Mizoram Governor hlui Governor Swaraj a thi

Aizawl | Dec 4, 2025: Mizoram Governor hlui, Governor Swaraj tia mi tam takin twitter (X) vela an hriat lar, Swaraj Kaushal chu vawiin tlai khan kum 73 mi niin a thi.

Governor Swaraj hi vawiin tlai khan New Delhi-a an chenna ina a thi a, a nupui Sushma Swaraj- lawyer, politician, diplomat,Delhi Chief Minister leh Union External Affairs Minister lo ni tawh chuan 6 August 2019 khan kum 67 mi niin a lo boral san tawh a ni.

Governor Swaraj hi July 12, 1952 Solan, Patiala and East Punjab States Union, India (tuna Himachal Pradesh chhunga awm ta) ah hian a piang a. Dan hre mi niin, Senior Advocate a ni a, Kum 1987 – 1990 chhung khan Mizoram Advocate General a lo ni tawh a, Mizoram Advocate General hmasa ber a ni. February 8, 1990 khan Mzioram Governor pathumna ni turin lakluh a ni a, Feb 9, 1993 thleng chelhin, Governor atana lakluh a nih hian kum 37 mi niin, India rama Governor naupang ber a ni.

Kum 1998 – 2004 chhung khan Haryana bial atangin Member of Parliament, Rajya Sabha a ni a.

Governor Swaraj Biography: https://www.exploremizoram.com/2021/07/governor-swaraj.html

Good Friend! Pu Laldenga: https://www.exploremizoram.com/2021/07/goodbye-friend-pu-laldenga.html

(article written by Governor Swaraj)

COVID 19 len lai khan, Mizoram tan zawng hian X (twitter) ah thu tam tak a ziak thin a, Assam leh Mizoram buai velah pawh khan, Mizoram history bakah, a hun tawn atangin thu tam tak a tweet thin a, "I wish I could go to Assam - Mizoram border and avoid this bloodshed.,"(Raj Bhawan - 1990) tiin a tweet nghe nghe a ni.