Primary zirtirtute'n zirlaite tanpuina hlan

Aizawl | Dec 3, 2025: Mizoram Primary Teachers’ Association (MPTA) chuan vawiin khan Zarkawt Community Hall-ah zirlaite tanpuina Student Endowment Fund an sem a, School Education Director Angela Zothanpui’n a hmanpui.

MPTA te hian zirlai lehkha thiam thei khawsak harsa te chu tanpuina dawng tur hian an zawng chhuak a, Joint Headquarters 1 leh Sub-Headquarters 18 atangin zirlai pahnih theuh an vaiin 38 an thlang chhuak a, heng mite hi tanpuina an hlan a ni. Tanpuina dawng tur zirlai thlan chhuahte hi a then chu thingtlang kilkhawr tak taka awm te an ni a, Aizawlah an hruaikhawm a, anmahni hruaitute nen an kalna senso an tumsak vek a, Aizawl khawpui chhung hmun pawimawh chi hrang hrang Science centre, Aizawl lungdawh leh Millennium Centre bakah zan lamah Krismas puala Aizawl khawlai cheimawi te an fanpui a, zirlaiten manhla an ti hle. Kumin hi MPTA ten student endowmwnt fund an sem tum thumna a ni.

Student endowment fund sem inkhawm hi Vice President R Zonunmawia'n a kaihruai a, President Rosangzuala'n thu sawiin, MPTA hruaitute, zirlai tanpuina dawngtute leh anmahni hruaitute an kalkhawm a ni.