May 2025-a zawh tura ruahman ni si tun thlenga zawh a la ni lo hi mipui zahlohna a ni

Aizawl | Oct 2, 2025: MPCC Spokesperson Dr Lallianchhunga, chuan vawiin khan Sakawrtuichhun tawntirh, Zihnghalkawn aṭanga BSF Camp bul thlenga Departmental Work a kawngpui siam mek chu a hmunah tlawhin, May 2025 thlaa zo tawh tura ruahman ni si tun thlenga thawh zawh a la ni lo chu hriatthiam harsa a tih thu leh kawng hmangtu mipui zahlohna a nih thu a sawi.

Dr Lallianchhunga chuan, “Sakawrtuichhun tawntirh, Zihnghalkawn atanga BSF Camp bul thleng kawngpui siam mek hi May, 2025 thlaa zo tawh tura ruahman a nih tih April Ni 12, 2025 a Aizawl West-I Bialtu MLA leh Adviser to Chief Minister ni bawk, Pu TBC Lalvenchhunga’n helai kawngpui siam a tlawh ṭuma ZPM Hqrs-in Press Release an siamah khan tarlan a ni a; hna pawh 60% lai thawh tawh niin an sawi nghe nghe a ni. Amaherawhchu, mipuite’n beiseina sang tak nena an nghah mek laiin, kumin (2025) June thla vel aṭang khan helai kawngpui siam hna hi chawlhsan a ni a. Tunah hian KM 1 bawr vel chauh siam hmabak a la awm a. Kum 2024 December aṭanga hnathawh ṭan tawh, KM 3.5 bawr vel lek heti khawpa rei hnathawh a ni hi mipui zahlohna a nih bakah, he hna inpek danah thil felhlel a awmzia tichiangtu a ni” a ti.

He hna inpek dan chungchang sawi langin, MPCC Spokesperson chuan, “An sorkar tirhin ZPM sorkarin helai kawng siam hna hi Restricted Tender a pek an tum a. Restricted Tender a hna inpek hi Eptu (Opposition) party an nih lai khan na takin an sawisel thin a; Pu Lianhmingthanga’n Restricted Tender a hna inpek chu ti lo hram tura tihtakzeta a ngen avangin Restricted Tender a pek an tum chu an Cancelled a. Open Tender a an tih tur thu pawh March 9, 2024 khan Assembly House-ah Chief Minister Pu Lalduhoma’n a sawi chhuak hial a ni.

Hetiang hi Chief Minister thutlukna nimahse, General Financial Rules leh PWD Manual bawhchhiain, ZPM Block President leh ZPM PAC Member, Contractor pawh ni lo Pu Vanchunglura (Sairang) chu Departmental Work in an thawh tir leh si a ni. He lai kawng siamna senso hi Nuai 300 chuang man hna a ni a, Departmental Work a inthawh tirna hna lian ber a ni hial ang. Hei vang hian Congress thalai pawhin kawng pawimawh leh pawisa tam tak senna tur a nih avangin kawng tha tak siam a nih theih nan hnathawktute chu kumin Febuary thla khan kawmin an lo sawipui tawh a. Mahse heti khawpa an duhsak, an ZPM mi leh sa ngeiin a hnathawh a hun taka a zo leh thei lo leh hnathawh tha lo hi KALPHUNG THAR ṬHA LO tak a ni. Helai kawngpui siam danah sawiselna a tam em em a; tui pek ṭhat a ni lo va, a hun takah zawh a ni lo bawk a, chuti chungin Mizoram State Project Monitoring Committee (MSPMC) chu an ngawi tlat a, hlauh an nei em ni?” a ti bawk.

Dr Lallianchhunga hi MPYCC Gen Secretary pahnih - David Zochhuanmawia leh C Lalrochhara, ADCC Secy Jerry Vanlalhlimpuia leh Sakawrtuichhun Congress party hruaituten an tawiawm bawk a ni.

PRESS STATEMENT

Vawiin ni 2.10.2025 (Ningani) hian Dr. Lallianchhunga, MPCC Spokesperson chuan Sakawrtuichhun tawntirh, Zihnghalkawn aṭanga BSF Camp bul thlenga Departmental Work a kawngpui siam mek chu a hmunah tlawhin, May 2025 thlaa zo tawh tura ruahman ni si tun thlenga thawh zawh a la ni lo chu hriatthiam harsa a tih thu leh kawng hmangtu mipui zahlohna a nih thu a sawi.

Dr.Lallianchhunga chuan, “Sakawrtuichhun tawntirh, Zihnghalkawn atanga BSF Camp bul thleng kawngpui siam mek hi May, 2025 thlaa zo tawh tura ruahman a nih tih April Ni 12, 2025 a Aizawl West-I Bialtu MLA leh Adviser to Chief Minister ni bawk, Pu TBC Lalvenchhunga’n helai kawngpui siam a tlawh ṭuma ZPM Hqrs-in Press Release an siamah khan tarlan a ni a; hna pawh 60% lai thawh tawh niin an sawi nghe nghe a ni. Amaherawhchu, mipuite’n beiseina sang tak nena an nghah mek laiin, kumin (2025) June thla vel aṭang khan helai kawngpui siam hna hi chawlhsan a ni a. Tunah hian KM 1 bawr vel chauh siam hmabak a la awm a. Kum 2024 December aṭanga hnathawh ṭan tawh, KM 3.5 bawr vel lek heti khawpa rei hnathawh a ni hi mipui zahlohna a nih bakah, he hna inpek danah thil felhlel a awmzia tichiangtu a ni” a ti.

He hna inpek dan chungchang sawi langin, Dr.Lalllianchhunga, MPCC Spokesperson chuan, “An sorkar tirhin ZPM sorkarin helai kawng siam hna hi Restricted Tender a pek an tum a. Restricted Tender a hna inpek hi Eptu (Opposition) party an nih lai khan na takin an sawisel thin a; Pu Lianhmingthanga’n Restricted Tender a hna inpek chu ti lo hram tura tihtakzeta a ngen avangin Restricted Tender a pek an tum chu an Cancelled a. Open Tender a an tih tur thu pawh March 9, 2024 khan Assembly House-ah Chief Minister Pu Lalduhoma’n a sawi chhuak hial a ni.

Dr.Lallianchhunga hi Tv. David Zochhuanmawia MPYCC Gen Secy; Tv. C. Lalrochhara MPYCC Gen.Secy; Tv.Jerry Vanlalhlimpuia ADCC Secy leh Sakawrtuichhun Congress party hruaituten an tawiawm bawk a ni.

Sd/-

(PETER VANLALROPUIA)

Media Deptt, MPCC

[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]