BCM-in bial thar pathum - Haulawng East, N Chaltlang leh Chaltlang pastor bial te hawn remti

Aizawl | Jan 28, 2026: Mizoram Baptist Kohhran Assembly hnuaia Rorelna sang ber dawttu, BCM Assembly Executive Committee Meeting Nihnih awh tur chu a nikhatna vawiin, January 28, 2025 (Nilaini) khan BCM Hall, Serkawn-ah neih a ni. Meeting hi BCM President Rev Dr C Vanlaldika’n a kaihruai a, General Secretary Rev Dr H Lalthlamuana’n Department hrang hrang report a pe.

Report-ah hian Kohhran hming thlak pahnih tarlan niin BCM Zemabawk 'S' chu BCM Zemabawk 'E' ti a thlak a ni a, BCM Tuipui 'D' tih pawh BCM Tuipui 'S' ti a thlak a ni bawk. Christian Education Department in Lunglei lama Sunday School din ţanna hmun leh a kum a zirchiannaah kum 1902, May thlaah Sethlun-ah din ṭan a nih thu report-ah hian tarlan a ni.

Probation Period hmang zo mi 9 Minister atana ordain tura Pastoral Committee in an chhawpchhuah te chu pawmpui an ni a, Pastoral Committee in Pastor atana a lak thar mi 5 te chu pawmpui a ni bawk. Pastoral Committee in Pastor atana a lak thar mi 5 te hian March ni 1, 2026 ah an awmna tur bialah an lut ang.

Pawl/NGO's hrang hrang recognition dilna pawhsei a nih thu report-ah hian ngaihthlak a ni a, Pawl/NGO's 6 recignition hi pawh sei a ni.

Rev. Dr. James Chuakailiana, AICS a thawklai chu Theological Education Department-in Associate Professor nihna a pek thu ngaihthlak a ni bawk.

Mizoram Kohhran Hruaitute Committee-in thawhhona chhunzawm leh tura ngenna chu ngaihtuah a ni a, tuna kal dan anga kal chhunzawm zel ṭha tih a ni.

Council of Churches in Mizoram (CCM) Inkhawmpui vawi 2-na BCM in dawl se ti a CCM Executive Committee Meeting-in a ngenna chu Administrative Committee-in ngaihtuahin, BCM Venglai-ah CCM Inkhawmpui 2026 nghah a nih tur thu ngaihthlak a ni.

Pastor nilo Minister atana ordain tura Pastoral Ministry Department in a dilsak mi 3 te zing aṭangin mi 2 Pu K. Lalzuimawia (Missionary) leh Pu Lalruatkima (Missionary) te ordain tura tih an ni a, BCM Assembly, 2026 ah ordain an ni ang.

Pastor Bial thar hawn rawtna ngaihtuah a ni a, Haulawng East Pastor Bial, N. Chaltlang Pastor Bial leh Chaltlang Pastor Bial te hawn tha tih a ni.

Nomination Committee member atan mi panga thlan an ni a, hengte hi Assembly Nomination Committee member 2026-2027 atana thlan te an ni.

Heng thlan chhuah te hi Assembly-ah pawmpui tura thlen an ni ang.

1. Rev JC Vanlalluaia

2. Rev R Lalnunzira

3. Rev Hrangaia Hmar

4. Upa Lalhmangaihzuala, Ramthar, Lunglei

5. Upa Sangchungnunga, Chaltlang, Aizawl