Mizo Diaspora Hub-ah Mizo welfare Association 40 inziak lut tawh; pahnih ram pawn ami

Aizawl | December 6, 2025: Chief Minister’s Office-a din Mizo Diaspora Cell (MDC) chu an Chairman, Commissioner & Secretary to Chief Minister ni bawk Vanlaldina Fanai, ICAS kaihhruaiin nimin khan CM Conference Hall-ah an thukhawm. Mizo Diaspora Hub-ah Mizo welfare Association 40 an inziak lut tawh a, heng pahnih hi India ram pawn ami an nih thu ngaihthlak a ni.

An thurel pawimawh zualte:

1. MDC hnena thlen tawhte thlirletna neih a ni. Ram pawna case langsar zualte chu Dubai, Maldives, Nepal, China, Malaysia-ah te an ni a. Tam tak chu Passport lem hmanga Myanmar kaltlanga ram danga dan lova hna thawka kalte an ni.

Hei vang hian MDC chuan Mizoram atanga hnathawk tur emaw sumdawng turte chuan India dan leh an tlawh tur ram dante tha taka zawm turin a ngen thar leh a ni.

2. Tanpui ngaiten awlsam taka thu an thlenna tur te, an thu thlente rang zawka dawnsawn theihna tur te, best practices-te leh ram danga thawk turte tih tur/tih loh tur (Do’s and Don’ts) te leh thil tangkai dang in hrilhriatnan Social Media Platforms hman uar an rel.

3. Mizo Diaspora Hub-ah hmun hrang hranga Mizo welfare Association 40 an inziak lut tawh a, an zinga 2 chu India ram pawna mi an ni.

Heng Association-te nen hian online meeting neih rawt a ni a, tam zawk an in ziah luh theih nan hmalak dan tur sawi ho a ni bawk.