Kolasib district-a Lirtheia eizawngten kawng chhia siam an phut; Oct 19 thleng an ngaichang dawn!

Aizawl | Oct 11, 2025: Kolasib district-a lirtheia eizawng pawl - Mizoram Tipper Association (Driver's & Owner's) District Headquarters Kolasib leh Kolasib District Driver's & Owner's Joint Action Committee-in Vairengte - Sairang leh Bairabi - Kolasib inkar kawng chhia siam turin thuneitute an phut.

Meichher News-in a tarlan danin, Mizoram Tipper Association (Driver's & Owner's) District Headquarters Kolasib leh Kolasib District Driver's & Owner's Joint Action Committee hi nizan khan Kolasib-ah an thukhawm a, an thutkhawm chungchang vawiina an thuchhuaha an tarlan danin, Mizoram chak lakna ber, Vairengte to Sairang leh Bairabi to Kolasib chu lirthei tana zawh hlauhawn leh chhiatna nasa zawk thleng thei din hmunah awmin, tunah pawh lirthei khalhtuten harsatna namenlo an tawk mek a. Chuvangin hnathawktuten hna chak taka an kalpui theih nana hma lakpui turin Kolasib Bawrhsap an ngen a, an ngenna lehkha hi vawiin khan Kolasib Bawrhsap hnenah hian an pe.

An lehkhaah hian, vawiin atanga Oct 19 chhunga kawng siam tura hmalakna engmah a awm lo a nih chuan, chak zawka hnathawh a nih theihna atan an Driver puite leh lirtheia eizawngte hnenah tiam chin awm lova Vairengte - Sairang leh Bairabi - Kolasib kawngpui hi tumahin zawh lo turin hmalak an tum tih an tarlang.

An lehkha copy hi Kolasib SP leh PWD National Highway Kolasib Division EE te an pe bawk a ni.