Lunglei-a Mizoram State University dah turin Sorkar an phut

Aizawl | Oct 30, 2025: Mizoram State University chu Lunglei-a dah turin Sorkar an phut.

Mizoram State University Demand Committee Lunglei vawiina  thukhawm chuan Mizoram Sorkarin Mizoram State University din tura ruahmanna alo siam tawh chungchang a ngaihtuah a, Sorkarin Mizoram State University Bill a lo pawm tawh chu Assembly Session hmasa berah ngaihtuah nawnin, Mizoram State University chu Lunglei-a dah tura ruahmanna thar siam turin Demand Committee chuan Sorkar a phut a ni.

Mizoram State University Demand Committee chuan thuchhuah siamin, Mizoram State University Lunglei-a dah a nih theihna atan Mizoram State University Demand Committee chuan Chhim lam mipui, zirlai leh pawl hrang hrangte bakah a bik takin kohhran hrang hrangte thlawpna a ngen bawk a ni.

Mizoram State University Demand Committee tarlan danin, Ni 10 October, 2025-a Higher & Technical Education Department in notification a tih chhuah danin, Mizoram State University din turah Government Aizawl College-ah Social Sciences, Government Aizawl College & IASE-ah Humanities and Education, Goverment Zirtiri Residential Science College-ah Science, Government Hrangbana College-ah Economics & Management, Mizoram Engineering College, Lunglei-ah Engineering & Technology zirna hawn tum a ni a. Heng zirna hrang hrangte hi Lunglei leh Chhim lam a College-ah te hawn theih vek a nih bakah Aizawl-a College awm sate leh Mizoram Engineering College Lunglei te pawt khawma ruahmanna siam anih avang hian Mizoram State University hi Lunglei-ah a din theih ngei tih a lang chiang hle ah a ngai a, chu mai ni lovin Lunglei-a College awm sate leh Chhim lam- Hnahthial, Lawngtlai, Siaha leh Chawngte-a College te hmang tangkaiin Mizoram State University hi a din theih tih a lang chiang hle a ni.

"Chuvangin zirna in sang tak tak te awmna sa Aizawl-a Mizoram State University hi dah lovin District hnufual zawk te’n zirna kawng a hmasawnna an neih theihna atan Mizoram State University hi Chhim lam tan Lunglei-a dah tur leh, ruahmanna siam tawh chu Assembly Session hmasa bera ti danglam turin Mizoram Sorkar a phut a, Assembly Session hmasa berah ruahmanna awm tawh sa hi tih danglam a nih leh nih loh Demand Committee chuan angai chang dawn a, ruahmanna tih danglam a nih loh chuan a tul angin hma a la chhunzawm dawn a ni," an ti bawk.

  

MIZORAM STATE UNIVERSITY DEMAND COMMITTEE PRESS RELEASE

PR.No-1 of 2025

Vawiin Ni 30 October, 2025 (Ningani)-a Mizoram State University Demand Committe thukhawm chuan Mizoram Sorkarin Mizoram State University din tura ruahmanna alo siam tawh chungchang a ngaihtuah a, Sorkarin Mizoram State University Bill a lo pawm tawh chu Assembly Session hmasa berah ngaihtuah nawn in, Mizoram State University chu Lunglei-a dah tura ruahmanna thar siam turin Demand Committee chuan Sorkar a phut a ni.

Ni 10 October, 2025-a Higher & Technical Education Department in notification a tih chhuah danin, Mizoram State University din turah Government Aizawl College-ah Social Sciences, Government Aizawl College & IASE-ah Humanities and Education, Goverment Zirtiri Residential Science College-ah Science, Government Hrangbana College-ah Economics & Management, Mizoram Engineering College, Lunglei-ah Engineering & Technology zirna hawn tum a ni a. Heng zirna hrang hrangte hi Lunglei leh Chhim lam a College-ah te hawn theih vek a nih bakah Aizawl-a College awm sate leh Mizoram Engineering College Lunglei te pawt khawma ruahmanna siam anih avang hian Mizoram State University hi Lunglei-ah a din theih ngei tih a lang chiang hle ah a ngai a, chu mai ni lovin Lunglei-a College awm sate leh Chhim lam- Hnahthial, Lawngtlai, Siaha leh Chawngte-a College te hmang tangkaiin Mizoram State University hi a din theih tih a lang chiang hle a ni.

Chuvangin zirna in sang tak tak te awmna sa Aizawl-a Mizoram State University hi dah lovin District hnufual zawk te’n zirna kawng a hmasawnna an neih theihna atan Mizoram State University hi Chhim lam tan Lunglei-a dah tur leh, ruahmanna siam tawh chu Assembly Session hmasa bera ti danglam turin Mizoram Sorkar a phut a, Assembly Session hmasa berah ruahmanna awm tawh sa hi tih danglam a nih leh nih loh Demand Committee chuan angai chang dawn a, ruahmanna tih danglam a nih loh chuan a tul angin hma a la chhunzawm dawn a ni.

  

Mizoram State University Lunglei-a dah a nih theihna atan Mizoram State University Demand Committee chuan Chhim lam mipui, zirlai leh pawl hrang hrangte bakah a bik takin kohhran hrang hrangte thlawpna a ngen bawk a ni.

ISSUED BY: MIZORAM STATE UNIVERSITY DEMAND COMMITTEE, LUNGLEI