MAL kum tawp Inkhawmpui 2025 leh Academy Award 2025 hlannaa Speaker Lalbiakzama thusawi
Assembly Speaker Lalbiakzama – MAL kum tawp Inkhawmpui.
@ Assembly Annexe Conference Hall, Aizawl.
Date : 29/11/2025
.jpg)
Mizo Academy of Letters (MAL) kum tawp inkhawmpuia khuallian tura min sawm hi ka lawm takzet a. Mizo thu leh hla (literature) khawvel leh tawng ti hma sawntu leh hma ngai em emtu pawl lian tak in ni a. Kum khat chhunga lehkhabu chhuak zinga MAL-in tha a tih ber, kum 1989 atang tawha Book of the Year thlangtu in ni hi ziak mite tan a hlu zual em em a ni. Chu chu ziak mite hnenah chona a pe a ni maithei, kum tin deuhthaw hi lehkhabu za chuang chhuak ang a ni a, thu leh hla a ṭhang nasa em em a ni.
Thu leh hla (literature) hi mihring nun phung nena inzawm tlat, a lova awm thei lo tluk hiala ngaih theih a ni a. Chumi ti chiang tur chuan kan Pathian biak lai hian mihringte hnena a ropuina leh amah a inpuan chhuah nan hmanraw pawimawh tak “hla” hi a hmang tlat mai a ni. Hla hmang chuan Pathian nen kan inpawl thin a. Hla hmangin kan lungngaihna te puang chhuakin, damna kan chang ta thin a. Kan Bible-a Davida fakna hla te, tawngtaina hlate atang hian a ti chiang hle awm e. Taksa leh thlarau damna thlengin Pathian hian “hla” hi hmanrua atan a hman avangin a pawimawh em em a ni.
He pawlin a kum thum dana a thlan thin Academy Award 2025 chu fam ta Revd Chuauthuama hnena hlan a ni hi a lawmawm ka ti hle mai a. Ani kha pa huaisen tak leh dik nia a hriat tan tlat mi a ni a; tin, Zoram tan thu leh hla khawvel a mi thawh hlawk tak a ni bawk a. MAL Chanchinbu editor a nih thin nghe nghe in ka hria.
Vawiinah hian hruaitu thar in thlang dawnin ka hria a. Hruaitu ṭha tak thlang chhuak leh ngei turin ka duhsak che u a.
He pawl hi Mizo thu leh hla khawvela Mizo tan a chhenfakawm tak ni zel turin duhsakna sang ber ka hlan a che u.
Ka lawm e.
"Nu mittuiin a fa nunna a chhan thei lo, i thisenin a chhan thei a sin,"
Thisen pe la, nun chhanhim rawh.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: