Aizawl | Nov 17, 2025: ZPM chuan vawiin khan an Party Office-ah chhung inkhawm an hmang a; thusawitu ZPM General Headquarters President Lalliansawta chuan, “Dampa bial by election-a kan chak loh chhanah puh tur an awm a nih chuan keimah hi mawhphurtu ka ni. LADC inthlan kan hmabak a, Lai mipuiten ngaihtuahna fim tak hmang se, state sorkar behchhana sorkar siam turin ka chah duh a ni,” a ti.
Laliansawta chuan Dampa bial By-Election neih zawk tak chungchang sawiin, “Chak tura inngai kan chak ta tlat lo mai a, inthlan kan hmachhawn tawhah keimahah chuan chak ka inrin ber tum a ni hial awm e,” a ti a. “Kan chak loh dan kha ka ngaihtuah a, mawng sawh dawta tla chu kan ni lo. Polling Station 41-a 20-ah kan sang zawk a. MNF khan 18-ah chakna an nei a. Hmun 1-ah kan inhneh tawk a, a vote number-a chhut a nih avangin kan tla a ni mai. Chu vangin, kan hneh lo lem lo a ni. Engpawhnise, chak loh tak chuan puhmawh tur a awm nual thin a, kan candidate pawh a inthlahrung viau tih a hriat a. Puh tur a awm a nih chuan Party President hian mawh ka phur a ni. By election-ah hian kan campaigner-ten theih tawp an chhuah a, kan Minister leh MLA-te pawh an tang tak zet a, ZPM min vote-tu zawng zawng chungah lawmthu kan sawi a ni,” a ti.
ZPM Party president chuan LADC inthlan tur chungchang sawiin, “December ni 3-a inthlang turin kan inpuahchah mek a, boruak pawh a sang viau. Candidate set pawh a buaithlak a, search committee dinin kumin kum tir atang khan hma kan la tawh a, mi tha tak tak 25 kan thlang chhuak ta hi a lawmawm hle a ni. Lawngtlai District mipuite ka chah duh chu, rilru puitling takin awm ila, LADC hmasawnna tur kan ngaihtuah a ngai. Kalphung thar mipui sorkar kan din duh tak tak a nih chuan rilru fim kan put ka duh. MDC kalphung hrim hrim hi siam that a ngai hle a, mipuiten kan ram hmasawnna tur hi a zar an zo an ngai a ni. Lai mipuite, state sawrkar behchhana sawrkar siam turin ka chah duh a. State sawrkar nena hrui khat vuana kan tan tlan a tul tih hriaa ZPM Candidate-te lo vote theuh turin ka ngen a ni,” a ti.
Party chhung inkhawmah hian Dampa bial by-election campaign committee Chairman, ZPM party Vice President ni bawk Pu C. Lalnunnema pawhin thu sawiin, “By-election neih chhunga party chet velna leh campaign danah te, campaign-a feh chhuakte leh awm hmuna tan latute chungah lawmthu ka sawi a. Hnehna kan chan tak loh avangin ngaihdam ka dil a, Dampa bial chhunga ZPM unit leh block lama theih tawp chhuahtute leh Pu Vanlalsailova lo vote-tute chungah lawmthu ka sawi. Chak zo ta lo mah ila party thawh hona a tha a, hma kan sawn ang bawkin MNF pawhin hma an sawn a, kum 2023-a kan that tawk lohnaah te ZPM kan pung hle a ni. Minority lamten ZPM min lo hre ve ta hi a lawmawm a, kum 2023 inthlanpui aiin 3% deuhthawin kan pung a ni. Hlawhchhamna hi hlawhtlinna kawng min kawhhmuhtu tur a ni a, kum 2028-ah chuan hlawhtlinna min siamsaktu a ni ngei ang tih ka ring tlat a ni,” a ti.
Dampa bial by-election neih zawh taka hnehna chang zo ta lo Vanlalsailova pawhin thu sawiin, “Vawiinah hian hlawhtlinna avanga lawmthu sawi tur angin thla hmasa lamah te kha chuan kan insuangtuah rilru a ni a. Nimahsela, tunah chuan tlin zawh loh avanga ngaihdam dilna leh hriat thiam ngenna thu sawi a ngai ta. Kan chak loh avanga tute emaw mawhpuh kual tur ka zawng lo va, a chhan bul ber chu keimah ka ni tih ka pawm thlap a ni. He chak lohna hi kan inhmuh chhuah nan Lalpa’n malsawm se ka duh a, politics-a kan hlawhchhamna hian Pathian hmel a tibal tur a ni lo tih hi ka duh dan a ni. Kum 2023 inthlanpuia kalphung thar mipui sorkar kan din theihna tura a thli tlehtirtute zinga hmanruaah Pathianin min hmang ve a; mahse, inthlanah ka tling zo ta lo. By election-ah ka tling lo leh ta a, a tuartu leh hrehawm ti ber chu keimah ka nih ka ring. Mahse, ZPM hian kan thil tum kan tihhlawhtlinna turin tuna ka dinhmun hi darthlalang atan a rawn hungah ka ngai a, theih tawp chhuahin he ram tan hian hma kan la zel ang,” a ti.
Vawiina party chhung inkhawm hi ZPM General Secretary Lalthlamuana'n a kaihruai a, ZPM Upa Committee Treasurer F Thangtinliana'n hunserh hmangin party mipuite chhung inkhawmah hian an kal thahnem hle a ni.
PRESS RELEASE
(ZPM General Headquarters, Aizawl)
STATE SORKAR BEHCHHANA SORKAR SIAM TURIN LAI MIPUITE KA SAWM
- Lalliansawta, President, ZPM
Aizawl, 17th November, 2025 : Vawiin chawhma dar 11 khan ZPM chuan Party Office-ah chhung inkhawm kan hmang a; thusawitu Pu Lalliansawta, President, ZPM General Headquarters chuan, “Dampa bial by election-a kan chak loh chhanah puh tur an awm a nih chuan keimah hi mawhphurtu ka ni. LADC inthlan kan hmabak a, Lai mipuiten ngaihtuahna fim tak hmang se, state sorkar behchhana sorkar siam turin ka chah duh a ni,” a ti.
Pu Laliansawta chuan Dampa bial By-Election neih zawk tak chungchang sawiin, “Chak tura inngai kan chak ta tlat lo mai a, inthlan kan hmachhawn tawhah keimahah chuan chak ka inrin ber tum a ni hial awm e,” a ti a. “Kan chak loh dan kha ka ngaihtuah a, mawng sawh dawta tla chu kan ni lo. Polling Station 41-a 20-ah kan sang zawk a. MNF khan 18-ah chakna an nei a. Hmun 1-ah kan inhneh tawk a, a vote number-a chhut a nih avangin kan tla a ni mai. Chu vangin, kan hneh lo lem lo a ni. Engpawhnise, chak loh tak chuan puhmawh tur a awm nual thin a, kan candidate pawh a inthlahrung viau tih a hriat a. Puh tur a awm a nih chuan Party President hian mawh ka phur a ni. By election-ah hian kan campaigner-ten theih tawp an chhuah a, kan Minister leh MLA-te pawh an tang tak zet a, ZPM min vote-tu zawng zawng chungah lawmthu kan sawi a ni,” a ti.
ZPM Party president chuan LADC inthlan tur chungchang sawiin, “December ni 3-a inthlang turin kan inpuahchah mek a, boruak pawh a sang viau. Candidate set pawh a buaithlak a, search committee dinin kumin kum tir atang khan hma kan la tawh a, mi tha tak tak 25 kan thlang chhuak ta hi a lawmawm hle a ni. Lawngtlai District mipuite ka chah duh chu, rilru puitling takin awm ila, LADC hmasawnna tur kan ngaihtuah a ngai. Kalphung thar mipui sorkar kan din duh tak tak a nih chuan rilru fim kan put ka duh. MDC kalphung hrim hrim hi siam that a ngai hle a, mipuiten kan ram hmasawnna tur hi a zar an zo an ngai a ni. Lai mipuite, state sawrkar behchhana sawrkar siam turin ka chah duh a. State sawrkar nena hrui khat vuana kan tan tlan a tul tih hriaa ZPM Candidate-te lo vote theuh turin ka ngen a ni,” a ti.
Party chhung inkhawmah hian Dampa bial by-election campaign committee Chairman, ZPM party Vice President ni bawk Pu C. Lalnunnema pawhin thu sawiin, “By-election neih chhunga party chet velna leh campaign danah te, campaign-a feh chhuakte leh awm hmuna tan latute chungah lawmthu ka sawi a. Hnehna kan chan tak loh avangin ngaihdam ka dil a, Dampa bial chhunga ZPM unit leh block lama theih tawp chhuahtute leh Pu Vanlalsailova lo vote-tute chungah lawmthu ka sawi. Chak zo ta lo mah ila party thawh hona a tha a, hma kan sawn ang bawkin MNF pawhin hma an sawn a, kum 2023-a kan that tawk lohnaah te ZPM kan pung hle a ni. Minority lamten ZPM min lo hre ve ta hi a lawmawm a, kum 2023 inthlanpui aiin 3% deuhthawin kan pung a ni. Hlawhchhamna hi hlawhtlinna kawng min kawhhmuhtu tur a ni a, kum 2028-ah chuan hlawhtlinna min siamsaktu a ni ngei ang tih ka ring tlat a ni,” a ti.
Dampa bial by-election neih zawh taka hnehna chang zo ta lo Pu Vanlalsailova pawhin thu sawiin, “Vawiinah hian hlawhtlinna avanga lawmthu sawi tur angin thla hmasa lamah te kha chuan kan insuangtuah rilru a ni a. Nimahsela, tunah chuan tlin zawh loh avanga ngaihdam dilna leh hriat thiam ngenna thu sawi a ngai ta. Kan chak loh avanga tute emaw mawhpuh kual tur ka zawng lo va, a chhan bul ber chu keimah ka ni tih ka pawm thlap a ni. He chak lohna hi kan inhmuh chhuah nan Lalpa’n malsawm se ka duh a, politics-a kan hlawhchhamna hian Pathian hmel a tibal tur a ni lo tih hi ka duh dan a ni. Kum 2023 inthlanpuia kalphung thar mipui sorkar kan din theihna tura a thli tlehtirtute zinga hmanruaah Pathianin min hmang ve a; mahse, inthlanah ka tling zo ta lo. By election-ah ka tling lo leh ta a, a tuartu leh hrehawm ti ber chu keimah ka nih ka ring. Mahse, ZPM hian kan thil tum kan tihhlawhtlinna turin tuna ka dinhmun hi darthlalang atan a rawn hungah ka ngai a, theih tawp chhuahin he ram tan hian hma kan la zel ang,” a ti.
Vawiina party chhung inkhawm hi Pu Lalthlamuana, General Secretary-in a kaihruai a, Pu F. Thangtinliana, Treasurer, Upa Committee chuan hunserh hmangin party mipuite chhung inkhawmah hian an kal thahnem hle a ni.
Sd-
(ZIRSANGLIANI MANGPA)
Joint Secretary
Media & Publicity Department
ZPM General Headquarters, Aizawl.
PR No. ZPM-02/02A/2025/89
Dated 17th November, 2025
"Nu mittuiin a fa nunna a chhan thei lo, i thisenin a chhan thei a sin,"
Thisen pe la, nun chhanhim rawh.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: