Aizawl | Oct 16, 2025: MNF Treasurer Lalruatkima chuan Dampa bial khua - West Phaileng, Dinthar leh Ṭuahzawl te a tlawh a. Campaign rusum thlakin thu a sawi a, Party hruaitute leh mipuiin an lo dawngsawng ṭha hle.
Heng hmunah te hian Lalruatkima chuan thu sawiin, "Ruling Party-in Candidate an tisual hi keini lam tan chuan a lawmawm hle a ni. ZPM hi an in set hlum a, an hotu sang lam pawhin candidate thlak an sawi ri vut vut hman a. Candidate thlak lova nomination a file fel ta hi a lawmawm tak zet a ni. Candidate set dan aṭangin ZPM hian MNF min campaign pui nasa hle a ni," a ti.
MNF Treasurer chuan, "Mizo mipuiten ZPM kan enchhin hi kan inchhir hle tih a chiang tawh a. PWD Minister banah Minister leh MLA rualin an kai ṭang ṭang a, an kaichhuak zo lo. Kawng a chhe em em a, Zoram kan buai ta nuai mai a ni. Gas leh petrol leh nitin mamawh a rawn lut hlei thei lo ta fo mai a. Buhfai man nasa takin a pung a, electric bill a pung awk awk a. Kalphung tharah chuan Krismas leh kumthar pawh gas ngheia hmachhawn thei dinhmunah Zoram a ding ta mek a ni," a ti a. "He sorkarah hian Opposition MLA leh Ruling MLA a danglam lo reng reng. Sum an harsa lutuk a, MLA fund bak sum an nei tak tak lo. A beidawnthlak hle a ni," a ti bawk.
Pu Ruatkima chuan, "Pu Rintluanga bial hnawhkhat tura campaign a ngai ta mai hi a lungchhiatthlak hle a. Pu Rintluanga ngaih a zual hle mai," a ti a. "A hmun ruak luah khat turin a party hmangaih MNF candidate ngei Dampa mipuiin lo thlang tling turin ka ngen che u a ni," a ti a. "Delhi dawr tura a ngaihna hria, kawng engkima tawnhriat nei ṭha Dr Thangtea MNF candidate thlan tlin hi Dampa mipui tan chuan a finthlak hle ang. In khawngaih vote kan dil a ni," a ti bawk.
Mizo National Front
General Headquarters
Mizoram: Aizawl
Press Release
RULING AN IN SET HLUM: LALRUATKIMA
Vawiin hian MNF Treasurer Pu Lalruatkima chuan Dampa bial khaw hnih - West Phaileng, Dinthar leh Ṭuahzawl te a tlawh a. Campaign rusum thlakin thu a sawi a, Party hruaitute leh mipuiin an lo dawngsawng ṭha hle.
Heng hmunah te hian Pu Lalruatkima chuan thusawiin, "Ruling Party-in Candidate an tisual hi keini lam tan chuan a lawmawm hle a ni. ZPM hi an in set hlum a, an hotu sang lam pawhin candidate thlak an sawi ri vut vut hman a. Candidate thlak lova nomination a file fel ta hi a lawmawm tak zet a ni. Candidate set dan aṭangin ZPM hian MNF min campaign pui nasa hle a ni," a ti.
MNF Treasurer chuan, "Mizo mipuiten ZPM kan enchhin hi kan inchhir hle tih a chiang tawh a. PWD Minister banah Minister leh MLA rualin an kai ṭang ṭang a, an kaichhuak zo lo. Kawng a chhe em em a, Zoram kan buai ta nuai mai a ni. Gas leh petrol leh nitin mamawh a rawn lut hlei thei lo ta fo mai a. Buhfai man nasa takin a pung a, electric bill a pung awk awk a. Kalphung tharah chuan Krismas leh kumthar pawh gas ngheia hmachhawn thei dinhmunah Zoram a ding ta mek a ni," a ti a. "He sorkarah hian Opposition MLA leh Ruling MLA a danglam lo reng reng. Sum an harsa lutuk a, MLA fund bak sum an nei tak tak lo. A beidawnthlak hle a ni," a ti bawk.
Pu Ruatkima chuan, "Pu Rintluanga bial hnawhkhat tura campaign a ngai ta mai hi a lungchhiatthlak hle a. Pu Rintluanga ngaih a zual hle mai," a ti a. "A hmun ruak luah khat turin a party hmangaih MNF candidate ngei Dampa mipuiin lo thlang tling turin ka ngen che u a ni," a ti a. "Delhi dawr tura a ngaihna hria, kawng engkima tawnhriat nei ṭha Dr Thangtea MNF candidate thlan tlin hi Dampa mipui tan chuan a finthlak hle ang. In khawngaih vote kan dil a ni," a ti bawk.
Sd/-
(LALLENMAWIA JONGTE)
Secretary
Media & Publicity Department
Mizo National Front
Memo No. 352/2025
Dt.16.10.2025
"Nu mittuiin a fa nunna a chhan thei lo, i thisenin a chhan thei a sin,"
Thisen pe la, nun chhanhim rawh.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: