Aizawl | October 17, 2025: Vawiina kan Party Office-a Durbar inkhawm kan neihah thu sawiin Vice President Zahmingthanga chuan sorkar kan neih te kal dan tha lo avanga Mizorama thlarau leh tisaa mipui kan him tawk tawh lo nia a ngaih thu a sawi.
Zahmingthanga chuan Congress leh MNF kaihhruai sorkar hnuaiah eirukna leh induhsakna uchuak a tam avanga mipui rilru a chhiat nasat thu te, chu chuan Pathian kan rinna leh khawtlanga chenhona kawnga Mizo nun dan tha te a tihchhiat vek thu te, a hnam ang pawha kan him lohzia te a sawi a. “Kan hotupa Pu Thena’n kan ram leh hnam himna atana hma a lakna an bawhzui duh loh avangin tun thlengin intodelhna nei miah lovin kan awm,” a ti a. Hei vang hian Mizoramah mipui kan him tawk lo niin a sawi.
“Heng party pahnih laka kan beidawn avang hian ZPM kan sorkar tir a. Anni lah chu an zual kai ta zawk hial,” tiin ZPM sorkar chu mipuiin kan sawisel thin Congress leh MNF sorkar aia pawha la tha lo zawk niin a sawi a. “An tih tur tiam ti lo zelin an tih loh tur tiam erawh an ti zel,” a ti a. ZPM huna thil tha a chhuah beiseitu te beidawng an khawngaihthlak zia leh hei hian thil tha lo zawk a hrin chhuah a hlauhthawn thu sawiin ZPM sorkara a hnarkaitute chu ram leh mipui tana insiamtha turin a ngen a ni.
"Nu mittuiin a fa nunna a chhan thei lo, i thisenin a chhan thei a sin,"
Thisen pe la, nun chhanhim rawh.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: