'Prajatantra - 2025: National Youth Festival'-ah National youth Icon Grace Hauzel leh Mizoram zirlaite an che tha

Aizawl | Nov 3, 2025: Mumbai khawpuia neih zawh tak, 'Prajatantra - 2025: National Youth Festival'-ah Viksit Bharat Yuva Connect - National youth Icon Mizo Nula Grace Hauzel leh Mizoram zirlaite an che tha a, chawimawina nen an rawn haw dawn.

Pachhunga University College (PUC) a B.A (History) 5th sem zirlai Grace Lalrinpari Hauzel hi first in Field Engagement at 'Prajatantra - 2025: National Youth Festival' a ni a, Mayor's speech-ah 2nd position a ni bawk

Field Engagement hi Finalist zawng zawng te inelna niin, hetah hian 1st position a ni.

PUC-a BA (Economics) 5 sem zirlai CR Lalromawia pawh, Policy on Minicipal Finance-ah 3rd Position a ni bawk.

Govt. Hrangbana College-a BA (English) 5th Sem zirlai Romawizuala chu 'Op -Ed Writing Competition'-ah pakhat a ni a, ani bakah hian, BA (Political Science) 5th sem zirlai Adila Zosangkimi leh BA (Political Science) 3rd sem zirlai Lalkroshlui te pawh an tel a ni.

He intihsiakna hi UN Habitat leh National Institute of Urban Affairs, Govt. of India bultuma praja.org ten kumtin an buataih thin a ni a. He Youth Festival a intihsiakna thupui chu, 'Artificial Intelligence for Sustainable Cities' tih niin, Khawpui inrelbawlna tha zawk nei thei tura thalaiten rilru an sen theihna atan buatsaih a ni.

Intihsiakna hi chhawng 3 niin elimination, second round leh final round te neih thin niin, field work hautak tak neih a ngai bawk thin.