Zanin atangin Mizo Idol Season 8 Top 50 intihsiakna tan dawn

Aizawl | Oct 2, 2025: Zonet buatsaih LESDE Mizo Idol Season 8 intihsiakna neih mekah top 50 intihsiakna chu zanin hian tan a ni a, zanin bikah hian mi 18 an inlan dawn a ni. Mizo Idol top 50 naktuk Zirtawp zan leh naktip, Inrinni zanah chhunzawm a ni dawn a, top 50 intihsiakna tawp zan Inrinni zanah result puan nghal tur a ni.

Top 50 intihsiaknaah hian Mizo hla pakhat, a tluan-a sak tur a ni a, contestant-te hman turin Acoustic Guitar, Keyboard leh Cajon chhawp a ni dawn a, Musical instrument hi a hmuna chhawpsa bak hman phal a ni dawn lova, contestant-te chu zan dar 7:15-ah Zonet office-a in report tur a ni a, 7:30-ah studio chhungah thil pawimawh hrang hrang inhrilhfiah tur a ni.

Intihsiakna hi zan dar 8 atangin Zonet Zawlbuk, Zonet Youtube Channel leh Zonet Application Empai-ahte Live-a pek chhuah thin a ni ang.

[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]