Aizawl | October 13, 2025: Rorel lai, Zoram People's Movement (ZPM) Party chuan vawiin khan thuchhuah siamin, ""MNF-in mipui tana harsatna siam zawnga total bandh huaihawt an rel hi pawi; Dampa bial by-election-ah an thatpui phah a rinawm loh," an ti.
ZPM chuan, "MNF NEM (Dt.7th October, 2025)-in Dt.29.10.2025-ah Forest Conservation Amendment Act, 2023 adopt duhlohna lantir nan Mizoram pumah Total Bandh huaihawt an rel thlu ta mai hi mak kan ti a, ngaihtuah nawn a, sut leh ngei turin kan beisei a ni," a ti a.
"Tin, total bandh hi Dampa bial by election boruak siam tumna mai niin kan hria a, vantlang harsatna thlen zawnga lungawilohna lantir tuma an rorelna sangin thu an vaw thla ta mai hi pawi kan ti a, politics hamṭhaṭna lak tum rana boruak siam tumna a ni tih mipuiin an hriat chian em avangin, mipui zah vang tal pawhin ṭhulh leh turin kan beisei a ni," an ti bawk..
FCAA, 2023 hi, Mizoram Legislative Assembly, MNF MLA-te telna Session-ah lungrual taka adopt a nih angin sawi nawi lova pawm ve mai turin kan beisei a. FCAA, 2023 adopt tura House-a resolution pass a nih dawn khan, MNF MLA tumahin "Remti lo" an ti lo a, lungrual taka pass a ni. Hei hi Forest Clearance lak kawnga kan ramin harsatna a tawh thin a lo zangkhai zawk nana Mizoram sawrkar hmalakna a ni, tih hi hlau lova pawm ngam turin kan beisei a ni.
FCAA 2023 hi Forest Dan a ni a, Forest ni lo hmun danga hman tur a ni lo. A danah hian chiang takin a inziak a, "He Dan hian heng (categories) te hi a huam lovang," tih a ni a, "he dan" a tih chu Forest Dan (FCAA, 2023) hi a ni. A huam loh tur a sawinaah pawh chiang takin "heng forest/forest land te hi" (such forest/forest land) a ti zel a ni. Chu mi awmzia chu, "Forest ram awm sa (notified and recorded) atang khan heng forest/forest land atang te hi hian forest clearance lak a ngai lovang," tihna a ni. Chu mi awmzia chu, heng exemption a pek ho hi forest area atang chauha exempt a ni a, forest ram ni lo, mipui ram (non-forest land) atanga exempt a ni lo ("The exemption clauses under FCAA specify their operations in forest land and recorded forest areas, not in any general land or non-forest areas").
Indian State of Forest Report (ISFR) 2023 ang chuan Mizoram pumpui area hi 21,081 sq.km. a ni a, chuta tang chuan Forest rama chhiar (declared forest) area chu 5,641 sq.km. chauh a ni. Forest rama chhiar ni lo, mipui ram (non-forest) hi 15,440 sq.km. a awm. Forest ram 5,641 sq.km. atang chauh hian exemption hi pek a ni a, a bak mipui ram 15,440 sq.km. atang hian pek a ni lo ("Non-forest land does not fall within the purview of the Act, so its restrictions and exemptions are not applicable outside forest areas").
International Border atanga km 100 chhungah hian Forest ram 5,641 sq.km. a awm ve a. "Mizoram chhunga development hna pawimawh zual leh ram venhimna atana pawimawh hna, heng forest ramte paltlanga thawh a tul chuan, a hranpaa Forest Clearance lak a ngai lovang," (awlsam zawnga hna tan thuai a nih theih nan Forest Clearance lakna atana hun tam tak ngai thin, in principle approval lain hna an lo tan thei dawn a ni) tihna mai a ni. Forest ram chhungah hian State sawrkarin thuneihna pumhlum kan nei lo va, Forest clearance pe theitu Central sawrkarin Forest Clearance lak ngai lo tur ram a sawina a ni.
Article 371G hmangin FCAA, 2023 hi pawm lo thei kan ni teh meuh mai a. Amaherawhchu, Concurrent List-a awm a nih avangin kan hnawl hlen/kum hlun (permanent) thei lo. Kan lo hnawl a nih pawhin kan hnawlna (non-adoption) kha chu, a tih khawtlai lailawkna (temporary delay) a ni. (Mizoram's unique status under Aricle. 371G gives temporary veto over Parliamentary laws relating to land and forest, but not permanent power to annul wholly or resist them).
He Dan (FCAA 2023) hi kan sawi hlauhawm chiam avanga Mizoram leh mipui tana hlauhawm tur a ni lo a, MNF hian Mizoram hralh tur ang hial leh Article 371G-a kan special safeguard hmang ngam lo ang hiala ZPM Sawrkar puh a, TOTAL BANDH huaihawt an tum hi, "Dan inziak an chhiar thiam lo lui nge, mipui fuihpawrh an tum?" tih hi mi tam tak zawhna a ni. Thu dik tawk lo hmanga mipui sawithaih te, vantlang nunphung dang chep zawnga khawsak te, politics hamṭhaṭna lak tum rana boruak ṭha lo siam te hi bansan turin kan ngen a ni.
Pu Zoramthanga kaihhruai MNF sorkar-in Mizoram House, Ballygunge, Kolkata, Mizoram mipui hriat loha a ruk arala man tlawm taka an hralh nei let leh tura beitu kan Chief Minister, Pu Lalduhoma kaihhruaina hnuaiah Mizoram hi a him a ni tih lo hre turin kan chah a ni.
PRESS RELEASE
MNF-in mipui tana harsatna siam zawnga total bandh huaihawt an rel hi pawi kan ti; Dampa bial by-election-ah an thatpui phah a rinawm loh
Dated Aizawl, the 13th October, 2025: MNF NEM (Dt.7th October, 2025)-in Dt.29.10.2025 ah Forest Conservation Amendment Act, 2023 adopt duhlohna lantir nan Mizoram pumah Total Bandh huaihawt an rel thlu ta mai hi mak kan ti a, ngaihtuah nawn a, sut leh ngei turin kan beisei a ni.
Tin, total bandh hi Dampa bial by election boruak siam tumna mai niin kan hria a, vantlang harsatna thlen zawnga lungawilohna lantir tuma an rorelna sangin thu an vaw thla ta mai hi pawi kan ti a, politics hamṭhaṭna lak tum rana boruak siam tumna a ni tih mipuiin an hriat chian em avangin, mipui zah vang tal pawhin ṭhulh leh turin kan beisei a ni.
FCAA, 2023 hi, Mizoram Legislative Assembly, MNF MLA-te telna Session-ah lungrual taka adopt a nih angin sawi nawi lova pawm ve mai turin kan beisei a. FCAA, 2023 adopt tura House-a resolution pass a nih dawn khan, MNF MLA tumahin "Remti lo" an ti lo a, lungrual taka pass a ni. Hei hi Forest Clearance lak kawnga kan ramin harsatna a tawh thin a lo zangkhai zawk nana Mizoram sawrkar hmalakna a ni, tih hi hlau lova pawm ngam turin kan beisei a ni.
FCAA 2023 hi Forest Dan a ni a, Forest ni lo hmun danga hman tur a ni lo. A danah hian chiang takin a inziak a, "He Dan hian heng (categories) te hi a huam lovang," tih a ni a, "he dan" a tih chu Forest Dan (FCAA, 2023) hi a ni. A huam loh tur a sawinaah pawh chiang takin "heng forest/forest land te hi" (such forest/forest land) a ti zel a ni. Chu mi awmzia chu, "Forest ram awm sa (notified and recorded) atang khan heng forest/forest land atang te hi hian forest clearance lak a ngai lovang," tihna a ni. Chu mi awmzia chu, heng exemption a pek ho hi forest area atang chauha exempt a ni a, forest ram ni lo, mipui ram (non-forest land) atanga exempt a ni lo ("The exemption clauses under FCAA specify their operations in forest land and recorded forest areas, not in any general land or non-forest areas").
Indian State of Forest Report (ISFR) 2023 ang chuan Mizoram pumpui area hi 21,081 sq.km. a ni a, chuta tang chuan Forest rama chhiar (declared forest) area chu 5,641 sq.km. chauh a ni. Forest rama chhiar ni lo, mipui ram (non-forest) hi 15,440 sq.km. a awm. Forest ram 5,641 sq.km. atang chauh hian exemption hi pek a ni a, a bak mipui ram 15,440 sq.km. atang hian pek a ni lo ("Non-forest land does not fall within the purview of the Act, so its restrictions and exemptions are not applicable outside forest areas").
International Border atanga km 100 chhungah hian Forest ram 5,641 sq.km. a awm ve a. "Mizoram chhunga development hna pawimawh zual leh ram venhimna atana pawimawh hna, heng forest ramte paltlanga thawh a tul chuan, a hranpaa Forest Clearance lak a ngai lovang," (awlsam zawnga hna tan thuai a nih theih nan Forest Clearance lakna atana hun tam tak ngai thin, in principle approval lain hna an lo tan thei dawn a ni) tihna mai a ni. Forest ram chhungah hian State sawrkarin thuneihna pumhlum kan nei lo va, Forest clearance pe theitu Central sawrkarin Forest Clearance lak ngai lo tur ram a sawina a ni.
Article 371G hmangin FCAA, 2023 hi pawm lo thei kan ni teh meuh mai a. Amaherawhchu, Concurrent List-a awm a nih avangin kan hnawl hlen/kum hlun (permanent) thei lo. Kan lo hnawl a nih pawhin kan hnawlna (non-adoption) kha chu, a tih khawtlai lailawkna (temporary delay) a ni. (Mizoram's unique status under Aricle. 371G gives temporary veto over Parliamentary laws relating to land and forest, but not permanent power to annul wholly or resist them).
He Dan (FCAA 2023) hi kan sawi hlauhawm chiam avanga Mizoram leh mipui tana hlauhawm tur a ni lo a, MNF hian Mizoram hralh tur ang hial leh Article 371G-a kan special safeguard hmang ngam lo ang hiala ZPM Sawrkar puh a, TOTAL BANDH huaihawt an tum hi, "Dan inziak an chhiar thiam lo lui nge, mipui fuihpawrh an tum?" tih hi mi tam tak zawhna a ni. Thu dik tawk lo hmanga mipui sawithaih te, vantlang nunphung dang chep zawnga khawsak te, politics hamṭhaṭna lak tum rana boruak ṭha lo siam te hi bansan turin kan ngen a ni.
Pu Zoramthanga kaihhruai MNF sorkar-in Mizoram House, Ballygunge, Kolkata, Mizoram mipui hriat loha a ruk arala man tlawm taka an hralh nei let leh tura beitu kan Chief Minister, Pu Lalduhoma kaihhruaina hnuaiah Mizoram hi a him a ni tih lo hre turin kan chah a ni.
Sd/-
(KJ LALBIAKNGHETA)
General Secretary
Media & Publicity Dept.
ZPM Gen. Hqrs.
PR No. ZPM-02/02A/2025/82
Dated 13th October, 2025
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]
(Feedback at: admin@exploremizoram.com )
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: