Aizawl | Dec 1, 2025: ZPM chhung inkhawmah vawiin khan Higher & Technical Education Minister Dr Vanlalthlana chuan thu sawiin, ". . kan Chief Minister va kal khan ama duh thuin a va puang pawp a ni lova, keima hriatpuinain, a minister hriatpuinain, council of ministers kan thutkhawma kan thutlukna ngeiin Lungleia dah turin a va ti a ni," a ti a.
.jpg)
“Pu Lalchhandama Ralte, MLA-in MzSU chungchangah kan CM dawt sawiah a rawn puh a. Kohhran Upa tal hi chuan Kohhran Upa dang dawt sawia a puh hma hian a hre chiangtu tur Kohhran Upa kha zawt hmasa sela a tha tur. Dr R Lalthangliana hova draft bill kha siam a ni a, ani awm lai ngeia Aizawla dah tura tih a ni,” a ti bawk.
Dr Mathlana chuan, “LOP nihna chungchangah an buai nghal tih hi a dik nge ni, Pu Chhantea hian Dr. Thangtea hi han rawn zeuh se, dawt sawituah a tang lo mai tur. An thawh hona a chhe nghal hle tih a chiang mai awm e. An party inthlang tur boruak pawh a tilang tel thawkhatin ka hria. Kan CM hian dawt a sawi lo va, mi dang rawn nachang hre lo Leader of Opposition-in chhim lam mipuite tlawn nan thu belh chian dawl lo a rawn chhak chhuak ta zawk a ni awm e,” a ti a.
Minister chuan, “Pu Chhantea, LOP hi heng zawhnate hmang hian ka chhang let dawn a, remchang an tihah lo chhang turin ka duh a. Mipuite hian thu dik an hre chho ṭan dawn. Ngawih kan chuh rei ta a, kan rawn hai lang zel tawh dawn,” tiin heng zawhnate hi a zawt:
1. MZSU draft siam a nih laiin khawiah nge Dr. Thangtea a awm? Aizawl-a University Hqrs. awm tura tih kha ama chair-na hnuaia ngaihtuahho a ni lo’m ni?
2. Mizoram Polytechnic Lunglei ram khin a nihin khawiah nge MNF Minister Dr. Thangtea a awm? Kum 2021-a thutlukna siam a nih lai khan engnge a tih? MNF sorkar kha eng vanga ngawi reng nge an nih? Mizoram Polytechnic Lunglei, a ram laili tak chan mai thei dinhmuna kan awm lai khan eng vangin nge MNF sawrkar kha a ngawih reng? Khinglet miah lo ta se MPL hmun laili tak kan chân thei tih an hre lo em ni? MNF Ministry khan an hriat loh ka ring lo. Chhim lam mipuite ngaihsak lotu CM hnuaia an awm vang nge an MLA-te dawih vang zawk? Eng vanga chhim lam hmangaih ta thut nge an nih? Mizoram Polytechnic Lunglei saw va fang kual ve teh u, hrin loh fa pawh ni mai lovin, diriam taka ngaihsak lo zirna hmuna chantirtu sorkar kha tunge? Lunglei mipuite hnenah hian MNF-te hian ngaihdam dil phawt rawh se.
3. Term hmasa khan College sakna atana sum lo chhuakte kha hna tan tak tak a nih hmaa contractor-te pawisa pe tura ti thintu Minister kha tunge? Government Aizawl North College, a ban kawi, a beam kul te; Mizoram Law College, a sak dan tur ni lo lutuka sak te, Serchhip College sak chhe lutuk te; khatih lai khan khawiah nge Dr. Thangtea kha a awm? Eng vanga chhe em em nge a nih? Tunge sum tihchhuah a nih veleh contractor ten hna an thawh hma hauh pawha sum pe tura ti thin? Kha sorkar kha kan ning a, kan paih thla a ni lo’m ni?
4. Pu Chhantea pawh hei hi ka zawt a ni. School 200 chuanga electric wiring chhe lutuk te hi eng vang nge? DIET Saiha-ah hian tute nge man ṭang ei? Tuna Samagra Shiksha hnuaia hna thawh zawh hleih theih lova awm hi lo ngaihven zui rawh se.
5. School-a lehkhabu sem tur – kum 4 chhunga a thianpa nuai 540 chuang zet supply tirtu hi tunge?
6. Sports equipment – kum 4 chhung restricted tender hmang a, bankers guarantee pawh awm lova supply tirtu Minister kha tunge?
7. Zirtirtu 650 chuang advertisement tel lova latute hian chhunzawm zel an tum em? Zoram ṭhalaite min chhansak ta che u. Sum tam tak seng a, harsa taka lehkha zirte min chhansak rawh se. Sorkarna chang leh ta se la, ṭhalai beidawng tam tak siam leh an tum em? Party insawh ngheh nan nu leh pa, mahni fate zirna tur atana hah taka intuakte beidawnna khawvel siam leh an tum em? Pathian leh kan ram tan ti chung siin MNF leh chhungte tan an thawk leh dawn em ni?
8. Pu R. Lalzirliana, term hmasa Cabinet Minister-in Lawngtlai lama ‘lem ang der’ a tih kha an la chhunzawm zel dawn em? Congress lêm ang dertu thawhpuitute an ni a, Lem ang dertute hi an support ta thut em ni? Pu Zira’n lem ang dertu Congress party-te leh a thawhpui MNF sorkar hi LADC mipuite hian vote tlin an ba em?
9. MNF hian eng danglamna nge Mizoram mipuite hi a zawrh dawn tak? Lém ang dera Rs. Nuai 3 tiam a, Rs. 25,000 pek kha nge ZPM-in danglamna a siam mek hi chhunzawm ve an tum dawn?
10. LOP Pu Chhantea ka zawhna hnuhnung chu hei hi a ni. Dr. Thangtea hi MNF Sr. Vice President a nih angin LoP nihna hi a kian dawn em?
Dr. Vanlalthlana chuan, “Heng ka zawhnate hi min chhang rawh se. Zoram mipuite, thalai hna zawng mek te, nu leh pa ten a chhanna kan nghak e,” a ti a, “ZPM sorkar lovin MNF sorkar leh ta se la, thalai tam tak an beidawng chhunzawm leh ang a. Sorkar hnathawk ten hlawh an la tlai zel ang. Health Care sum ba a inchhek khawl teuh ang a, damlote an rum tak zet ang,” a ti a, “Congress leh MNF te hian min bei zel rawh se. Kan dik lo a nih chuan insiam that nan kan hmang ang. Thil thar leh thil tha an rawn tih tur erawh sawi thin rawh se,” a ti bawk.
PRESS RELEASE
MNF te hian kan zawhnate hi min chhang rawh se. Zoram mipuite, thalai hna zawng mek te, nu leh pa ten a chhanna kan nghak e
- Dr. Vanlalthlana, Minister
Dated Aizawl 1st December, 2025: Vawiin December ni 1, 2025 (Thawhtanni) chhung inkhawmah Dr. Vanlalthlana, Minister chuan thu sawiin, “Pu Lalchhandama Ralte, MLA-in MzSU chungchangah kan CM dawt sawiah a rawn puh a. Kohhran Upa tal hi chuan Kohhran Upa dang dawt sawia a puh hma hian a hre chiangtu tur Kohhran Upa kha zawt hmasa sela a tha tur. Dr R Lalthangliana hova draft bill kha siam a ni a, ani awm lai ngeia Aizawla dah tura tih a ni,” a ti.
Dr. Mathlana chuan, “LOP nihna chungchangah an buai nghal tih hi a dik nge ni, Pu Chhantea hian Dr. Thangtea hi han rawn zeuh se, dawt sawituah a tang lo mai tur. An thawh hona a chhe nghal hle tih a chiang mai awm e. An party inthlang tur boruak pawh a tilang tel thawkhatin ka hria. Kan CM hian dawt a sawi lo va, mi dang rawn nachang hre lo Leader of Opposition-in chhim lam mipuite tlawn nan thu belh chian dawl lo a rawn chhak chhuak ta zawk a ni awm e,” a ti a.
Minister chuan, “Pu Chhantea, LOP hi heng zawhnate hmang hian ka chhang let dawn a, remchang an tihah lo chhang turin ka duh a. Mipuite hian thu dik an hre chho ṭan dawn. Ngawih kan chuh rei ta a, kan rawn hai lang zel tawh dawn,” tiin heng zawhnate hi a zawt:
1. MZSU draft siam a nih laiin khawiah nge Dr. Thangtea a awm? Aizawl-a University Hqrs. awm tura tih kha ama chair-na hnuaia ngaihtuahho a ni lo’m ni?
2. Mizoram Polytechnic Lunglei ram khin a nihin khawiah nge MNF Minister Dr. Thangtea a awm? Kum 2021-a thutlukna siam a nih lai khan engnge a tih? MNF sorkar kha eng vanga ngawi reng nge an nih? Mizoram Polytechnic Lunglei, a ram laili tak chan mai thei dinhmuna kan awm lai khan eng vangin nge MNF sawrkar kha a ngawih reng? Khinglet miah lo ta se MPL hmun laili tak kan chân thei tih an hre lo em ni? MNF Ministry khan an hriat loh ka ring lo. Chhim lam mipuite ngaihsak lotu CM hnuaia an awm vang nge an MLA-te dawih vang zawk? Eng vanga chhim lam hmangaih ta thut nge an nih? Mizoram Polytechnic Lunglei saw va fang kual ve teh u, hrin loh fa pawh ni mai lovin, diriam taka ngaihsak lo zirna hmuna chantirtu sorkar kha tunge? Lunglei mipuite hnenah hian MNF-te hian ngaihdam dil phawt rawh se.
3. Term hmasa khan College sakna atana sum lo chhuakte kha hna tan tak tak a nih hmaa contractor-te pawisa pe tura ti thintu Minister kha tunge? Government Aizawl North College, a ban kawi, a beam kul te; Mizoram Law College, a sak dan tur ni lo lutuka sak te, Serchhip College sak chhe lutuk te; khatih lai khan khawiah nge Dr. Thangtea kha a awm? Eng vanga chhe em em nge a nih? Tunge sum tihchhuah a nih veleh contractor ten hna an thawh hma hauh pawha sum pe tura ti thin? Kha sorkar kha kan ning a, kan paih thla a ni lo’m ni?
4. Pu Chhantea pawh hei hi ka zawt a ni. School 200 chuanga electric wiring chhe lutuk te hi eng vang nge? DIET Saiha-ah hian tute nge man ṭang ei? Tuna Samagra Shiksha hnuaia hna thawh zawh hleih theih lova awm hi lo ngaihven zui rawh se.
5. School-a lehkhabu sem tur – kum 4 chhunga a thianpa nuai 540 chuang zet supply tirtu hi tunge?
6. Sports equipment – kum 4 chhung restricted tender hmang a, bankers guarantee pawh awm lova supply tirtu Minister kha tunge?
7. Zirtirtu 650 chuang advertisement tel lova latute hian chhunzawm zel an tum em? Zoram ṭhalaite min chhansak ta che u. Sum tam tak seng a, harsa taka lehkha zirte min chhansak rawh se. Sorkarna chang leh ta se la, ṭhalai beidawng tam tak siam leh an tum em? Party insawh ngheh nan nu leh pa, mahni fate zirna tur atana hah taka intuakte beidawnna khawvel siam leh an tum em? Pathian leh kan ram tan ti chung siin MNF leh chhungte tan an thawk leh dawn em ni?
8. Pu R. Lalzirliana, term hmasa Cabinet Minister-in Lawngtlai lama ‘lem ang der’ a tih kha an la chhunzawm zel dawn em? Congress lêm ang dertu thawhpuitute an ni a, Lem ang dertute hi an support ta thut em ni? Pu Zira’n lem ang dertu Congress party-te leh a thawhpui MNF sorkar hi LADC mipuite hian vote tlin an ba em?
9. MNF hian eng danglamna nge Mizoram mipuite hi a zawrh dawn tak? Lém ang dera Rs. Nuai 3 tiam a, Rs. 25,000 pek kha nge ZPM-in danglamna a siam mek hi chhunzawm ve an tum dawn?
10. LOP Pu Chhantea ka zawhna hnuhnung chu hei hi a ni. Dr. Thangtea hi MNF Sr. Vice President a nih angin LoP nihna hi a kian dawn em?
Dr. Vanlalthlana chuan, “Heng ka zawhnate hi min chhang rawh se. Zoram mipuite, thalai hna zawng mek te, nu leh pa ten a chhanna kan nghak e,” a ti a, “ZPM sorkar lovin MNF sorkar leh ta se la, thalai tam tak an beidawng chhunzawm leh ang a. Sorkar hnathawk ten hlawh an la tlai zel ang. Health Care sum ba a inchhek khawl teuh ang a, damlote an rum tak zet ang,” a ti a, “Congress leh MNF te hian min bei zel rawh se. Kan dik lo a nih chuan insiam that nan kan hmang ang. Thil thar leh thil tha an rawn tih tur erawh sawi thin rawh se,” a ti bawk.
Sd/-
(LALTHACHIANGA)
Jt. Secretary
Media & Publicity Department
ZPM General Headquarters, Aizawl
PR No. ZPM-02/02A/2025/100
Dated 1st December, 2025
Post a Comment
He post chungchanga i ngaihdan lo sawi ve rawh: