"ZPM an sorkar a, enchhin sorkar mai an ni - Saiip puan sina bultan chu zu khapna dan ennawnna in a zui," - Ex CM Zorama

Aizawl | Nov 4, 2025: MNF President leh former Chief Minister Zoramthanga chuan vawiin khan Thorang bial, Lungsen Chhimveng YMA hall-a, political training leh  mithar lawmluhna hunah khuallian niin  a hmanpui a, thusawiin, "Hnam thinlungpu thalaiten ZPM sorkar hi an kham tawh. Pathianin Zoram hi a hmangaih a, hun khirh tak karah pawh a hruaichhuak thin. Pathian remruat vangin MNF kan tla a, ZPM an sorkar a, enchhin sorkar mai an ni. Saiip puan sina bultan chu zu khapna dan ennawnna in a zui a. 

Contract hna inpeknaah nasa takin pawi an khawih a. Ram an hralh a, kan rohlu tihral an an tum zel bawk a. Kawngchhiat lutuk avangin hnamdangte phei chuan lirthei chunga chuang chung pawhin kawng an hmu theilo hial a ni. Dawt an sawi zozaite hi sawisen a nilo a, dawt sawiah pawh hian a chintawk a awm asin mawle, tih hial tur an ni," a ti. 

Zorama chuan, ZPM sorkar pawikhawih zozaite hi MNF sorkar leh hunah siamthat leh a ni anga, nuaibo vek a ni ang. Opposition party atangin ruling party ah mi an lut thin a ni a. Tunah erawhchuan, ruling atangin opposition MNF ah hmun hrang hrang atangin an rawn lut zel a. MNF in thuneihna a neih leh thuai dawn vang a ni a. Pathianin tum neiin MNF a hruai thin a, kawng laklawhah min tawpsan lovang, a ti bawk.

He hunah hian voters, ZPM party atangin 121, Congress party atangin 75, BJP atangin 28 leh neutral 16 MNF party ah lawmluh an ni. 

MNF President  Zoramthanga, hian Serchhip leh Hnahthial-a Mizo Hnam run te a tlawh bawk a. "Hmuntinah kawng a chhia a, kawng siamthatna tur chhiah an la chung pawhin kawng siamthat a ni chuanglo. Aizawl khawpui mamawh khawp pawh tui pump theilo te hian, tuikhuaha tui pump an tum thute an sawi a. Hmun tinah enchhin fuhlohna thawm a ri ring hle. Chuvangin, ZPM tan tlin theina bial a vang hle ang, MNF tlinpui kum kan thleng leh mai dawn a, theihtawp i chhuah zel ang u," tiin party mipui kalkhawmte a fuih bawk. 

Thorang bialtu MLA Er R Rohmingliana pawhin thusawiin, "MLA fund hi bial tan, bial mipui ta a ni a, opposition bial nimah ila, bial tan theihtawp kan chhuah zel ang. MNF sorkar laiin Pu Zoramthanga CM na hnuaiah Thorang bial nasa taka duhsak kan ni a. Kawngpui siammek, leidawh, leh hmasawnna tamtak lut te hi MNF sorkarna hnuaia thleng a ni. Tun sorkarah kan thlai tharte kan hralh thei lova, tam tak a tawihral a, min leisak chhunte lah a man min batsak bawk si a. Kan mangang a, chhanchhuah kan ngai a ni. Chutih rualin theihtawp chhuahin kan bei zel anga, MLA fund hmanga kan hnathawhte a tha tur a ni a, kan dik bawk tur a ni, " a ti a. 

ZPM hi an tam vanga sorkar an nilova, enchhin an ni. Hun reilote chhungin kan enchhin fuhlohzia chu a langchiang em em tawh a ni. Departmental work tiin, work supervisor atan an party mi an inruat a. Dampa leh Thorang bial inkalpawhna cheng nuai 18.19 hmanga sial chu hun reilote chhungin zawh tlakloh a ni. Hetiang hi ramchhung hmin tamtakah a awm a ni. Sawhthing leina sum cheng vaibelchhe 5 vel hi zawngchhuak ngei rawh se, a ti bawk. 

MNF  Thorang East Block President Lalropuia'n lawmluh inkhawm hi a kaihruai a. BCM Lungsen pastor bial pastor Rev C Lalremmawia'n hunserh a hmang a. MNF sub hqrs. Lunglei President Vanlalhmuaka pawhin thu a sawi. MNF Thorang East Block  Vice President A Lalmuankima'n lawmthu sawiin inkhawm hi a tin a ni. 

Mizo National Front

General Headquarters

Mizoram : Aizawl

Press Release

HNAM THINLUNGPU THALAITEN ZPM AN KHAM TAWH

--Zoramthanga, MNF President, Former CM

Sahmulphah thla vawiin ni 4, 2025 (Thawhlehni) hian MNF President, Pu Zoramthanga, former Chief Minister chuan Thorang bial, Lungsen Chhimveng YMA hall-a, political training leh  mithar lawmluhna hunah khuallian niin  a hmanpui a, thusawiin, " Hnam thinlungpu thalaiten ZPM sorkar hi an kham tawh. Pathianin Zoram hi a hmangaih a, hun khirh tak karah pawh a hruaichhuak thin. Pathian remruat vangin MNF kan tla a, ZPM an sorkar a, enchhin sorkar mai an ni. Saiip puan sina bultan chu zu khapna dan ennawnna in a zui a.  

Contract hna inpeknaah nasa takin pawi an khawih a. Ram an hralh a, kan rohlu tihral an an tum zel bawk a. Kawngchhiat lutuk avangin hnamdangte phei chuan lirthei chunga chuang chung pawhin kawng an hmu theilo hial a ni. Dawt an sawi zozaite hi sawisen a nilo a, dawt sawiah pawh hian a chintawk a awm asin mawle, tih hial tur an ni," a ti. 

Pu Zorama chuan, ZPM sorkar pawikhawih zozaite hi MNF sorkar leh hunah siamthat leh a ni anga, nuaibo vek a ni ang. Opposition party atangin ruling party ah mi an lut thin a ni a. Tunah erawhchuan, ruling atangin opposition MNF ah hmun hrang hrang atangin an rawn lut zel a. MNF in thuneihna a neih leh thuai dawn vang a ni a. Pathianin tum neiin MNF a hruai thin a, kawng laklawhah min tawpsan lovang, a ti bawk.

He hunah hian voters, ZPM party atangin 121, Congress party atangin 75, BJP atangin 28 leh neutral 16 MNF party ah lawmluh an ni. 

Pu Zoramthanga, MNF President hian Serchhip leh Hnahthial-a Mizo Hnamrun te a tlawh bawk a. "Hmuntinah kawng a chhia a, kawng siamthatna tur chhiah an la chung pawhin kawng siamthat a ni chuanglo. Aizawl khawpui mamawh khawp pawh tui pump theilo te hian, tuikhuaha tui pump an tum thute an sawi a. Hmun tinah enchhin fuhlohna thawm a ri ring hle. Chuvangin, ZPM tan tlin theina bial a vang hle ang, MNF tlinpui kum kan thleng leh mai dawn a, theihtawp i chhuah zel ang u," tiin party mipui kalkhawmte a fuih bawk. 

Thorang bialtu MLA Er. R. Rohmingliana pawhin thusawiin, "MLA fund hi bial tan, bial mipui ta a ni a, opposition bial nimah ila, bial tan theihtawp kan chhuah zel ang. MNF sorkar laiin Pu Zoramthanga CM na hnuaiah Thorang bial nasa taka duhsak kan ni a. Kawngpui siammek, leidawh, leh hmasawnna tamtak lut te hi MNF sorkarna hnuaia thleng a ni. Tun sorkarah kan thlai tharte kan hralh thei lova, tam tak a tawihral a, min leisak chhunte lah a man min batsak bawk si a. Kan mangang a, chhanchhuah kan ngai a ni. Chutih rualin theihtawp chhuahin kan bei zel anga, MLA fund hmanga kan hnathawhte a tha tur a ni a, kan dik bawk tur a ni, " a ti a. 

ZPM hi an tam vanga sorkar an nilova, enchhin an ni. Hun reilote chhungin kan enchhin fuhlohzia chu a langchiang em em tawh a ni. Departmental work tiin, work supervisor atan an party mi an inruat a. Dampa leh Thorang bial inkalpawhna cheng nuai 18.19 hmanga sial chu hun reilote chhungin zawh tlakloh a ni. Hetiang hi ramchhung hmin tamtakah a awm a ni. Sawhthing leina sum cheng vaibelchhe 5 vel hi zawngchhuak ngei rawh se, a ti bawk. 

Pu Lalropuia, President, Thorang East Block chuan lawmluh inkhawm hi a kaihruai a. Rev. C. Lalremmawia, BCM Lungsen pastor bial chuan hunserh a hmang a. Pu Vanlalhmuaka, President, sub hqrs. Lunglei pawhin thu a sawi. Pu A. Lalmuankima, Vice President, Thorang East Block chuan lawmthu sawiin inkhawm hi a tin a ni. 

Sd/-

(PETER CHHANGTE)

Secretary

Media & Publicity Department

Mizo National Front

Memo No. 372/2025

Dt. 4.11.2025