Aizawl Sahuan atanga Sava bo hmuh let theih nan cheng sing 2 pek huam!

Aizawl | Oct 30, 2025: Aizawl Sahuan atanga Sava bo hmuh theih nan cheng sing 2 pek huam!

Dan lova tawlhruk - sava (exotic bird), Mizorama man - Aizawl Sahuan-a nikum February thlaa dah, 'pesquet’s parrot' an tih chu rukbo a ni tih Oct 29 zing dar 8:35 khan hriat chhuah a ni.

He Sava bo hmuh a nih theih nan hian Department lamin hma an lak mek a, Pawikhawihtu man chhuah an nih theihna tura pui theitu hnenah danin a phal angin lawmman cheng sing 2 pek an ni dawn niin Aizawl Wildlife Division chuan an sawi.

He Sava hi Oct 28, 2025 tlai dar 4 leh Oct 29, 2025 zing dar 7 inkar vela bo nia hriat niin thudawnnachuan a tarlang.

Thudawn danin, He thil thlengah hian thawktute inhnamhnawih awm palh theih a nih avangin department chhungah pawh an inchhui zui mek niin department hotute chuan an sawi a. Aizawl Wildlife Division Dy. Conservator of Forest chuan he thil thleng chungchangah hian Sairang Police Station-ah FIR thehluh a nih tawh thu sawiin, Wildlife Crime Control Bureau (WCCB), Kolkatta pawh hriattir nghal an nih thu an sawi bawk.

"Nu mittuiin a fa nunna a chhan thei lo, i thisenin a chhan thei a sin,"

Thisen pe la, nun chhanhim rawh.

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]