJA member-te'n ngai pawimawha zâwm theuh turin kan inhriattir a, MJA member-in a enkawl digital / social media-ah pawh tichhuak lo turin kan inchah bawk e.
PRESS RELEASE
Aizawla Republic Day lawmna chungchang
Aizawl, 26th January, 2026: India ram ni pawimawh Republic Day leh Independence Day-ah sorkar thuneitute'n press mite pawimawhna hriain, duhsak takin kum tam tak chhung chu press mite tan thutna bik 'Press Enclosure / Gallery' min siamsak thin a, kan lawm em em a ni.
Hetih lai hian, kumin 2026-ah erawh chuan Lammual, Aizawla Republic Day lawmnaah 'Press Enclosure / Gallery' siam a ni lo tih Aizawl DC Office-a officer-te hnen atangin hriat a ni a, a hmunah finfiah a ni bawk. Republic Day ngai pawimawha press mi kalte'n thutna remchang tha kan nei ta lo a ni. Republic Day lawm dan tur rêlnaah MJA aiawh kan tel a, kan duh dan leh kum hmasa lama harsatna kan lo tawhte chiang taka sawi chhuah a ni chunga Press Enclosure / Gallery siam a ni lo hi a pawi kan ti hle.
Hetiang hi thil awm dan a nih avangin Republic Day lawmnaa tel tuma Lammuala kal press mite chu an haw leh ta a. Hetianga kal a ngai ta hi a pawi kan ti tak zet a ni.
Kumin 2026-a Republic Day lawmna leh Governor's At Home-a tel tura sawmna inpek danah pawh thil fel lo, thil nih dan phung ni lo a awm nual bawk a; hei pawh hi a zialo kan ti hle.
Heng harsatna hrang hrangte hi tun hnuah chuan thleng tawh lo se MJA chuan kan duh tak zet a; national day - Republic Day leh Independence lawmna rêng rêngah Press Enclosure / Gallery siam zel turin sorkara mawhphurtute kan ngen a ni.
Sd/-
(K ZOTHANPARA)
General Secretary,
Mizoram Journalists’ Association
General Headquaters, Aizawl
"Nu mittuiin a fa nunna a chhan thei lo, i thisenin a chhan thei a sin,"
Thisen pe la, nun chhanhim rawh.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: