Aizawl | Nov 5, 2025: MNF Legal Board Member Saihmingliana Sailo chuan, "Chief Minister berin dan chunga leng nia inngaia dan pawisakna chhe te mah nei lova a chet vel avang hian vawiin hian CEO hnenah hmala tura ngenna / complaint kan thehluh a ngai ta hi vanduaithlak kan ti hle," tiin vawiin khan Aizawl Press Club-ah thuthar thehdarhtute kawmin a sawi.
Sawi chhunzawmin, "MCC leh dan dinglai pawisa miah lova campaign duh Mizoramin CM a nei hi MNF Legal Board chuan en liam mai chi-ah a ngai lo," a ti.
"Ni. 01/11/2025 a Chief Minister Pu Lalduhoma’n, ZPM Party tana Silsury khuaa a campaign-naah MCC leh Dan dinglaite nasa taka bawhchhiaa, Mizoram chhunga chi leh chite inkara in huatna chawk chhuak thei thil a sawi chiam mai kha MNF Party chuan pawi a ti a, heti ang a chi leh chi inkara in huatna siam thei tawngkam Chief Minister meuhin a sawi chhuak hi MNF Legal Board chuan en liam mai chi ah a ngai lo," a ti.
Hemi tum hian Chief Minister chuan a thusawi bul tannaah “Kan hruaitu hmasaten Mizo mipuite leh Chakma inkarah inhuatna chi an lo tuh a, hruaitu hmasaten Chakma huat dan min lo zirtir tawh thin a ni” tih a sawi a, chu chu duh tawk mai lovin, Chief Minister hmasa Pu Zoramthanga thusawi ni awm takte tar langin, Chakma-te fuihpawrh tumin thu mak tak tak a sawi chhunzawm a, kan ram hruaitu lu berin, Election kaihhnawiha dan dinglai ( Representation of Peoples Act.1951 & Model Code of Conduct) te hre reng chunga tun Dampa constituency a tana By Election neih tura a awmna party chakpui a duh luat vanga, hnam tlem zawk, Chakma-te hnena a chipui Mizote leh ram hruaitu hmasate a chhe thei ang bera a zuk hek duh mai hi a pawi kan tiin demawm kan ti takzet a ni.
He Chief Minister thusawi hian RP Act hnuaiah hian “Party tumahin hnam leh hnam emaw chi leh chi emaw, sakhuana emaw, inkara in huatna emaw, inghirnghona lam kaihhnawih engmah hmalakna lam hawi an ti emaw, an sawi emaw tur a ni lo’’. tih chu chiang takin a bawhchhia a ni.
Mizorama cheng, chi leh chi inkara inhuatna chawh thawh tum zawnga Chief Minister Pu Lalduhoma thusawi hi Representation of the People Act, 1951 Section 123 (3-A) in Corrupt Practices tia tarlan Section 125 anga - kum 3 thleng Lung In tantir leh pawisa chawitira hrem theih a ni a. Hetiang taka Dan pawisa lo hi Chief Minister ni zel tlakah MNF Legal Board a ngai lo a ni.
Hei bakah hian hemi ni vek hian Chief Minister hian mipuite chu an party candidate an vote loh chuan sorkar atanga hamthatna an hmuh turahte hrekah a vau bakah hamthatna chi hrang hrangte tiamin Silsury Road/kawng siamna tur 100.40 crore dah fel a nih tawh thu leh kawng tha siamsak an nih tur thute bakah, kawngpui, Border Trade, Chief Minister’s Special Package, mi rethei in sak tanpuina leh an mamawh dangte pek an ni dawn tiin a sawi bawk a. Heng a thu sawite hian Election Commission of India in a duan, Model Code of Conduct Para VII 6(a) & (c) te chiang takin a kalh a ni.
Hei mai bakah hian MCC a tarlan dan chuan “Sorkarna chelh mektu central emaw, state emaw in an official thuneihna hman sual phal a ni lo va, inthlan ni tur Commission-in a puan tawh hnu ah, Minister emaw, official (thuneituten) tumahin tanpuina sum leh pai puanchhuah leh heng kaihhnawih intiamna hi an siam tur a ni lo a. kawng siam tur, tui in tur pek lam leh a dangte engmah an tiam tur a ni lo’’.
(VII. Party in Power
The party in power whether at the Centre or in the State or States concerned, shall ensure that no cause is given for any complaint that it has used its official position for the purposes of its election campaign and in particular –
From the time elections are announced by Commission, Ministers and other authorities shall not –
(a) announce any financial grants in any form or promises thereof; or
(c) make any promise of construction of roads, provision of drinking water facilities etc.;)
Chief Minister berin Dan chunga leng nia inngaia Dan pawisakna chhe te mah nei lova a chet vel avang hian vawiin Dt. 6/11/2025 hian CEO hnenah hmala tura ngenna/complaint kan thehluh a ngai ta hi vanduaithlak kan ti hle.
Press Statement of Saihmingliana Sailo, Member, MNF Legal Board
06. 11. 2025
MCC LEH DAN DINGLAI DANGTE PAWISA MIAH LO VA CAMPAIGN DUH CHIEF MINISTER MIZORAMIN A NEI HI MNF LEGAL BOARD CHUAN EN LIAM MAI CHIAH A NGAI LO.
Ni. 01/11/2025 a Chief Minister Pu Lalduhoma’n, ZPM Party tana Silsury khuaa a campaign-naah MCC leh Dan dinglaite nasa taka bawhchhiaa, Mizoram chhunga chi leh chite inkara in huatna chawk chhuak thei thil a sawi chiam mai kha MNF Party chuan pawi a ti a, heti ang a chi leh chi inkara in huatna siam thei tawngkam Chief Minister meuhin a sawi chhuak hi MNF Legal Board chuan en liam mai chi ah a ngai lo.
Hemi tum hian Chief Minister chuan a thusawi bul tannaah “Kan hruaitu hmasaten Mizo mipuite leh Chakma inkarah inhuatna chi an lo tuh a, hruaitu hmasaten Chakma huat dan min lo zirtir tawh thin a ni” tih a sawi a, chu chu duh tawk mai lovin, Chief Minister hmasa Pu Zoramthanga thusawi ni awm takte tar langin, Chakma-te fuihpawrh tumin thu mak tak tak a sawi chhunzawm a, kan ram hruaitu lu berin, Election kaihhnawiha dan dinglai ( Representation of Peoples Act.1951 & Model Code of Conduct) te hre reng chunga tun Dampa constituency a tana By Election neih tura a awmna party chakpui a duh luat vanga, hnam tlem zawk, Chakma-te hnena a chipui Mizote leh ram hruaitu hmasate a chhe thei ang bera a zuk hek duh mai hi a pawi kan tiin demawm kan ti takzet a ni.
He Chief Minister thusawi hian RP Act hnuaiah hian “Party tumahin hnam leh hnam emaw chi leh chi emaw, sakhuana emaw, inkara in huatna emaw, inghirnghona lam kaihhnawih engmah hmalakna lam hawi an ti emaw, an sawi emaw tur a ni lo’’. tih chu chiang takin a bawhchhia a ni.
Mizorama cheng, chi leh chi inkara inhuatna chawh thawh tum zawnga Chief Minister Pu Lalduhoma thusawi hi Representation of the People Act, 1951 Section 123 (3-A) in Corrupt Practices tia tarlan Section 125 anga - kum 3 thleng Lung In tantir leh pawisa chawitira hrem theih a ni a. Hetiang taka Dan pawisa lo hi Chief Minister ni zel tlakah MNF Legal Board a ngai lo a ni.
Hei bakah hian hemi ni vek hian Chief Minister hian mipuite chu an party candidate an vote loh chuan sorkar atanga hamthatna an hmuh turahte hrekah a vau bakah hamthatna chi hrang hrangte tiamin Silsury Road/kawng siamna tur 100.40 crore dah fel a nih tawh thu leh kawng tha siamsak an nih tur thute bakah, kawngpui, Border Trade, Chief Minister’s Special Package, mi rethei in sak tanpuina leh an mamawh dangte pek an ni dawn tiin a sawi bawk a. Heng a thu sawite hian Election Commission of India in a duan, Model Code of Conduct Para VII 6(a) & (c) te chiang takin a kalh a ni.
Hei mai bakah hian MCC a tarlan dan chuan “Sorkarna chelh mektu central emaw, state emaw in an official thuneihna hman sual phal a ni lo va, inthlan ni tur Commission-in a puan tawh hnu ah, Minister emaw, official (thuneituten) tumahin tanpuina sum leh pai puanchhuah leh heng kaihhnawih intiamna hi an siam tur a ni lo a. kawng siam tur, tui in tur pek lam leh a dangte engmah an tiam tur a ni lo’’.
(VII. Party in Power
The party in power whether at the Centre or in the State or States concerned, shall ensure that no cause is given for any complaint that it has used its official position for the purposes of its election campaign and in particular –
From the time elections are announced by Commission, Ministers and other authorities shall not –
(a) announce any financial grants in any form or promises thereof; or
(c) make any promise of construction of roads, provision of drinking water facilities etc.;)
Chief Minister berin Dan chunga leng nia inngaia Dan pawisakna chhe te mah nei lova a chet vel avang hian vawiin Dt. 6/11/2025 hian CEO hnenah hmala tura ngenna/complaint kan thehluh a ngai ta hi vanduaithlak kan ti hle.
Issued by
MNF Publicity Board,
MNF General Headquarters, Aizawl, Mizoram
"Nu mittuiin a fa nunna a chhan thei lo, i thisenin a chhan thei a sin,"
Thisen pe la, nun chhanhim rawh.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: