Inter - SAI U -16 Women Hockey Championship-ah Thenzawl SAI champion

Aizawl | Oct 11, 2025: All India Inter - SAI U-16 Women Hockey Championship-ah Thenzawl SAI Women Hockey Academy (STC Thenzawl) an champion.

All India Inter - SAI men & Women (U - 16) Hockey Championship zawh tak hi, Mipa hi Sep 8 - 13 khan an khel a, hmeichhia hi Oct 6 -11 chhung khan SAI NSSC Bengaluru-ah khelh a ni a, Mizo tleirawlte hian tukin khan final-ah STC Sundargarh chu 3 - 1 a hnehin an champion a ni.

Sports Minister Lalnghinglova Hmar chuan a lawmpui leh a chhuan thu facebook-ah, "All India Inter-SAI U-16 Women Hockey Championship-ah Thenzawl SAI Women Hockey Academy (STC Thenzawl) an champion hi thinlung takin ka lawmpui a, ka chhuang takzet a ni," tia post siamin a tarlang a, "Mizote’n Hockey-ah theihna sang tak kan nei a, a bikin hmeichhe hockey-ah result leh player chhuanawm tak tak kan nei. Mizoram Sawrkarin Vision 2036 Olympics leh ‘Empowering Mizoram Sports’ a kalpui turah pawh Hockey hi discipline ngaihpawimawh zingah a tel a ni," a ti bawk.