"kan sorkar hrawn mek hi sawichhiat thiam lama doctorate degree nei, thawh lamah erawh third class an ni," ~ Er Sawmvela

Aizawl | Jan 30, 2026: Mizo Hnam Run chhung inkhawm chu vawiin January ni 30, 2026 (Zirtawpni) khan neiin, MNF General Secretary Er K Lalsawmvela chuan, "kan sorkar hrawn mek hi sawichhiat thiam lama doctorate degree nei, thawh lamah erawh third class an ni,"  a ti a, ""MNF kuhmum-ah ZPm an par a, sorkar hmasa thawh sa, mahni kut chhuak angin an sawi leh thin," a ti bawk.

Congress leh MNF kum 37 sorkar kha engmah thawk lo anga mipuiah zirtirtu, sorkar hmasate thawhchhuah sa ring ringawt, danglam bik leh tha bik tur anga mipuiah in zuarin, 'enchhin sorkar' an ni a. Mipui hip nan an tih theih loh tur intiamin, 'kan ti ve lovang' an tih zawng zawng ti leh si a, mipuiin anmahniah rinna an hloh mek thu a sawi.

Er K Lalsawmvela chuan, "Aizawl Bypass, Sihhmui atanga Tlawng kama kala Muallungthu a chhuak tur hi MNF sorkar sawichhuah, a hranpa ngata Union budget kum 2022-a lolang, PM-Devine atanga cheng vbc 500 leh Bamboo Link Road Pilot Project atana cheng vbc 100 dah a ni a. Scheme thar anih avangin Guide Line siam chhung, pawmpuitu chhawng tam vang leh a tlawh tur ram tihfel hmasak ngai avangin sanction a tlai ta a. ZPM chu MNF kuhmum-ah a par ta a, tuna thawh mek a ni hi a lawmawm khawp mai," a ti.

Aizawl Bypass on the nothern side, Sairang chhak, 4 lane tawp chiah atanga intan a, Bawngkawn Brigade field hnuai atanga Leiverh a, Muthi bula chhuak a, Phaibawk kawn vela kawngpui pawh tur hi kawng dal dan tur NHIDCL-in 4 lai an ruahman chhin, khatihlaia CM Zoramthanga hova sawi hova, a duh dan ang tak ruahman pawh tunah chuan thawktu tur Contractor thlan fel vek tawh a niin, Muthi-Seling lam pawh tan a ni tawh a. Tun hmaa Pu Zoramthanga sawi thin, JCB tlang lawn thei leh Leiverh a tih, nuihza siam nan thenkhatin an hman thin kha, tunah chuan a tak a thleng ta a. Leiverh panna leh a chhuahna lam Contractor thlan fel vek hnu leh, leiverh pawh tender chhuah diam hnuah, 'Leiverh tur bik cancel mai tur, Minister hnena a sawi avanga sanction leh ta' anga thu diklo sawi duh CM kan nei hi a vanduai thlak a, kha thu an hriat khan NHIDCL hotute nuih a tiza hle a ni," a ti.

PWD Engineer-In-Chief lo ni tawh Er K Lalsawmvela chuan, "Lunglei Bypass pawh Congress term tawp dawn kar khat lek awmah, Km 19.20 turah Km 4.77 chauh atana cheng nuai 900 an sanction kha, awmze awm thamlo anih avangin, MNF sorkar khan kawng zal leh tha zawk ni turin DPR thar cheng vbc 262.45 lai a siam a. Mahse,  beisei anga sanction hmuh anih mai loh avangin NHIDCL kutah hlan a ni a. An ni lam chuan double lane turin tunah DPR an siam peih vek tawh a, sanction nghah mek a ni. Sorkar kum tharah hmalak turin an ruahman a. Hei pawh hi MNF kut chhuak a ni tih mipuiin lo hre lawk ila, ZPM sorkar sawi chhuah a ni lo," a ti bawk.

Er K Lalsawmvela chuan Durtlang - Sihphir kawng cement concrete road tha tak mai lo awm ta hi Pu Zoramthanga kut chhuak liau liau a nih dan te, sorkar tirh atanga a buaipui, sum ruahmanna lama harsatna avanga Central lamin a sanction lawk loh leh, BRO kawng anih avangin an ni lamin phalna an pek har vangin a tlai ta zawk a ni tiin, tute emaw chuan an sorkar kut chhuak angin an sawi leh ta a ni awm e, a ti.

Sawmvela chuan, "PMGSY, thingtlang khua zawng zawng pawh tura scheme hi thawh hnihna thleng zawh a ni tawh a, tunah hian a thawh thumna (phase III) thawh mek a ni a. He phase III hi 2020-'21 daih atanga bul tan tawh niin, central lamin an duh khirh avang leh kaihruaina an siam anga kal a ngaih avangin MNF sorkar tawp lamah sanction a lo chhuak ta chauh a. A vaiin kawng 17 thlan bik km 487.50 atan cheng vbc 552 santion a ni a, tunah thawh mek a ni. Hei pawh hi tute emaw chuan an sawi chhuah, an bial tana an nawr vak avanga tel ta anga sawiin hming that lak an tum a ni awm e, ZPM sorkar hmaa sanction vek a ni tih beng nei chuan i hre mawlh ang u," a ti bawk.

Mizo National Front 

General Headquarters 

Aizawl : Mizoram

Press Release 

MNF KUHMUM-AH ZPM AN PAR A, SORKAR HMASA THAWH SA, MAHNI KUT CHHUAK ANGIN AN SAWI LEH THIN: Er.K.Lalsawmvela

Mizo Hnam Run chhung inkhawm chu vawiin January ni 30, 2026 (Zirtawpni) hian neih a ni a. Er.K.Lalsawmvela MNF General Secretary  chuan tuna kan sorkar hrawn mek hi sawichhiat thiam lama doctorate degree nei, thawh lamah erawh third class an nih thu sawiin; Congress leh MNF kum 37 sorkar kha engmah thawk lo anga mipuiah zirtirtu, sorkar hmasate thawhchhuah sa ring ringawt, danglam bik leh tha bik tur anga mipuiah in zuarin, 'enchhin sorkar' an ni a. Mipui hip nan an tih theih loh tur intiamin, 'kan ti ve lovang' an tih zawng zawng ti leh si a, mipuiin anmahniah rinna an hloh mek thu a sawi.

Er.K.Lalsawmvela chuan, "Aizawl Bypass, Sihhmui atanga Tlawng kama kala Muallungthu a chhuak tur hi MNF sorkar sawichhuah, a hranpa ngata Union budget kum 2022-a lolang, PM-Devine atanga cheng vbc 500 leh Bamboo Link Road Pilot Project atana cheng vbc 100 dah a ni a. Scheme thar anih avangin Guide Line siam chhung, pawmpuitu chhawng tam vang leh a tlawh tur ram tihfel hmasak ngai avangin sanction a tlai ta a. ZPM chu MNF kuhmum-ah a par ta a, tuna thawh mek a ni hi a lawmawm khawp mai," a ti.

Aizawl Bypass on the nothern side, Sairang chhak, 4 lane tawp chiah atanga intan a, Bawngkawn Brigade field hnuai atanga Leiverh a, Muthi bula chhuak a, Phaibawk kawn vela kawngpui pawh tur hi kawng dal dan tur NHIDCL-in 4 lai an ruahman chhin, khatihlaia CM Pu Zoramthanga hova sawi hova, a duh dan ang tak ruahman pawh tunah chuan thawktu tur Contractor thlan fel vek tawh a niin, Muthi-Seling lam pawh tan a ni tawh a. Tun hmaa Pu Zoramthanga sawi thin, JCB tlang lawn thei leh Leiverh a tih, nuihza siam nan thenkhatin an hman thin kha, tunah chuan a tak a thleng ta a. Leiverh panna leh a chhuahna lam Contractor thlan fel vek hnu leh, leiverh pawh tender chhuah diam hnuah, 'Leiverh tur bik cancel mai tur, Minister hnena a sawi avanga sanction leh ta' anga thu diklo sawi duh CM kan nei hi a vanduai thlak a, kha thu an hriat khan NHIDCL hotute nuih a tiza hle a ni," a ti.

PWD Engineer-In-Chief lo ni tawh Er.K.Lalsawmvela chuan, "Lunglei Bypass pawh Congress term tawp dawn kar khat lek awmah, Km 19.20 turah Km 4.77 chauh atana cheng nuai 900 an sanction kha, awmze awm thamlo anih avangin, MNF sorkar khan kawng zal leh tha zawk ni turin DPR thar cheng vbc 262.45 lai a siam a. Mahse,  beisei anga sanction hmuh anih mai loh avangin NHIDCL kutah hlan a ni a. An ni lam chuan double lane turin tunah DPR an siam peih vek tawh a, sanction nghah mek a ni. Sorkar kum tharah hmalak turin an ruahman a. Hei pawh hi MNF kut chhuak a ni tih mipuiin lo hre lawk ila, ZPM sorkar sawi chhuah a ni lo," a ti bawk.

Er.K.Lalsawmvela chuan Dutlang-Sihphir kawng cement concrete road tha tak mai lo awm ta hi Pu Zoramthanga kut chhuak liau liau anih dan te, sorkar tirh atanga a buaipui, sum ruahmanna lama harsatna avanga Central lamin a sanction lawk loh leh, BRO kawng anih avangin an ni lamin phalna an pek har vangin a tlai ta zawk a ni tiin, tute emaw chuan an sorkar kut chhuak angin an sawi leh ta a ni awm e, a ti.

Pu Sawmvela chuan, "PMGSY, thingtlang khua zawng zawng pawh tura scheme hi thawh hnihna thleng zawh a ni tawh a, tunah hian a thawh thumna (phase III) thawh mek a ni a. He phase III hi 2020-'21 daih atanga bul tan tawh niin, central lamin an duh khirh avang leh kaihruaina an siam anga kal a ngaih avangin MNF sorkar tawp lamah sanction a lo chhuak ta chauh a. A vaiin kawng 17 thlan bik km 487.50 atan cheng vbc 552 santion a ni a, tunah thawh mek a ni. Hei pawh hi tute emaw chuan an sawi chhuah, an bial tana an nawr vak avanga tel ta anga sawiin hming that lak an tum a ni awm e, ZPM sorkar hmaa sanction vek a ni tih beng nei chuan i hre mawlh ang u," a ti bawk.

He hun hi Pu R.Thanglura Dy.Mayor, AMC, Adviser MNF GHQ chuan a kaihruai a, Pu F.Lalbiakzama Secretary MNF GHQ chuan hunserh a hmang.

Sd/-

(R.LALHMANGAIHA)

Secretary 

Media & Publicity Deptt 

Mizo National Front

Memo No.428/2026

Dt.30.01.2026