Aizawl | Oct 6, 2025: Election Commission of India (ECI) chuan Dampa Assembly constituency by-election neih hun atan November 11, 2025 a ruat.
Mizoram Chief Electoral Officer (CEO) Dr Lalrozama, IAS chuan vawiin tlai dar 5 khan thuthar thehdarhtute kawmin, inthlan muanawm tak a awm theih nan Party, NGO leh mipui te thawhpuiah a sawm a. Inthlanna felfai leh muanawm a thlen theih chu an duhthusam a nih thu a sawi.
Fimkhur thilthu-ah Critical Polling Station pathum a awm thu sawiin, Silsuri 1, 2 leh 3 te a ni. Venhimna hna thawk turin CAPF section pathum ruahman a nih thu tarlangin, inbiakna kalpui mek a nih thu a tarlang bawk.
Inthlanna muanawm tak neih theih nan engrik lai pawhin official te an duty dawn a, thil fello awm hria chuan thuneitute hnenah report vat zel turin a ngen bawk.
ECI ruahman danin, inthlan chuh tumte tan October 21, 2025 thleng hming pek luh theih a ni ang a, nomination-te October 22-ah endik a ni ang.
November 11, 2025-ah vote thlak tur a ni a, November 14, 2025-ah vote chhiar a ni ang.
• Oct 13 - Notification chhuah hun tur
• Oct 21 - Nomination file hun tawp
• Oct 22 - Nomination en dik
• Oct 24 - inhnuhdawh hun tawp
• Nov 11 - inthlan hun / Vote thlak
• Nov 14 - Vote chhiar
Dampa bial By-Election, ni 11.11.2025-a neih turah Election Commission of India in campaign theih hun chhung a siam chu ni 09.11.2025 (Chawlhni) tlai dar 4:00 thleng a ni a, hemi hnu lama campaign chu Model Code of Conduct (MCC) bawhchhiatna a nih avangin Political Party tinte hriattir.
CEO Mizoram Dr. Lalrozama chuan Election Commission of India (ECI) in vawiin chawhnua a puan angin November ni 11, 2025 ah Bye-Election to 2-Dampa (ST) Assembly Constituency atana inthlan (vote thlak) neih tur a nih thu leh December ni 14, 2023 ah vote chhiar tur a nih thu a sawi a. Gazette notification chhuah hun atan October ni 13, 2025, inthlan chuh tum hming pek luh hun hnuhnung atan October ni 21, 2025, nomination scrutiny hun atan October ni 22, 2025, Candidate in hnuhdawh theih hun hnuhnung atan October ni 24, 2025 ruat a nih bakah December ni 16, 2025 hmaa inthlanna kaihhnawih zawhfel vek hman tum a nih thu a tarlang a. Media-te chu inthlanna felfai leh dik neih a nih theih nana tih tur leh tih loh turte a tam thei ang ber puangzar turin a chah a. MPF leh NGO dangte'n election muanawm leh felfai tak neih kawnga theihtawp an chhuah thin chu fakawm a ti a. Mizo mipui vote nei tawh phawt chu vote thlak theuh tur leh vote thlak thatna ber ni tura thawhhopuiah a sawm a, Model Code of Conduct pawh inthlan puan rual hian hman tan nghal a nih thu a sawi bawk.
He huna tarlan a nih danin Electoral Roll siam that hnuhnung ber September ni 30, 2025 a tih chhuahah 2-Dampa (ST) Assembly Constituency-ah vote nei 20,790 (Mipa 10,605 leh hmeichhia 10,185) bakah service voter 115 an awm a. Polling Station 41 awmin Silsury-I Polling Stationah voter 1103 awmin an tam ber a, voter tlem Berna Polling Station chu Zopui Polling Station a ni a, voter 30 an awm a ni. Pink Polling Station 2 a awm dawn a, Critical Polling Station 3 (Silsury-I, Silsury-II & Silsury-III) a awm a, heng Polling Stationte hi CAPF Section 3 in an veng dawn a ni. Heng Critical Polling Stationte hi International Border hnaiha awm an nih vang leh border fencing siam zawh ala nih loh vangin leh danin a phalloh puak thei thil leh thildang tam tham tak man thinna hmun a nih vang te, hi Mamit Headquarters atanga Polling Station hla ber an nih bakah, Police Station hnai ber Marpara Police Station pawh Km 50 laia hla a ni a. Harsatna thlen palh thulhah kawng a chhiat avangin a chingfel tur tan pawh a pan nan darkar 2 leh a chanve atanga darkar 3 lai hun hman a ngaih avangin Critical Polling Stationa puan an ni.
Polling Station 1276 (Urban 525 & Rural 751) awmin kum 2018 inthlanpui aiin 112 in a tam belh a ni. Assembly Constituency tinah Polling Station pakhat tal Webcasting Polling Station zawmng zawngah siam tum a ni a, CCTV pawh Polling Station zawng zawngah dah tum a ni. Zopu9i Polling Station hi lirthri a luh loh avangin ke a pan ngai a ni a, power supply a luh loh bawk avangin ECI nen inrawn chungah ruahmanna felfai tak kalpui tum a ni bawk. zela Dampa Bye-Election atana hman tur EVM/VVPAT endik hna (First Level Checking of EVM/VVPAT) hi August ni 19 & 20 khan ECIL Engineer ten Mamit DC FLC Hall-ah neih tawh niin, he hunah hian Ballot Unit (BU) – 104, Control Unit (CU) – 168 leh VVPAT – 108 te endik a ni a. Heta tang hian Inthlanna atana hmantlak (FLC OK) BU – 103 (251%), CU – 110 (268%) leh VVPAT – 103 (251%) te chu Mamit District EVM Strongroom-ah uluk taka venhimna hnuaiah dah hran nghal a ni.
Electoral Roll Observer atan hian R Zarzosanga, IAS, Commissioner & Secretary, Govt. of Mizoram chu ruat a ni a. Ani hian Dampa Bye election atana Electoral Roll an buatsaih dan leh an kalpui dan te endikin vawi 3 a tlawh tawh bakah, a tlawhna report kimchang hi Election Commission of India ah thawnthlak tawh a ni.
State Police Nodal Officer –atan H Ramthlengliana, IPS (IGP –Headquarters /L&O) ruat a ni a, Sector Officer 11, Flying Squad Team 3 leh Static Surveillance Team 3 ruahman a ni bawk.
CEO hi Jt. CEO Ethel Rothangpuii leh Election Official dangte'n an tawiawm a ni.
Gender Wise Count - Final Publication of E Roll
MAMIT >> 2-DAMPA >> All Parts
Part No. Part Name Male Female Total
1 W.Phaileng-I 352 325 677
2 W.Phaileng-II 218 238 456
3 W Phaileng III 271 289 560
4 W.Phaileng Dinthar Veng-I 230 244 474
5 W.Phaileng Dinthar Veng-II 298 296 594
6 W.Phaileng Dinthar Veng-III 326 296 622
7 Kawnmawi 263 278 541
8 Chhippui 99 97 196
9 Lallen 316 337 653
10 Saithah 160 151 311
11 Parvatui 159 132 291
12 Zopui 21 9 30
13 Phuldungsei-I 189 195 384
14 Phuldungsei-II 192 190 382
15 Phuldungsei-III 255 238 493
16 West Phulpui 260 252 512
17 Silsuri-I 608 495 1103
18 Silsury-II 378 292 670
19 Silsury - III 302 269 571
20 Hnahva 440 368 808
21 Pukzing 165 151 316
22 Pukzing Vengthar 125 120 245
23 Hruiduk 343 323 666
24 Marpara N 540 506 1046
25 Marpara Mizoveng 158 150 308
26 Lianbuang 140 109 249
27 Tuahzawl 171 178 349
28 Rulpuihlim 167 159 326
29 Chungtlang 205 181 386
30 Reiek-I 367 391 758
31 Reiek-II 323 372 695
32 Ailawng 285 291 576
33 W Lungdar 323 338 661
34 Khawrihnim 333 359 692
35 Lungphun 156 156 312
36 Hreichuk 97 90 187
37 Kanghmun 425 423 848
38 Bawngthah 175 158 333
39 Bawlte 123 117 240
40 Darlung 392 369 761
41 S.Sabual 255 253 508
Total 10605 10185 20790
Service Voters 111 4 115
Grand Total 10716 10189 20905
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: