Aizawl | October 13, 2025: Vawiin chawhma khan Sairang Rail Station chu Home Minister K Sapdanga'n a tlawh a; Northeast Frontier Railway Deputy Chief Engineer Harjimal Meena leh a thawhpuiten lo dawngsawngin Rail Terminal sak dan tur an lo hrilhfiah nghal a ni. Terminal thar tur hi Kum hnih chhunga sak zawh tura ruahman niin sak zawh a nih hunah felfai zawka kal an beisei thu Northeast Frontier Railway hotute chuan an sawi.
Home Minister K Sapdanga chuan Guwahati leh Aizawl inkar Rail-in Sairang station a thlen hun lai ngeia Inner Line Permit pek chhuah dan leh passenger te harsatna a hmun ngeia hmuhpui a duh a thu a sawi.
ILP siam ngai leh tualchhung mi passenger te chhuahna gate awm kawp chu a hrang ve vein a chhuahna gate ni hnih chhung ngeia siam zo nghal turin thutlukna siam a ni a. ILP nei lo tlanchhiate pawh umzui zel a ni a, thawn haw nghal zel an ni bawk. ILP hi online portal atanga siam theih ni mah se passenger tam takin an fill up thiam loh avangin Rail chhungah passenger te an awm laia ILP siamna form, Hard Copy an fill up theih dan tur ruahman mek a ni bawk.
Vawiina Home Minister in a tlawh lai hian Guwahati to Sairang Rel-a chuang zingah ILP siam ngai leh tualchhung mi an inzat thuak a, Mizoram rawn tlawh zawk, tlai lama Guwahati Rel Service-a haw leh nghal tur engemawzah an awm bawk a ni.
Home Minister chuan, "Kan ram dinhmun te, kan hnam population-te en hian inthlahdah a thiang lova, ILP khauh lehzuala kenkawh a nih theihna atan zirlai pawl, khaw hrang hranga khawtlang hruaitute leh Branch YMA tin te thawhhopuiah ka sawm a, kan theihna zawnah theuh hmala turin ka ngen a ni," a ti.
Sapa hian Tlawng Lei dawh mek pawh a hmunah enfiah nghalin PWD National Highway Division-I Sr. EE David Lalrinliana leh contractor ten an lo dawngsawng a. October 22-ah Tlawng Lei chu lirthei LMV leh a hnuailam te tan kal theiha hawn tum a nih thu sawiin, November thlaah HMV chin kal theih a nih tur thu an lo hrilh bawk.
Tlawng Lei hi tun dinhmunah a chàk zawng enchhin mek a ni a, 315 Metric Ton dawl zo tura siam a niin Leiah hian 418 Metric Ton-a rit Boulder, darkar 24 chhung dah chhin a ni a, 33mm thlenga kul thei tura siam a ni bawk.
Home Minister chuan Lei siam a nih chhunga a helna kawng hlui chhe lutuk chu zin veivak te tan zawh a hrehawm hle tih sawiin, naktuk atangin a theih ang anga lo siamṭha nghal turin thawktute a chah nghal a ni.
Pu K.Sapdanga hian a bial chhunga mi Chanmari West High School chu a tlawh nghal a, he School hi MLA fund cheng Nuai 19 senga sak that a ni a, School satute hnathawh chu a lungawithlak thu sawiin a bial chhung Zirna in hrang hrangah te Greenboard pek vek tum a nih thu a sawi bawk a ni.
Vawiina Home Minister in Sairang Rail Station leh Tlawng Lei a tlawhnaah hian Pu TBC Lalvenchhunga, Adviser to CM leh bialtu MLA; Chief Secretary Pu Khilli Ram Meena; Pu Sharad Agarwal DGP; Pu H.Ramthlengliana IGP; Pu Vanlalmawia, Home Secretary; Er. Lalhriatpuia, IAS, Aizawl DC; Pu Rex Zarzoliana Vanchhawng, Aizawl SP leh officers dangten an ṭawiawm a. ZPM party atangin Pu H.Vanlalhlua, General Secretary leh a thawhpui ten an tawiawm bawk.
HOME MINISTER IN SAIRANG RAIL STATION A TLAWH; ILP PEKCHHUAH DAN RUAHMANNA SIAM A NI
Dated Aizawl, 14th.October, 2025: Vawiin chawhma khan Sairang Rail Station chu Home Minister Pu K.Sapdanga'n a tlawh a; Pu Harjimal Meena, Deputy Chief Engineer, Northeast Frontier Railway leh a thawhpuiten lo dawngsawngin Rail Terminal sak dan tur an lo hrilhfiah nghal a ni. Terminal thar tur hi Kum hnih chhunga sak zawh tura ruahman niin sak zawh a nih hunah felfai zawka kal an beisei thu Northeast Frontier Railway hotute chuan an sawi.
Home Minister Pu K.Sapdanga chuan Guwahati leh Aizawl inkar Rail-in Sairang station a thlen hun lai ngeia Inner Line Permit pek chhuah dan leh passenger te harsatna a hmun ngeia hmuhpui a duh a thu a sawi.
ILP siam ngai leh tualchhung mi passenger te chhuahna gate awm kawp chu a hrang ve vein a chhuahna gate ni hnih chhung ngeia siam zo nghal turin thutlukna siam a ni a. ILP nei lo tlanchhiate pawh umzui zel a ni a, thawn haw nghal zel an ni bawk. ILP hi online portal atanga siam theih ni mah se passenger tam takin an fill up thiam loh avangin Rail chhungah passenger te an awm laia ILP siamna form, Hard Copy an fill up theih dan tur ruahman mek a ni bawk.
Vawiina Home Minister in a tlawh lai hian Guwahati to Sairang Rel-a chuang zingah ILP siam ngai leh tualchhung mi an inzat thuak a, Mizoram rawn tlawh zawk, tlai lama Guwahati Rel Service-a haw leh nghal tur engemawzah an awm bawk a ni.
Home Minister chuan, "Kan ram dinhmun te, kan hnam population-te en hian inthlahdah a thiang lova, ILP khauh lehzuala kenkawh a nih theihna atan zirlai pawl, khaw hrang hranga khawtlang hruaitute leh Branch YMA tin te thawhhopuiah ka sawm a, kan theihna zawnah theuh hmala turin ka ngen a ni," a ti.
Pu Sapa hian Tlawng Lei dawh mek pawh a hmunah enfiah nghalin Pu David Lalrinliana, Sr. EE, National Highway Division-I leh contractor ten an lo dawngsawng a. October 22 ah Tlawng Lei chu lirthei LMV leh a hnuailam te tan kal theiha hawn tum a nih thu sawiin, November thlaah HMV chin kal theih a nih tur thu an lo hrilh bawk.
Tlawng Lei hi tun dinhmunah a chàk zawng enchhin mek a ni a, 315 Metric Ton dawl zo tura siam a niin Leiah hian 418 Metric Ton-a rit Boulder, darkar 24 chhung dah chhin a ni a, 33mm thlenga kul thei tura siam a ni bawk.
Home Minister chuan Lei siam a nih chhunga a helna kawng hlui chhe lutuk chu zin veivak te tan zawh a hrehawm hle tih sawiin, naktuk atangin a theih ang anga lo siamṭha nghal turin thawktute a chah nghal a ni.
Pu K.Sapdanga hian a bial chhunga mi Chanmari West High School chu a tlawh nghal a, he School hi MLA fund cheng Nuai 19 senga sak that a ni a, School satute hnathawh chu a lungawithlak thu sawiin a bial chhung Zirna in hrang hrangah te Greenboard pek vek tum a nih thu a sawi bawk a ni.
Vawiina Home Minister in Sairang Rail Station leh Tlawng Lei a tlawhnaah hian Pu TBC Lalvenchhunga, Adviser to CM leh bialtu MLA; Chief Secretary Pu Khilli Ram Meena; Pu Sharad Agarwal DGP; Pu H.Ramthlengliana IGP; Pu Vanlalmawia, Home Secretary; Er. Lalhriatpuia, IAS, Aizawl DC; Pu Rex Zarzoliana Vanchhawng, Aizawl SP leh officers dangten an ṭawiawm a. ZPM party atangin Pu H.Vanlalhlua, General Secretary leh a thawhpui ten an tawiawm bawk.
Issued by
Media & Publicity Department
ZPM General Headquarters
Mizoram, Aizawl
Issue No. 207 of 2025
Dated the 14th October
Post a Comment
He post chungchanga i ngaihdan lo sawi ve rawh: