Aizawl | Jan 29, 2026: Zo Reunification Organisation (ZoRO) General Headquarters chuan vawiin ni 29 January, 2026 (Ningani) chawhma dar 11 khan, 'Chin - Lushai Conference' vawi 134-na champhaphak lawmna hun Lal Thanhawla Auditorium-ah an hmang a. He hun hi Mizoram Speaker Lalbiakzama'n khuallian niin a hmanpui a. Minister Lalthansanga ZoRO Patron ni bawk leh Adviser to Chief Minister (Political) Lalmuanpuia Punte MLA pawhin he hun hi an hmanpui bawk.
He hunah hian khuallian Lalbiakzama chuan thu sawiin, “Zofate hi kan duh reng vang ni hauh lovin; India, Myanmar leh Bangladesh-ah thendarh-in kan awm a. Ramri siam chawpin min daidan rei tawh avangin, kan tawng, kan sukthlek, kan hawi her, kan ngaihsan zawng chenin a inang lo ta hret hret a. Chutih rual chuan thlah khat, unau chhul khat kual na na na chu kan danglam thui thei tak tak lo. Chuvangin, Zofa leh Zofa unau inkarah inngeih taka lo awm turin ka ngen duh che u a ni” a ti.
Khuallian chuan, Zofate hi kan chehvelah keini aia hnam lian zawk ten min hual vel a. Kan tanho tlat loh chuan, nek chep leh chimral theih reng dinhmunah kan ding mek a. Unau hmel hai changte lo awm tawh mahse, lo inhmu mawh tawh thin mah ila, kan tlin lohnaah in ngaidam tawn ila. Inngaihdamna nen kan thawhho chuan, kan dingchhuak ang; unau indo dingchhuak kan hre ngai em? tiin, Zofa hmun hrang hrang atanga kalkhawmte a zawt.
Khuallian chuan, tun dinhmunah Zofate rorelna pakhat hnuaiah awm thei rih lo mah ila, tih theih pakhat kan nei, chu chu thinlung hmunkhat pua awm hi a ni. Kalkhawmte leh Zoram mipuite pawhin ZoRO hmalakna hi thlawp zel turin ka sawm a, tharum thawh lo a, Zofate insuihkhawm theih nan movement kal pui zel turin ZoRO ka Chan a ni, a ti bawk.
Forest Minister Lalthansanga pawhin thu sawiin, ZoRO hmalakna Zofate insuihkhawm hi kan ram dinchhuahna tur a nih avangin, Zoram mipuite pawhin i thlawp tlat ang u a ti a. Zofa unaute inkarah intihbuaina hrang hrang a awmin, remna palai ZoRO in a thawh hi a ropui hle a. ZORO avangin remna pawha lo thleng tawh thin a ni a ti bawk.
MZP President Dr C Lalremruata chuan, MZP leh ZORO thawhhona a tha hle a. Tun hnaiah India sawrkarin Zoram khaw chhak leh khaw thlang inkarah daidanna bang (Border Fencing) siam a tum mek a. A tirah Security chhuanlamin siam an tum a, mipuite rilru sukthlek ang zelin tunah chuan Drugs dona tura hung tum angin an sawi leh mek a ni. Border Fencing hian drugs a dan dawn loh avangin leh Zofate daidanna tur a nih avangin MZP leh ZoRO chuan kan remti ngai dawn lo a ni a ti.
MSU President B Lalkhawnaihzuala pawhin, ZORO hmalakna an thlawp tlat thu leh, Zofate insuihkhawm theih nana an beih ho zel tur thu a sawi bawk.
Chin Lushai Conference champhaphak, vawi 133-na hman tura kalkhawm hnam hrang hrang palaite chuan, Thurolum pasarih an siam a. Lungrual takin an pawm. Chungte chu:-
1. India, Myanmar leh Bangladesh a cheng Zofate hi thlahtu thuhmun, thisen inzawm, serh leh sang inkhawih pawlh thei, inthen thei lo, unau kan ni.
2. British Sorkar-in an rorelna remchan dana min then darh kha kan duh tawh lo a, insuihkhawm leh a, rorelna pakhat hnuaia awm turin kan bei tlâng tawh a ni.
3. Chin-Lushai Conference, 1892 Thurolum bahzuia Zofate; India, Burma leh Bangladesha awmte insuihkhawm leh a, rorelna pakhat hnuaia kan awm theihna tura ZORO-in a malakna hi kan pawm a. Kan hlawhtlin hma loh chu a tawp thlengin lungrual takin kan bei zel ang.
4. Kan inlungrualna tichhe zawng leh kan inunauna then darh zawnga hmalakna reng reng chu a tawp thengin kan do tlang zel dawn a ni.
5. India, Myanmar ramria Daidanna Bang siam (Border Fencing) hi Zofate min then darhtu tur a nih avangin kan duh lo a, kan dodal zel ang. Zalen taka kan intlawhpawh theihna (Free Movement Regime) tihtâwp pawh hi kan remti lo bawk.
6. Thlahtu thuhmun, unau ni mah ila Chi bil te tea ram luah thin nei kan ni a, kan ram luah chin theuhte inzahsakin kan insuihkhawmna kawng tibuai zawnga chêt kan remti lo.
7. Kan inpumkhat a, rorelna pakhat hnuaia kan awm hma chu 'Dam leh tang khatah, thih leh ruam khatah' tin kan Pathian râwn chung zelin lungrual takin kan bei zel ang.
British kumpinu sawrkarin Zofate ram hrang hrangah a dah a, kum hnih vel an awp hnuah, Zofate hi hnam khat an ni tih an hrechhuak thuai a, Zofate dinhmun siam fel turin Chin Lushai Conference chu January ni 29, 1892 khan Calcutta-a Fort William-ah a ko a. “Heng mite hi hnam khat an ni a, chuvangin rorelna pakhat hnuaia awm turin i dah khawm leh ang u” tiin thutlukna a siam a. Chhuanlam hrang hrang avangin, vawiin thlengin hei hi hlawhtling lo mahse ZoRO chuan he ni hi kum tin a hmang ziah a ni.
He hun hi ZORO President R Sangkawia'n a kaihruai a. Mizoram chhunga ZoRO zone hrang hrang hruaitute, MZP leh MSU bakah, Myanmar, Bangladesh, Tripura, Manipur leh Assam atangin palai thahnem tak an kalkhawm a ni.
ZORO-IN CHIN LUSHAI CONFERENCE VAWI 134-NA HMANG
ZoRO Press Release
Vawiin ni 29 January, 2026 (Ningani) chawhma dar 11 khan Zo Reunification Organisation (ZoRO) General Headquarters chuan, “Chin Lushai Conference” vawi 134-na champhaphak lawmna hun Lal Thanhawla Auditorium-ah an hmang a. He hun hi Pu Lalbiakzama Hon’ble Speaker, Mizoram State Legislative Assembly in khuallian niin a hmanpui a. Pu Lalthansanga Minister ZoRO Patron ni bawk leh Pu Lalmuanpuia Punte MLA, Adviser to Chief Minister (Political) pawhin he hun hi an hmanpui bawk.
He hunah hian khuallian Pu Lalbiakzama Speaker chuan thu sawiin, “Zofate hi kan duh reng vang ni hauh lovin; India, Myanmar leh Bangladesh-ah thendarh-in kan awm a. Ramri siam chawpin min daidan rei tawh avangin, kan tawng, kan sukthlek, kan hawi her, kan ngaihsan zawng chenin a inang lo ta hret hret a. Chutih rual chuan thlah khat, unau chhul khat kual na na na chu kan danglam thui thei tak tak lo. Chuvangin, Zofa leh Zofa unau inkarah inngeih taka lo awm turin ka ngen duh che u a ni” a ti.
Khuallian chuan, Zofate hi kan chehvelah keini aia hnam lian zawk ten min hual vel a. Kan tanho tlat loh chuan, nek chep leh chimral theih reng dinhmunah kan ding mek a. Unau hmel hai changte lo awm tawh mahse, lo inhmu mawh tawh thin mah ila, kan tlin lohnaah in ngaidam tawn ila. Inngaihdamna nen kan thawhho chuan, kan dingchhuak ang; unau indo dingchhuak kan hre ngai em? tiin, Zofa hmun hrang hrang atanga kalkhawmte a zawt.
Khuallian chuan, tun dinhmunah Zofate rorelna pakhat hnuaiah awm thei rih lo mah ila, tih theih pakhat kan nei, chu chu thinlung hmunkhat pua awm hi a ni. Kalkhawmte leh Zoram mipuite pawhin ZoRO hmalakna hi thlawp zel turin ka sawm a, tharum thawh lo a, Zofate insuihkhawm theih nan movement kal pui zel turin ZoRO ka Chan a ni, a ti bawk.
Pu Lalthansanga Minister pawhin thu sawiin, ZoRO hmalakna Zofate insuihkhawm hi kan ram dinchhuahna tur a nih avangin, Zoram mipuite pawhin i thlawp tlat ang u a ti a. Zofa unaute inkarah intihbuaina hrang hrang a awmin, remna palai ZoRO in a thawh hi a ropui hle a. ZORO avangin remna pawha lo thleng tawh thin a ni a ti bawk.
MZP President Dr. C. Lalremruata chuan, MZP leh ZORO thawhhona a tha hle a. Tun hnaiah India sawrkarin Zoram khaw chhak leh khaw thlang inkarah daidanna bang (Border Fencing) siam a tum mek a. A tirah Security chhuanlamin siam an tum a, mipuite rilru sukthlek ang zelin tunah chuan Drugs dona tura hung tum angin an sawi leh mek a ni. Border Fencing hian drugs a dan dawn loh avangin leh Zofate daidanna tur a nih avangin MZP leh ZoRO chuan kan remti ngai dawn lo a ni a ti.
MSU President Pu B. Lalkhawngaihzuala pawhin, ZORO hmalakna an thlawp tlat thu leh, Zofate insuihkhawm theih nana an beih ho zel tur thu a sawi bawk.
Chin Lushai Conference champhaphak, vawi 133-na hman tura kalkhawm hnam hrang hrang palaite chuan, Thurolum pasarih an siam a. Lungrual takin an pawm. Chungte chu:-
1. India, Myanmar leh Bangladesh a cheng Zofate hi thlahtu thuhmun, thisen inzawm, serh leh sang inkhawih pawlh thei, inthen thei lo, unau kan ni.
2. British Sorkar-in an rorelna remchan dana min then darh kha kan duh tawh lo a, insuihkhawm leh a, rorelna pakhat hnuaia awm turin kan bei tlâng tawh a ni.
3. Chin-Lushai Conference, 1892 Thurolum bahzuia Zofate; India, Burma leh Bangladesha awmte insuihkhawm leh a, rorelna pakhat hnuaia kan awm theihna tura ZORO-in a malakna hi kan pawm a. Kan hlawhtlin hma loh chu a tawp thlengin lungrual takin kan bei zel ang.
4. Kan inlungrualna tichhe zawng leh kan inunauna then darh zawnga hmalakna reng reng chu a tawp thengin kan do tlang zel dawn a ni.
5. India, Myanmar ramria Daidanna Bang siam (Border Fencing) hi Zofate min then darhtu tur a nih avangin kan duh lo a, kan dodal zel ang. Zalen taka kan intlawhpawh theihna (Free Movement Regime) tihtâwp pawh hi kan remti lo bawk.
6. Thlahtu thuhmun, unau ni mah ila Chi bil te tea ram luah thin nei kan ni a, kan ram luah chin theuhte inzahsakin kan insuihkhawmna kawng tibuai zawnga chêt kan remti lo.
7. Kan inpumkhat a, rorelna pakhat hnuaia kan awm hma chu 'Dam leh tang khatah, thih leh ruam khatah' tin kan Pathian râwn chung zelin lungrual takin kan bei zel ang.
British kumpinu sawrkarin Zofate ram hrang hrangah a dah a, kum hnih vel an awp hnuah, Zofate hi hnam khat an ni tih an hrechhuak thuai a, Zofate dinhmun siam fel turin Chin Lushai Conference chu January ni 29, 1892 khan Calcutta-a Fort William-ah a ko a. “Heng mite hi hnam khat an ni a, chuvangin rorelna pakhat hnuaia awm turin i dah khawm leh ang u” tiin thutlukna a siam a. Chhuanlam hrang hrang avangin, vawiin thlengin hei hi hlawhtling lo mahse ZoRO chuan he ni hi kum tin a hmang ziah a ni.
He hun hi Pu R. Sangkawia ZoRO President-in a kaihruai a. Mizoram chhunga ZoRO zone hrang hrang hruaitute, MZP leh MSU bakah, Myanmar, Bangladesh, Tripura, Manipur leh Assam atangin palai thahnem tak an kalkhawm a ni.
Sd/-
(CHINKHANMANGA THOMTE)
General Secretary
ZORO General Headquarters, Aizawl
"Nu mittuiin a fa nunna a chhan thei lo, i thisenin a chhan thei a sin,"
Thisen pe la, nun chhanhim rawh.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: