Aizawl | Oct 17, 2025: ZPM Dampa Bial By Election Camapign Committee Secretary Dr C Lalrammawia chuan, "MNF Treasurer-in Dampa Bial By-election lo awm turah ZPM-in kan candidate thlak tumna awm anga a sawi chu a sawi awm tawkah kan ngai," a ti.
"MNF sorkar laiin Revenue Minister hriatpui lohva House Pass dilna lak chhuah theih a ni lova, mi rethei leh harsa zawk te’n Revenue Minister thut hun te an chang ngar ngar thin a nih kha. ZPM sorkar-ah chuan awlsam takin online-in House Pass an dil thei tawh a, mipui sorkar dik tak kan hmu tawh a ni. Hei hi entirna pakhat chauh a ni. MNF sorkar-a 25% tih thawm ri nuai nuai thin pawh ZPM sorkar-ah chuan a reh ta," a ti bawk.
STATEMENT OF ZPM DAMPA BIAL BY-ELECTION COMMITTEE
Dated Aizawl, 17th October, 2025 (2:30 Pm) @ ZPM Office, Republic Veng, Aizawl
Mizoram mipuiin MNF chu kum 2023 inthlanpuiah a lo hnawl tawh a, mipuiin an hnawl tawh hruaitute tho khan an la hruai a, ze ngai reng an la pu a ni. Mipui tan MNF-ah beisei tur a awm lo. MNF Treasurer-in Dampa Bial By-election lo awm turah ZPM-in kan candidate thlak tumna awm anga a sawi chu a sawi awm tawkah kan ngai a, MNF tawngvai a la kal tluang zel a ni. ZPM hi MNF sorkar laia Zokhawsanga Assam Rifle lo sawn chhuak anga in sawia, beng thleng thlenga ke lo khai ang kan ni ve lo va, uluk taka thil kan ngaihtuah hnuah thutlukna kan siam a, kan thutluknaah nghet takin kan ding thin. Dampa Bial By-election lo awm turah pawh ZPM chuan lungsi takin candidate atan Pu Vanlalsailova kan chhawp chhuak a, kan phur tlang hle a; kan Minister leh MLA ten nasa takin campaign rusum an thlak mek zawk a ni.
ZPM sorkar hi mipuiin kan thlang sual tia MNF-in an sawi thin chu a nihna takah chuan party tlum ber ZPM a lo sorkar hi anmahni MNF tan a pawi em vang zawk a ni. MNF sorkar laiin Revenue Minister hriatpui lohva House Pass dilna lak chhuah theih a ni lova, mi rethei leh harsa zawk te’n Revenue Minister thut hun te an chang ngar ngar thin a nih kha. ZPM sorkar-ah chuan awlsam takin online-in House Pass an dil thei tawh a, mipui sorkar dik tak kan hmu tawh a ni. Hei hi entirna pakhat chauh a ni. MNF sorkar-a 25% tih thawm ri nuai nuai thin pawh ZPM sorkar-ah chuan a reh ta.
Dampa biala MNF candidate hi MNF Party President Pu Zoramthanga’n a campaign pui thawm hriat tur a awm lo a, hei hian MNF Party chunga mipui ngaihthat lohna a tizual a. Dr R Lalthangliana hi MNF Party-ah a lâng tawh hle em ni? tih hi mipuiah zawhna lian tak a ni. Dampa Bial hi sorkar hmasate enkawlna hnuaiah hmasawnnain a kal kan bial an nih avangin an harh chhuak tawh a, ZPM sorkar-ah hmasawnna nasa tak hmu turin Dampa mipui tam zawkin an rilru an siam fel tawh a, Dampa hmasawnna atan Pu Vanlalsailova vote ngei an tum a ni.
"Nu mittuiin a fa nunna a chhan thei lo, i thisenin a chhan thei a sin,"
Thisen pe la, nun chhanhim rawh.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: