CM-in DoNER-a Mizoram sorkar project inchiah mekte a rang lama chin felsak turin DoNER Secretary a ngen

Aizawl | January 16, 2026: Chief Minister Lalduhoma chuan vawiin khan a office-ah Mizorama rawn zin mek DoNER Secretary Chanchal Kumar, IAS a kawm a. Ministry of DoNER kaltlanga Mizoram hmalakna hrang hrangte a sawipui.

Ministry of DoNER-a Mizoram sorkar project inchiah mekte (pending projects) chu a rang lama chin felsak turin Chief Minister hian a lo ngen a. Sum sanction chhung rei thin chuan hnathawhna lamah nghawng a neih thin avangin tihtawi dan ngaihtuah a tul thu a lo hilh bawk.

Chanchal Kumar hian Mizoramin tun hnaia Sawhthing Processing Unit a nei thar chu a lawmpui thu Chief Minister hi a hrilh a. Sawhthing chu Mizorama loneitu tam takte innghahna a ni a, an tharchhuak tam chho zel bawk a. A processing unit lam hi DoNER chuan a ngaipawimawh hle a ni, a ti.

Chief Minister hi Commissioner & Secretary to CM Vanlaldina Fanai chuan a tawiawm a ni.