Sholay star Darmendra kum 89 miin niin a herliam!

Aizawl | Nov 24, 2025: India film star lar, Sholay star, Darmendra chu kum 89 mi niin vawiin khan a thi.

Sholay star Darmendra hi kar hmasa lawk khan Mumbai a Breach Candy Hospital a an enkawl mek laiin a that deuh avangin a chhuak a, in lama inenkawl tura tih a ni a, vawiin November ni 24 hian a kal ta a ni.

Sholay star Darmendra hian nupui, film star tho Hema Malini neiin, a fate Suny Deol, Bobby Deol leh Esha Deol pawh bollywood star lar leh mite ngaihsan an ni. Dharmendra hian kum 65 chhungin Hindi film 305-ah tel ve na a nei a, Ankhen, Shikar, Aya Sawan Jhoom Ke, Jeevan Mrityu, Mera Gaon Mera Desh, Seeta Aur Geeta, Raja Jani, Jugnu, Yaadon Ki Baaraat, Dost, Sholay, Pratiggya, Charas, Dharam Veer, Chacha Bhatija, Ghulami, Hukumat, Aag Hi Aag, Elaan-E-Jung, Tahalka, Anpadh, Bandini, Haqeeqat, Anupama, Mamta, Majhli Didi, Satyakam, Naya Zamana, Samadhi, Resham Ki Dori, Chupke Chupke, Dillagi, The Burning Train, Ghazab, Do Dishayen leh Hathyar te chu a inlanna hriat hlawh zualte an ni.

Dharmendra Kewal Krishan Deol (8 December 1935 – 24 November 2025) hi Indian actor, producer leh politician niin, 13 May 2004 – 16 May 2009 chhung khan lok sabha MP pawh lo ni tawh a ni.

"Nu mittuiin a fa nunna a chhan thei lo, i thisenin a chhan thei a sin,"

Thisen pe la, nun chhanhim rawh.

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]