Andaman and Nicobar Islands Mizo Welfare Association-in Mizo hnam timualpho zawnga khawsakna thleng ṭhin pawi an ti, hmalak an tum!

Aizawl | Dec 5, 2025: Andaman and Nicobar Islands Mizo Welfare Association chuan Nov 29 khan thuchhuah siamin, "Mizo hnam timualpho zawnga khawsakna a awm leh a nih chuan, an chhungte leh an khawtlang hruaitute nen ṭang ho a thawn haw tur a ni tawh ang," an ti.

"Andaman and Nicobar Islands Mizo Welfare Association Executive Committee chuan tun hnai kum hnih khat kal ta a, Andaman thliarkra Mizo hnathawka awm te, kan hnathawh dan leh kan nunphung te thlir letin Andaman thliarkar ah theih ang tawka Mizo hnam humhalh a ṭul niin a hria a, a hnuaia kan rawn ziah te hi tlang hrang hranga Mizo hnahthlak awm ten min ngaihpawimawh saka min zawm sak ngei turin kan ngenin kan hriattir a che u," an ti.

"Hun hmasa lamah Mizo hnam hmai tibal zawnga khawsa kan lo awm palh ṭhin a, hei hi Executive Committee chuan pawi a tiin thleng nawn tawh lo se a a ti a, chu vang chuan tun hnu ah Mizo hnam timualpho zawnga khawsakna a awm leh a nih chuan, an chhungte leh an khawtlang hruaitute nen ṭang ho a thawn haw tur a ni tawh ang," tiin thuchhuah ah an tarlang.

Andaman and Nicobar Islands Mizo Welfare Association

THUCHHUAH

1. Andaman and Nicobar Islands Mizo Welfare Association Executive Committee chuan tun hnai kum hnih khat kal ta a, Andaman thliarkra Mizo hnathawka awm te, kan hnathawh dan leh kan nunphung te thlir letin Andaman thliarkar ah theih ang tawka Mizo hnam humhalh a ṭul niin a hria a, a hnuaia kan rawn ziah te hi tlang hrang hranga Mizo hnahthlak awm ten min ngaihpawimawh saka min zawm sak ngei turin kan ngenin kan hriattir a che u.

2. Andaman and Nicobar Islands a hnathawk tura lo kal tur ten kan hnathawhna hmun hriat chian te, kan hnathawh tur tak hriatchian mai baka, kan hlawh zat turte hriat chian hmasak zet hnu a lo chhuk nise.

3. Andaman and Nicobar Islands a hnathawk tura lo chhuk thar ten ANIMWA Hruaitute Phone Call emaw Mizo Diaspora Hub Apps kal tlanga a hma lama inhriattir vata Mizo Welfare belh tlat ṭhin ni se.

4. ANIMWA chuan Mizo ṭanpui ngai leh chhawmdawl ngaite a lo ṭanpuiin a lo chhawmdawl tawh ṭhin angin, chu rawngbawl hna chu a thawk reng dawn a ni.

5. Hun hmasa lamah Mizo hnam hmai tibal zawnga khawsa kan lo awm palh ṭhin a, hei hi Executive Committee chuan pawi a tiin thleng nawn tawh lo se a a ti a, chu vang chuan tun hnu ah Mizo hnam timualpho zawnga khawsakna a awm leh a nih chuan, an chhungte leh an khawtlang hruaitute nen ṭang ho a thawn haw tur a ni tawh ang.

6. Andaman & Nicobar Islands hi ram zimte India ram khawpui lian dang angin Mi tamtak chenna a ni lo a, chu vang chuan he laia Mizo hnatkawka awm te ngei pawh hriat bik kan awl hle, Mizo pahnih khat awm ṭhat duh loh a vanga a hnam ang zawnga hming hliau na leh Mizo hnathawk dangte harsatna thlen theitu kan ni tih hria in, Zoram lam a ṭangabhnathawk tura lo kal leh turte pawh Mizo tlawmngaihna leh Kristian nun dah sanna te tela rawn chhuk turin kan ngen a che u.

Issued by:- Andaman and Nicobar Islands Mizo Welfare Association Executive Committee 2025