YMA Inkhawmpui Lian-ah CM khuallian dawn; CYMA-in lirthei lei thar

Aizawl | Oct 13, 2025: Vawiin ni 13.10.2025 (Thawhtanni) chawhnu dar 2:00 khan Central YMA Committee Room ah YMA Central Executive Committee (CEC) meeting neih a ni a. CYMA President Lalhmachhuana'n a kaihruai. Tun term kal mek (2023 - 2025) chhunga CEC meeting hnuhnung ber tur a ni.

CEC meeting tan hma hian, Central YMA in Ruihhlo dona atana a mamawh, Lirthei (Ecco Van) a lei thar chu Central YMA Ex - President & CEC Lalbiakzuala'n khuh hawngin Pathian hnena hlanna hun a hmang.

Meeting ah hian YMA Inkhawmpui Lian vawi 75-na, October 21-23, 2025 chhunga Chengkawlawn Run, Sakawrdai a neih tur hun hman dan tur Programme pawm fel a ni. Inkhawmpui Lian ah hian Chief Minister Lalduhoma chu Khuallian a ni ang.