Aizawl | Oct 16, 2025: Joint Civil Society of Mizoram (JCM) in Oct 17 zan hian FCAA 2023 sut tura ngenna leh 371 G chawinunna - Candle Light Vigil an buatsaih dawn a, mitinte mahni hmunah lo zawm ve turin an sawm.
Aizawl-ah chuan, Donum Dei, Dawrpui Vengthar-ah JCM huaihawtin an nei dawn a ni.
JCM aiawh, Dr Lalbiakmawia Ngente chuan, kan kawngpui khawihtu ber NHIDCL chu nimin khan Guwahati-a an hotupa ber CBI lamin an la a, an thil man pawh kha a zat vel an chhut a, a nasa khawp mai a, sumfai ringawt pawh nuai 262 an man a, in (flat) 20 leh in hmun pakua an man a ni," a ti a, "ED kan tih ho hi SE senior emaw CE pension emaw an ruai tlangpui a, hetiang ho neih-ah chuan a turu khawp mai," a ti.
JCM aiawhin Lalrammawia chuan he thu hi a sawi a, "FCAA 2023 hi a nih ang anga kan lo pawm hi Mizoram mipuite tan a him lova, sut leh ngei tura kan Legislator te kan genna kha kan dinna a la ni reng. Ram rorelna in sang ah sut leh anih theih na atan hma lak zel kan tum a, mipuite tawiawmna kan ngen nghal a ni," a ti.
"FCAA 2023 hi kan zavaia tana Dan tihbaiawm tak anih avanga kan duhlona leh Ram roreltute chu an thu lo rel tawh ennawna sut leh ngei tura kan ngen hona leh Article 371G chawinunna atan October ni 17, 2025 (Zirtawp) zanah hian, a huho emaw, chhungkua ang pawh a "Candle Light Vigil" (FCAA 2023 sut tura ngenna leh 371G chawinunna) lo nei turin kan inchah in kan in ngen a ni. District Hqrs mai bakah khua leh veng tinah a theih leh remchan dan anga hun lo hmang theuh turin kan ingen," a ti bawk.
"NGO leh Political Party hmaichhana kan kawm te leh remchang danga Pawl ngaihdan leh thlira min nemngheh saktute chungah lawm thu kan sawi a, chutih rual chuan keini, JCM te mitmei venna avanga Pawl leh Party mal anga hmalak insum in awm tih te kan han hriatin, lawmawm kan tih rualin kan inthlahrung tak meuh a ni. Chuvangin, hemi chungchangah chuan "Keini JCM te kut hi a chak tawk lo thei a, chuvangin Political Party te leh NGO dang dang pawh pawl mal anga hma lo lak zuina kawngah kan mit mei ven a ngai lova. Ram chung dan in a phal chin anga hmalakna in nei anih pawh in a lawmawm kan tin kan thlawp zawk ani, tih min hriatsak vek zawk turin kan ngen a che u. Kan hmazawn theuhah theihtawpin hma i la chho zel ang u." tiin hma la turin mi tin a sawm a ni.
Kawngpui chhe chungchang pawh sawiin, "Kan ram mipui ten chakkhai kan lakna kawngpui hian ngaihthah a hlawh nasa tih chu kan vawiin dinhmun hian a auchhuahpui kan hmu in kan hre tang a. Kan ram hruaitute hian kawngpui sial thar/ siamthar mek leh siamthar tur ruahmanna an neih te thlengin kan ram hmakhua ti thim zawngin ke an pen zel ni in a hria a, kan rilru an ti na khawp mai," a ti a.
"He thu kan sawi theihna chhan chu FCAA 2023 hman an duhthawhna te, Environment an palzutna te hi mipui mimir hian kan enghelh tawk loh vang pawh ani pakhatah kan ngai. Vawiina kan hotu te hmalakna sawhkhawk lo awm hun tur hi kan suangtuah thiam lo anih pawh in Party emaw, mimal leh pawl emaw ruihchilh hauh lova THUTAK zirchhuak thei tura ram mipuiten ngaihtuahna kan
siamthar kan duh tak meuh a, kan ngen nghal a ni,"
"Vawiina kan kawngpui dinhmun kan fankualna leh report kan dawn te atanga a chhiat chhana kan hmuh te i) Sawkar inthlahdah leh ngaihthah ii) Over-loaded Truck (iii) Legal Metrology leh Transport Deptt. Enforcement chak loh te an ni. Hengte kan ngaihtuah hian kan sawrkar hian a inrelbawlna lam thenga in ennawn ngam kan duh a, an dinhmun kalsan phal leh ngam an awm pawh in a mah lo turah kan ngai a ni," a ti bawk.
JOINT CIVIL SOCIETY OF MIZORAM (JCM)
No. JCM-202S/PR-08
Dated: Aizawl, the 16t October, 2025
PRESS RELEASE
(FCAA, 2023 LEH KAWNGPUI CHUNGCHANG)
Vawin October ni 16, 2025 hian Joint Civil Society of Mizoram (JCM) chuan heng a hnuaia tarlan te hi kan ram roeltute leh mipui ten min lo hriatsaka, mitin te kan theihna ang anga Thudik a ding tlat chunga ke penpui zel a tan kan rawn tarlang a ni.
A. FCAA 2023 CHUNGCHANGAH :
FCAA 2023 hi a nih ang anga kan lo pawm hi Mizoram mipuite tan a him lova, sut leh ngei tura kan Legislator te kan genna kha kan dinna a la ni reng. Ram rorelna in sang ah sut leh anih theih na atan hma lak zel kan tum a, mipuite tawiawmna kan ngen nghal a ni.
NGO leh Political Party hmaichhana kan kawm te leh remchang danga Pawl ngaihdan leh thlira min nemngheh saktute chungah lawm thu kan sawi a, chutih rual chuan keini, JCM te mitmei venna avanga Pawl leh Party mal anga hmalak insum in awm tih te kan han hriatin, lawmawm kan tih rualin kan inthlahrung tak meuh a ni. Chuvangin, hemi chungchangah chuan "Keini JCM te kut hi a chak tawk lo thei a, chuvangin Political Party te leh NGO dang dang pawh pawl mal anga hma lo lak zuina kawngah kan mit mei ven a ngai lova. Ram chung dan in a phal chin anga hmalakna in nei anih pawh in a lawmawm kan tin kan thlawp zawk ani, tih min hriatsak vek zawk turin kan ngen a che u. Kan hmazawn theuhah theihtawpin hma i la chho zel ang u."
FCAA 2023 hi kan zavaia tana Dan tihbaiawm tak anih avanga kan duhlona leh Ram roreltute chu an thu lo rel tawh ennawna sut leh ngei tura kan ngen hona leh Article 371G chawinunna atan October ni 17, 2025 (Zirtawp) zanah hian, a huho emaw, chhungkua ang pawh a "Candle Light Vigil" (FCAA
2023 sut tura ngenna leh 371G chawinunna) lo nei turin kan inchah in kan in ngen a ni. District Hqrs mai bakah khua leh veng tinah a theih leh remchan dan anga hun lo hmang theuh turin kan ingen e.
B. MOTOR KAWNGPUI CHUNGCHANG :
Kan ram mipui ten chakkhai kan lakna kawngpui hian ngaihthah a hlawh nasa tih chu kan vawiin dinhmun hian a auchhuahpui kan hmu in kan hre tang a. Kan ram hruaitute hian kawngpui sial thar/ siamthar mek leh siamthar tur ruahmanna an neih te thlengin kan ram hmakhua ti thim zawngin ke an pen zel ni in a hria a, kan rilru an ti na khawp mai.
He thu kan sawi theihna chhan chu FCAA 2023 hman an duhthawhna te, Environment an palzutna te hi mipui mimir hian kan enghelh tawk loh vang pawh ani pakhatah kan ngai. Vawiina kan hotu te hmalakna sawhkhawk lo awm hun tur hi kan suangtuah thiam lo anih pawh in Party emaw, mimal leh pawl emaw ruihchilh hauh lova THUTAK zirchhuak thei tura ram mipuiten ngaihtuahna kan
siamthar kan duh tak meuh a, kan ngen nghal ani.
Vawiina kan kawngpui dinhmun kan fankualna leh report kan dawn te atanga a chhiat chhana kan hmuh te i) Sawkar inthlahdah leh ngaihthah ii) Over-loaded Truck (iii) Legal Metrology leh Transport Deptt. Enforcement chak loh te an ni. Hengte kan ngaihtuah hian kan sawrkar hian a inrelbawlna lam thenga in ennawn ngam kan duh a, an dinhmun kalsan phal leh ngam an awm pawh in a mah lo turah kan ngai a ni.
ISSUED BY JOINT CIVIL SOCIETY OF MIZORAM
"Nu mittuiin a fa nunna a chhan thei lo, i thisenin a chhan thei a sin,"
Thisen pe la, nun chhanhim rawh.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: