Mizo tlangval chhuanawm, Army Officer inziak tling thar Jacob Lalchhanhima

Aizawl | Dec 29, 2025: Union Public Service Commission (UPSC)-in vawiin-a Combined Defence Services Examination (I), 2025 final results a tihchhuahah Khatla tlangval, Jacob Lalchhanhima a inziak tling.

Union Public Service Commission (UPSC) chuan vawiin khan Combined Defence Services Examination (I), 2025 final results a ti chhuak a. All India Merit list UPSC in a tih chhuahah hian mipa 473 leh hmeichhia 62 an tling a. Mipa 473 tling zingah hian Khatla tlangval, Jacob Lalchhanhima chu 205 na a ni phak a ni. India ram puma thalai rual inelna sang leh hautak tak mai paltlang a, a ti tha pawl a han ni phak hi a chhuanawm tak zet a ni.

Jacob Lalchhanhima hi Ngurpuilura(L) leh Lalhmingliani Sailo te fa upa ber a ni a. Khatla, Chawnga Road a awm an ni. Class 8 - 12 hi Rashtriya Indian Military College, Dehradun ah a zir a. Class 12 hi 2019 ah a zo a. He mi hnu hian Govt. Hrangbana College, Aizawl ah zir zawmin, 2023 khan BA (Pol. Sc.) tha takin a zo a. Indian Army Officer nih hi a tum ber a nih avangin BA a zawh hnu hian Combined Defence Services Examination (CDSE) hmachhawn tur hian theihtawp chhuah in a inbuatsaih a. A tumruhna leh a thawhrimna rah chu sengin tunah hian CDSE ah chuan a rawn tling ta a ni. Jacob Lalchhanhima hi tlangval nungchang tha leh mi invawng tak a ni a. CDSE hmachhawn tur hian coaching a kal hran lo a, amahin in atangin a inbuatsaih a ni. CDSE paltlang tur hian a kawng a thui hle a. Written Examination, UPSC buatsaih paltlang hnuah Services Selection Board (SSB) paltlang leh a ngai a. Chu mi hnuah Medical Fitness Test paltlang leh a ngai bawk a ni.

Hetia CDSE a paltlang hnu hian Officers’ Training Academy (OTA), Chennai ah kar 49 (thla 11) a training ang a. A training zawhah Indian Army ah Lieutenant a bul tanin officer hna a zawm dawn a ni.

Vawiin, December ni 29 December khan India ram puma thalai rual inelna sang leh hautak, UPSC chuan Combined Defence Services Examination (I), 2025 final results a ti chhuak a. All India Merit list UPSC in a tih chhuah ah hian mipa 473 leh hmeichhia 62 an tling a. Mipa 473 tling zingah hian Khatla tlangval, Jacob Lalchhanhima chu 205 na a ni phak a ni. CDSE a paltlang hnu hian Officers’ Training Academy (OTA), Chennai ah kar 49 (thla 11) a training ang a. A training zawhah Indian Army ah Lieutenant a bul tanin officer hna a zawm dawn a ni.

Jacob Lalchhanhima hi Ngurpuilura(L) leh Lalhmingliani Sailo te fa upa ber a ni a. Khatla, Chawnga Road a awm an ni. Class 8 - 12 hi Rashtriya Indian Military College, Dehradun ah a zir a. He mi hnu hian Govt. Hrangbana College, Aizawl ah zir zawmin, 2023 khan BA (Pol. Sc.) tha takin a zo a. Indian Army Officer nih hi a tum ber a nih avangin BA a zawh hnuah Combined Defence Services Examination (CDSE) hmachhawn tura a inbuatsaih hnuah CDSE ah a tling ta a ni. Jacob Lalchhanhima hi tlangval nungchang tha leh mi invawng tak a ni a. CDSE hmachhawn tur hian coaching a kal hran lo a, amahin in atangin a inbuatsaih a ni. CDSE paltlang tur hian a kawng a thui hle a. Written Examination, UPSC buatsaih paltlang hnuah Services Selection Board (SSB) paltlang leh a ngai a. Chu mi hnuah Medical Fitness Test paltlang leh a ngai bawk a ni.