St James School zirlaite'n ABRSM Choir an exam

Aizawl | Dec 4, 2025: St James School, Chawlhhmun, Aizawl chuan Mizorama a hmasa ber atan tunhnai khan Associated Board of the Royal Schools of Music (ABRSM) hnuaiah Choir (Zaipawl) an exam a, khawvel composer hla phuah har tak tak te sain hlawhtling takin exam hi an zo fel a ni.

Khawvel puma music examining board no. 1 nilai Associated Board of the Royal Schools of Music (ABRSM) chuan Mizoram-ah a vawikhat nan exam an rawn buatsaih.

Lunglei-ah SCM Music Academy ah exam hmasak niin, December ni 2 leh ni 3 khan Aizawl khawpuiah Harmonia School of Musical Arts - ABRSM exam center Mizoram-ah exam leh Workshop nena zawh fel a ni.

Candidate thahnem tak awmin result tha tak tak hmuh a ni a. Heng zingah hian St James School, Chawlhhmun, Aizawl chuan Mizorama a hmasa ber atan ABRSM Choir (Zaipawl) exam an bei a, khawvel composer hla phuah har tak tak te sain hlawhtling takin exam hi an zo fel a ni.

He exam hi London-a ABRSM senior examiner Simon Rushby chuan a rawn endik a, Mizorama ABRSM Honorary Local Representative - Lalchhanhima Khiangte-in a lo tawiawm bawk a ni.