Zoram Thar zawlbuk, 'Zofate lairelna inpui' hawng

Aizawl | Nov 5, 2025: Zoram Thar Zofate Lairêlna Inpui chuan nimin chawhma dar 11:00 ah Zoram Thar Zawlbûk, Zofate Lairelna Inpui (office thar) an hawng. Rev Dr Zaichhawna Hlawndo chuan a hawnna hun a hmang a, Lalruatfeli Hlawndo in program a kaihruai. Zawlbûk Pathian hnena hlanna ṭawngṭairualna neiin? thusawi leh zaiho-a hun hman a ni a, ruai kilho nghal a ni.

Kohhran leh pawl hrang hrang aiawhte lo kalin thusawinate an nei. Thusawitute chuan Zofate hi Pathian hnam thlan Party, Kohhran leh hnam a indaidanna te ṭhiah a hun tawh takzet tiin, tun hun hi Zofate inpumkhata, ram leh hnam damna tura thawhho hun a nih tawh thu te an sawi.

Zoram Thar Zofate Lairelna Hruaitu Rev Dr Zaichhawna Hlawndo chuan Zawlbûk hi Lalpa nena inpawlna ṭawngṭai inpui, Pathian Lal ram buaipuina tur hmun a ni a ti a. Kar tin Inrinni dar 11 ah Nehemia tawngtaina hun hman ṭhin a ni ang a ti. He Zawlbûk hi Mafeli Hlawndo ‘Be Lit’ podcast-na hmun a ni nghal bawk ang.

Zoram Thar te hian member a hranin an lak loh avangin, office thar hi Zofate zawng zawng ta a ni a, a duh tan ṭawngṭaina hmun atan a hman theih thu a sawi bawk. Zofate Pathian Biak Inpui sak naah hma kan sawn zel a, khawtinah thawhlawm hi lakkhawm tur a ni a, kum thar ah chuan Aizawl chhungah thawhlawm lakkhawm chhunzawm an tum thu a sawi bawk.