"Pathianin MNF ten an mamawh tawk a pe thin," ~ MNF President

"He hnehna hi Pathian vanga MNF  hnehna a ni," ~ Dr Thangtea

Aizawl | Nov 17, 2025: Mizo National Front (MNF) chuan vawiin chhun dar 12 hian Vanapa Hall-ah, Dampa bial by-election a MNF-in hnehna a chan avanga Pathian hnena lawmthu sawi inkhawm neih a ni a. He hunah hian MNF President, CM hlui ni bawk Chief Minister Pu Zoramthanga leh Dampa bial MLA atana thlantlin, Dr. R. Lalthangliana, MNF Sr. Vice President ten thu an sawi. 

MLA atana thlantlin, MNF Sr. Vice President Dr R Lalthangliana chuan thu sawiin, "He hnehna hi Dr. Thangtea hnehna a ni lova, Pu Zoramthanga kaihhruai MNF hnehna a ni a, chu hnehna chu Pathian vang a ni. MNF hruaitu, party mite leh bial mipuite thawhrimna piahlamah, Pathian vang liau liauva hetiang dinhmuna ding thei hi kan ni a. Pathianin chawimawina sangbber chang rawh se," a ti.

Pu Zoramthanga kaihhruaina hnuaiah MNF hian Zoram hmasawnna ruhrel lian leh pawimawh zawng zawngte hi a lo thawk tawh thin a. Hun khirh leh thim tak tak kan lo paltlang tawh a. Pu Zoramthanga hi Pathian mi a nih vang a ni a. MNF dintuten, Pathian leh kan ram tan, tia kan thupui an lo vuah chu tun thlengin Lalpan mal a la sawm a ni. 

Dr Thangtea chuan, inthlan ngaihsak leh ngaihven hlawh ber emaw tih hial turah, ruling thachakna zawng zawng nena beih nimah ila, Pathianin chakna min pe a ni. Pianpui unau ang chiaha ka en, Pu Lalrintluanga Sailo in hun lo taka min boralsan vanga he hun hi hmang kan ni a. A sulhnu ten rilru a tithar hle a ni.

Inngaitlawma, tawngtai a, Pathian kan zawn a, kan awmdan sualte kan hawisan chuan Pathianin kan ram a tidam leh ang, a ti.  

 

MNF President Zoramthanga, Chief Minister lo ni tawh chuan thu sawiin, "MNF in kan duhtawk nilovin, Pathianin a duhtawk min pe thin. Chuvangin, Pathian hnenah lawmthu kan sawi a ni. Dampa bial by-election a party zawng zawng campaign-a chhuakte accident laka veng tura kan tawngtaina chu Pathianin min chhang a. A lawmawm takzet a ni," a ti. 

MNF President Zoramthanga chuan, Dampa biala ZPM candidate chaklohna hi ZPM party chaklohna leh Chief Minister chaklohna a ni a. Bana kaih policy hnawlna a ni. Hei hi Pu Rama sawi nilovin, Pu Duha sawi a ni. Article 371 (G) hrechiang ber anga inchhal hian, a pawilai ber kan ram himna leh neihtu kan nihna hralh a, hriat ringawt a lo tawklo a. A thlaraua chian angai a ni. Chuvangin, Ephraim ngawpui indonaa Absaloma a tlawm ang khan, Pathian duhloh zawng titute nen kan indo a tul dawn a. Thlamuang leh chhel takin i awm ang u. "Pathian leh kan ram tan," kan tih hi Pathianin mal a sawm ang. 

Pu Lalrintluanga Sailo, hun lo taka a boral avanga inthlan a ngai ta a. A nupui fanaute leh chhungkua zawng zawngin theihtawp an chhuah a. Party mite, headquarters leh bial mite leh mimal thahnemngai zawng zawngte chungah lawmthu ka sawi a ni, a ti bawk. 

Pi Lalbiakthuami w/o Pu Lalrintluanga Sailo (L) pawhin thusawiin, "Vawiin hi kan chhungkaw tan leh MNF tan lawmna ni a ni. Ka pasal nena unau anga inen Dr Thangtea candidate atana thlan a ni kha kan lawm em em a. Party mi thahnemngai leh bialchhung mite zawng zawng chungah lawmthu ka sawi a. Ka pasal thlarau hian min thlir rengin ka ring a, a aiawhin lawmthu ka sawi a ni, " a ti. 

MNF Vice President leh Campaign committee chairman Vanlalzawma'n lawmthu sawi inkhawm hi a kaihruai a. Rev. Biaksailova Tuikual South chuan hunserh hmangin, Pathian hnena lawmthu sawi tawngtai rualna hun hman a ni bawk. Pu Lalruatkima, MNF treasurer, campaign committee vice chairman chuan lawmthu sawiin inkhawm hi a tin a ni. 

Mizo National Front

General Headquarters

Mizoram : Aizawl

Press Release

MNF-IN PATHIAN HNENAH LAWMTHU SAWI

He hnehna hi Pathian vanga MNF  hnehna a ni - Dr. R. Lalthangliana

Pathianin MNF ten an mamawh tawk a pe thin - Zoramthanga, MNF President 

Sahmulphah thla ni 17, 2025 (Thawhtanni) vawiin chhun dar 12 hian Vanapa Hall-ah, Dampa bial by-election a MNF-in hnehna a chan avanga Pathian hnena lawmthu sawi inkhawm neih a ni a. He hunah hian MNF President, CM hlui ni bawk Chief Minister Pu Zoramthanga leh Dampa bial MLA atana thlantlin, Dr. R. Lalthangliana, MNF Sr. Vice President ten thu an sawi. 

MLA atana thlantlin, Dr. R. Lalthangliana, MNF Sr. Vice President chuan thu sawiin, "He hnehna hi Dr. Thangtea hnehna a ni lova, Pu Zoramthanga kaihhruai MNF hnehna a ni a, chu hnehna chu Pathian vang a ni. MNF hruaitu, party mite leh bial mipuite thawhrimna piahlamah, Pathian vang liau liauva hetiang dinhmuna ding thei hi kan ni a. Pathianin chawimawina sangbber chang rawh se," a ti. 

Pu Zoramthanga kaihhruaina hnuaiah MNF hian Zoram hmasawnna ruhrel lian leh pawimawh zawng zawngte hi a lo thawk tawh thin a. Hun khirh leh thim tak tak kan lo paltlang tawh a. Pu Zoramthanga hi Pathian mi a nih vang a ni a. MNF dintuten, Pathian leh kan ram tan, tia kan thupui an lo vuah chu tun thlengin Lalpan mal a la sawm a ni. 

Dr. Thangtea chuan, inthlan ngaihsak leh ngaihven hlawh ber emaw tih hial turah, ruling thachakna zawng zawng nena beih nimah ila, Pathianin chakna min pe a ni. Pianpui unau ang chiaha ka en, Pu Lalrintluanga Sailo in hun lo taka min boralsan vanga he hun hi hmang kan ni a. A sulhnu ten rilru a tithar hle a ni.

Inngaitlawma, tawngtai a, Pathian kan zawn a, kan awmdan sualte kan hawisan chuan Pathianin kan ram a tidam leh ang, a ti.  

 

MNF President Pu Zoramthanga, Chief Minister lo nitawh chuan thu sawiin, "MNF in kan duhtawk nilovin, Pathianin a duhtawk min pe thin. Chuvangin, Pathian hnenah lawmthu kan sawi a ni. Dampa bial by-election a party zawng zawng campaign-a chhuakte accident laka veng tura kan tawngtaina chu Pathianin min chhang a. A lawmawm takzet a ni," a ti. 

MNF President Pu Zoramthanga chuan, Dampa biala ZPM candidate chaklohna hi ZPM party chaklohna leh Chief Minister chaklohna a ni a. Bana kaih policy hnawlna a ni. Hei hi Pu Rama sawi nilovin, Pu Duha sawi a ni. Article 371 (G) hrechiang ber anga inchhal hian, a pawilai ber kan ram himna leh neihtu kan nihna hralh a, hriat ringawt a lo tawklo a. A thlaraua chian angai a ni. Chuvangin, Ephraim ngawpui indonaa Absaloma a tlawm ang khan, Pathian duhloh zawng titute nen kan indo a tul dawn a. Thlamuang leh chhel takin i awm ang u. "Pathian leh kan ram tan," kan tih hi Pathianin mal a sawm ang. 

Pu Lalrintluanga Sailo, hun lo taka a boral avanga inthlan angai ta a. A nupui fanaute leh chhungkua zawng zawngin theihtawp an chhuah a. Party mite, headquarters leh bial mite leh mimal thahnemngai zawng zawngte chungah lawmthu ka sawi a ni, a ti bawk. 

Pi Lalbiakthuami w/o Pu Lalrintluanga Sailo (L) pawhin thusawiin, "Vawiin hi kan chhungkaw tan leh MNF tan lawmna ni a ni. Ka pasal nena unau anga inen Dr. Thangtea candidate atana thlan a ni kha kan lawm em em a. Party mi thahnemngai leh bialchhung mite zawng zawng chungah lawmthu ka sawi a. Ka pasal thlarau hian min thlir rengin ka ring a, a aiawhin lawmthu ka sawi a ni, " a ti. 

Pu Vanlalzawma, MNF Vice President, campaign committee chairman chuan lawmthu sawi inkhawm hi a kaihruai a. Rev. Biaksailova, Tuikual South chuan hunserh hmangin, Pathian hnena lawmthu sawi tawngtai rualna hun hman a ni bawk. Pu Lalruatkima, MNF treasurer, campaign committee vice chairman chuan lawmthu sawiin inkhawm hi a tin a ni. 

Sd/-

(PETER CHHANGTE)

Secretary

Media & Publicity Department

Mizo National Front

Memo No. 485/2025

Dt. 17.11.2025