Aizawl | Oct 6, 2025: Mizo Hnam Run chhung inkhawm vawiin-ah neih, Political session-ah Ex Chief Minister leh MNF President Zoramthanga chuan thusawiin, "FCAA dan hi a ṭhat leh a chhiat kan sawi lova, kan thuneihna vawnhim a tul kan ti a ni ber. He dan kan duhloh nachhan tam tak zingah, international border atanga 100km huamchhunga state sorkar rawn lova central-in ṭul leh pawimawh an tiha kut an thlak thei tur hi a pawi lehzual a. He dan hman kan duh loh thu hi passed kher lo mah ila, Peace Accord (Art. 371 G) hian min humhim sa a ni. Hei hi a chian lehzual a, kan loin ralrin nan MNF in kan duhloh thu kan lo passed a, central-ah kan thawnthla nghal a ni.
"A dil pawh min dil hmain ZPM sorkar chuan pawnfen hmalam hlimsang sain, dawih aw chhuahin, a engamah hmain an lo pawm sak ta a. Kan hnam pasalthate thisena leichhuah, mipuiin kan tawrhchhuah, kan hnam himna, kan leilung chunga thu kan neihna chabi chu central hnenah an hlan a ni," a ti.
MNF President chuan, ZPM hi Absalom-a ang deuh an ni a. Lal leh thuneihna duh luat avanga ropui thei ang bera inlantirin, thiang leh thianglo pawh pawisaloin thuneihna an lek a. An hotupa Pu Duha hi, mi tlemte, dictatorial power hmanga lo awpkhawm thang tawhtu a ni a. Kum 40 zet hetianga a lo kal tawh avangin a thanhnan tawh a. Tlawmngai pawlte leh kohhran hote ngaihtheih lohna pawh hi thanhnan thil a ni. Amaherawhchu, hetianga mahni duh duhdana khawsak hi sorkarah chuan a lo remchanglo tawp mai a. Mahni tuilo awpkeu, dawtsawi hrehlo sorkar hian rei a daih lo ang. Absalom-a ang hian politics khawvelah, lei silo van siloa huntawp hman hi thil awm thei a ni.
Political party tamtak a ral tawh laiin, kum 60 chuang zet Pathianin MNF min hruai zel a, kan hmelmate min hnehsak zel thin a. Kan hnam himna kulhbing humhim ngam sorkar kan siam leh anga, FCAA hi a tawp thlengin kan dodal dawn a ni, a ti.
MNF President hian ex MLA PP Thawla lehkhabu ziah, "Chak lohna ata chakna," tih a tlangzarh nghal bawk.
MNF Gen. Hqrs. Secretary VL Chhuanga Chhangte-in inkhawm hi a kaihruai a. MNF Gen. Hqrs Secretary Lalawmpuia'n hunserh a hmang. Dampa bial by-election lo awm tur chungchang report ngaihthlak a ni bawk.
Mizo National Front
General Headquarters
Mizoram : Aizawl
Press Release
HE HNAM HUMHIM NGAM SORKAR MNF-IN A SIAM LEH THUAI DAWN
_ Zoramthanga, Ex. Chief Minister
Khuangchawi thla vawiin ni 10, 2025 (Thawhtanni) chawhma dar 11 hian Mizo Hnam Run chhung inkhawm neih a ni a. Political session-ah Pu Zoramthanga, MNF President, former Chief Minister chuan thusawiin, "FCAA dan hi a ṭhat leh a chhiat kan sawi lova, kan thuneihna vawnhim a tul kan ti a ni ber. He dan kan duhloh nachhan tam tak zingah, international border atanga 100km huamchhunga state sorkar rawn lova central-in ṭul leh pawimawh an tiha kut an thlak thei tur hi a pawi lehzual a. He dan hman kan duh loh thu hi passed kher lo mah ila, Peace Accord (Art. 371 G) hian min humhim sa a ni. Hei hi a chian lehzual a, kan loin ralrin nan MNF in kan duhloh thu kan lo passed a, central-ah kan thawnthla nghal a ni.
"A dil pawh min dil hmain ZPM sorkar chuan pawnfen hmalam hlimsang sain, dawih aw chhuahin, a engamah hmain an lo pawm sak ta a. Kan hnam pasalthate thisena leichhuah, mipuiin kan tawrhchhuah, kan hnam himna, kan leilung chunga thu kan neihna chabi chu central hnenah an hlan a ni," a ti.
MNF President chuan, ZPM hi Absalom-a ang deuh an ni a. Lal leh thuneihna duh luat avanga ropui thei ang bera inlantirin, thiang leh thianglo pawh pawisaloin thuneihna an lek a. An hotupa Pu Duha hi, mi tlemte, dictatorial power hmanga lo awpkhawm thang tawhtu a ni a. Kum 40 zet hetianga a lo kal tawh avangin a thanhnan tawh a. Tlawmngai pawlte leh kohhran hote ngaihtheih lohna pawh hi thanhnan thil a ni. Amaherawhchu, hetianga mahni duh duhdana khawsak hi sorkarah chuan a lo remchanglo tawp mai a. Mahni tuilo awpkeu, dawtsawi hrehlo sorkar hian rei a daih lo ang. Absalom-a ang hian politics khawvelah, lei silo van siloa huntawp hman hi thil awm thei a ni.
Political party tamtak a ral tawh laiin, kum 60 chuang zet Pathianin MNF min hruai zel a, kan hmelmate min hnehsak zel thin a. Kan hnam himna kulhbing humhim ngam sorkar kan siam leh anga, FCAA hi a tawp thlengin kan dodal dawn a ni, a ti.
MNF President hian Pu P.P. Thawla, ex MLA lehkhabu ziah, "Chak lohna ata chakna," tih a tlangzarh nghal bawk.
Pu VL Chhuanga Chhangte, Secretary, MNF Gen. Hqrs. chuan inkhawm hi a kaihruai a. Pu Lalawmpuia, Secretary, MNF Gen. Hqrs in hunserh a hmang. Dampa bial by-election lo awm tur chungchang report ngaihthlak a ni bawk.
Sd/-
(PETER CHHANGTE)
Secretary
Media & Publicity Department
Mizo National Front
Memo No. 346/2025
Dt. 06.10.2025
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: