Ju-Jitsu world championship khel turin Mizo fighter pahnih thlang

Aizawl | Oct 13, 2025: Ju-Jitsu world championship khel turin Mizo fighter pahnih; Lalhmangaihzuala, Republic veng leh Lalnunsanga, Chawnpui veng te thlan an ni.

October 9 - 13, 2025 chhunga Saharanpur, Uttar Pradesh-a National Ju-Jitsu championship 2025 neih zawh takah Ju-Jitsu Association of Mizoram (JAM) chuan Mizoram aiawh turin athlete pahnih - Lalhmangaihzuala, Republic veng leh Lalnunsanga, Chawnpui veng te a tir a, hlawhtlinna changin an rawn haw.

Lalhmangaihzuala, Republic veng chuan Contact Jiu-Jitsu (MMA rules) category-a Adult male 62 kg division-ah round of 16, quarter-final, semi-final leh final khelin Gold medal a la a;

Lalnunsanga, Chawnpui veng chuan Adult male 69 kg-a Contact Jiu-Jitsu (MMA rules) category-ah quarter-final, semi-final leh final khelin Gold medal pakhat leh Ne-Waza (BJJ)-ah round of 16, quarter-final, semi-final leh final khelin Silver medal pakhat a la.

He event hi world championship selection a nih angin gold medalist Hmangaiha leh Sangsangate hi world championship khel tura thlan nghal an ni.

Ju-Jitsu hi Union sports ministry-in a pawm tawh avang leh University games-ah a tel tawh avangin an bawh nasa hle a, Asian Games-ah medal game a nih bawk avangin a lar chak hle bawk. Tin, mi tin huap tura duan niin para (vohbik) leh masters (kumu pa lam kum 60 thleng) event a awm a, event tel theihna pawh chi hrang hrang – Ne-Waza, Fighting system, Contact system leh self-defence demonstration te a awm.

Ju-Jitsu hi Mizoramah chuan recognized game la ni lo mahse hruaitu ten theih tawp chhuahin Mizo thalai talent nei tha tak takte sum thawh khawm bakah sponsor-te zawngin an promote mek zel a. JAM President Rothuamliana, Dawrpui chuan fighter te taimakna leh an coach te inpekna chuan hlawhtlinna a thlen thu sawiin mi pahnih chuah intir thei hrih mah ila medal pathum lai an rawn hawn avang hian Mizo te khelh chi tak game a nihzia a tarlan thu a sawi bawk a. Sorkar pawhin theih tawpa hma min lakpuia MSSC pawhin a pawm ve thuai a beisei thu a sawi. JAM Secretary C. Lalrinpuia chuan Sorkar pawhin theih tawpa hma a lakpui a, MSSC pawhin a pawm ve thuai a beisei thu a sawi.