"Pathian leh Mipui zarah tlin ngei ka inring,"

Aizawl | Oct 13, 2025: Dampa bial by-election a, MNF official candidate Dr R Lalthangliana chuan October ni 11 - 13, 2025 khan Tuahzawl, Rulpuihlim, Chungtlang, Hreichuk, Lungphun, Kanghmun, Khawrihnim, West Lungdar leh Reiek khuate a tlawh.

He hunah hian Dr Thangtea chuan ZPM sorkar vanglai tak mai a, ZPM chhuahsan a, lawmluh tur an awm zel chu lawmawm a ti a. Rulling party atanga huaisen taka rawn lutte hnenah lawmthu sawiin, ZPM sorkar hun reiloteah hian mipuiin rinna an nghah tawh lohzia a tilang a ni a ti.

Dr.Thangtea chuan, MNF official candidate anih hnuah bial chhung khaw hrang hrang vawi 3 vel a fan chhuah thuak thuak tawh thu a sawi a. "He bialah hian tun hma zawngin MNF la vote ngai reng reng lo, party hrang hrang leh neutral atangin, hma ka lak ve chinah ka thinlung chhungrila ka chhinchhiah mi 1000 chuang zetin tun tumah hian min vote pui ngei dawn niin ka hria a, ka lawm em em a. Pathian leh mipui zarah tlin ngei pawh ka inbeisei a ni," a ti.

"A tak ram awm si lo, in lawmluh vak vak hi keini chuan kan ti ve ngai lo a. Tun hnaiah pawh party thenkhatin conference neiin ropui takin an inlawmlut vak vak tih an sawi a. A hre chiangten a tak ram a nih lohzia min hrilh," a ti a. Kan campaign-na reng rengah kan khingpuite thinlung tina zawng emaw, rilru hrisello leh thudik ziktluaklo hman hi tumahin ching lo hram ang u a ti bawk.