Scho pawisa sem thuai dawn!

Aizawl | Oct 1, 2025: Ministry of Tribal Affairs  chuan  September ni 30, 2025(Thawhlehni) khan 2023 - 24 leh 2024 -25  financial year a Scholarship la dawnglo te dawn tur pawisa chu Finance Department ah State in an dawng tawh a, niin thu dawn a ni.

Nizan (Dt 30.9.2025) khan Ministry of Tribal Affairs atangin 2023-24 leh 2024-25 Scholarship sum tangkhang ₹50.42 cr chu State sum bawmah rawn dah luh a ni a, hemi leh SMS ₹5.60 cr a vaiin ₹56.02 cr hi vawiinah Finance Department chuan Treasury atangin a pe chhuak nghal ang.

Scho sem thuai a nih theih nan hian, Zirlai pawl lian pahnih - MZP leh MSU bakah MNYF in hma an lo la tawh a, MNYF chuan tunhnai khan press club ah Press Conference an ko a ni.

MZP chuan thuchhuah siamin, Post Matric Scholarship la dawnglo te'n a an dawn vat theih nan Scholarship Board lam hotute sawipui reng an ni a, September ni 24, 2025(Nilaini) khan hruaitu thar te'n  Chief Minister hnenah thlenin, theihtawp chhuaha lo ngaihven pui a hma lakpui turin an ngen tawh a, September ni 29, 2025(Thawhtanni) khan College Students' Union leh MZU Students' Council hruaitute nen Joint meeting nei in hmalak ho dan tur rel a ni a, hemi ni vek hian Pu Lalbiakzama, Speaker chu a pisa ah hmuin sawipui a ni a, Dept. of Expenditure lam hotute pawh be nghalin theihtawp alo chhuah bawk a ni.

Scholarship chungchangah hian Lok Sabha MP  Richard Vanlalhmangaiha pawh theihtawp chhuahpui tura bia in, hma nasa takin alo la tawh bawk a ni.

MZP chuan, Scholarship a hun taka dawnglo zirlai harsatna tawk tam tak an awm tih an hriat avangin hma a la reng a, October thla chhung ngei a an sem zawh theih nan hma a la chhunzawm zel dawn a ni. 

 Ministry of Tribal Affairs atanga SNA-SPARSH exemption October ni 31, 2025 ral hma ngei a sem a nih theih nan a hma latute zawng zawng chungah MZP chuan lawmthu an sawi tak meuh meuh a ni.

Kum 2025 - 2026 chhunga Scholarship pawh a hun taka zirlaite'n an chanvo an dawn ngei theih nan Mizoram Scholarship Board(MSB) leh Sawrkar thuneitute hma la chhunzawm turin a ngen nghal bawk a ni.