AAP Mizoram-in Dampa-ah ZPM candidate a tlin tak loh avangin Minister Vanlalhlana chu campaign na-a a thusawi kalpui tlang lo turin an ngen

Aizawl | Dec 4, 2025: AAP Mizoramte chuan Dampa bial MLA inthlan (by-election) ah ZPM candidate Vanlalsailova a tlin tak loh avangin Cabinet Minister  Vanlalhlana chu he campaign na-a a thusawi kalpui tlang lo turin an ngen.

AAP Mizoram chuan, "Kan hriat tak angin, October 03, 2025-a Phuldungsei khuaa a campaign danah PWD Minister hian North East Special Infrastructure Development Scheme (NESIDS) hnuaiah Pukzing leh Silsury kawng, truck kal theihna a siam tura awm vek tawh, ZPM candidate Vanlalsailova a tling lo a nih chuan ngaituah nawn a ngai leh tur anga a sawi a nih kha. He kawng hi Dampa bial mipuite tana chhenfakawm tak a nih avangin a thusawi kha sutin he kawng hi truck kal theih a tha taka siam turin kan ngen a ni," tiin thuchhuah an siam.

"tuna ZPM kaihhruai sorkar hi an lo intiam ang ngeiin Mizoram chhunga MLA bial zawng zawngte tumah duhsak bik nei lova rualkhai taka en tlang vek turin kan hriattir a, Opposition bial an ni emaw, ruling bial an ni emaw hmasawnna chak taka kal tlan tir turin kan phut tlat a ni," an ti bawk.

PR.No.AAP.28/2024-25                                 Dated Aizawl : The 4th December 2025

AAP Mizoramte chuan  Dampa bial MLA inthlan (by-election) ah ZPM candidate Pu Vanlalsailova a tlin tak loh avangin Cabinet Minister Pu Vanlalhlana chu he campaign na-a a thusawi kalpui tlang lo tur in kan ngen a ni.

Kan hriat tak ang in 03/10/2025-a Phuldungsei khuaa a campaign danah PWD Minister hian  North East Special Infrastructure Development Scheme (NESIDS) hnuaiah Pukzing leh Silsury kawng, truck kal theihna a siam tura awm vek tawh, ZPM candidate Pu Vanlalsailova a tling lo a nih chuan ngaituah nawn a ngai leh tur anga a sawi a nih kha. He kawng hi Dampa bial mipuite tana chhenfakawm tak a nih avangin a thusawi kha sut in he kawng hi truck kal theih a tha taka siam tur in kan ngen a ni.

Tin, tuna ZPM kaihhruai sorkar hi an lo intiam ang ngeiin Mizoram chhunga MLA bial zawng zawngte tumah duhsak bik nei lova rualkhai taka en tlang vek turin kan hriattir a, Opposition bial an ni emaw, ruling bial an ni emaw hmasawnna chak taka kal tlan tir turin kan phut tlat a ni. 

       

        Secretary,

                Aam Aadmi Party Mizoram.