Aizawl | October 14, 2025: Dampa bial by-election ZPM official candidate Vanlalsailova chuan vawiin khan ZPM Val Upa Council (VUC) hmaah thutiam a la a, VUC member te leh ZPM General Headquarters Elected OB te an tel a ni.
Sailova hian, "Chhungkhat laina leh midangte, tute pawh duhsak bikna lakah ka inthiarfihlim ang," tiin a intiam a. "Eng dinhmunah pawh ding ila, danin hamthatna min pek chhungah ka nung ang a, ka dinhmun avanga hamthatna siamchawp theih thil dang reng rengah ka inhnamhnawih lovang," tiin a intiam bawk a ni.
He hun hi ZPM office-ah hman niin VUC Vice Chairman Rinsanga, IAS Rtd.-in a kaihruai a; VUC member Maj. Thanruma'n ṭawngṭaisakna hun hmangin; VUC member Dr Vanlalhluna'n fuihna thuchah a sawi.
VUC chuan Sailova chu election dan zawm chunga theihtawpa campaign tur te; thlan tlin a nih pawhin ram danpui hnuaiah, Pathian tihna nen ram leh hnam rawngbawl tura inbuatsaih turin an fuih.
Sailova pawhin VUC ṭhnahemngaihna leh fuihna thuchah chu a tan a hlu hle tih sawiin, a hriatreng tur thu leh a taka zawm ngei a tum thu a sawi.
THUTIAM
Kei Vanlalsailova, S/o Khawvelthanga hian, vawiin October 14, 2025 hian Pathian leh mipui hmaah a hnuaia rinawmna thutiam hi ka zawm ang tih ka puang e.
Zoram Peolple's Movement (ZPM) hian kalphung thar, mipui sorkar, ram leh hnam damna, lang tlang leh hlemhletna laka fihlim sorkar siam a tum a. Chuvangin, candidate ka nih lai leh MLA ka nih hnuah pawh ZPM thuthlung te, election manifesto leh vawiina rinawmna thutiam hi ka zawm tlat ang.
Candidate ka nih laiin, Mizoram Poeples Forum (MPF) kaihruaina leh Election Commisssion Model Code of Conduct (MCC) ka zawm ang.
ZPM candidate ka nih angin, MLA a thlan tlin ka nih chuan, ka chunga thuneitute thu chu engkimah ka zawm ang a, ka dinhmun atana an ruat apiang pawmin, ka mawhphurhna chu rinawm takin ka hlen zel ang.
Nomination ka file a ka sum leh pai leh ro thli dang assets ka ziahna, 'declaration of assets' ka thehluh copy chu kar khat chhungin Val Upa Council (VUC) secretary hnenah ka thehlut ang a. Hei hi hlemhletnaa inhnamhnawihna kawnga rinhlelh leh puh ka nih thulh-ah leh tul dangah hman ka remti e.
Chhungkhat laina leh midangte, tute pawh duhsak bikna lakah ka inthiarfihlim ang.
Pawl dang nena thawhho leh inzawm chungchangah te, nihna leh dinhmun chungchangah te, ZPM thuneitute thutlukna apiang ka pawm ang.
Eng dinhmunah pawh ding ila, danin hamthatna min pek chhungah ka nung ang a, ka dinhmun avanga hamthatna siamchawp theih thil dang reng rengah ka inhnamhnawih lovang.
He rinawmna thutiam hi hriat dan inang lo a awm palh a nih chuan, Val Upa Council hrilhfiahna chu ka zawm ang.
Dampa bial by-election ZPM official candidate Pu Vanlalsailova'n VUC hmaah thutiam la
Dated Aizawl, the 14th October, 2025: Vawiin khan Dampa bial by-election ZPM official candidate Pu Vanlalsailova chuan ZPM Val Upa Council (VUC) hmaa thutiam a la a, VUC member te leh ZPM General Headquarters Elected OB te an tel a ni.
He hun hi ZPM office-ah hman niin VUC Vice Chairman Pu Rinsanga, IAS Rtd.-in a kaihruai a; VUC member Maj. Thanruma'n ṭawngṭaisakna hun hmangin; VUC member Dr. Vanlalhluna'n fuihna thuchah a sawi.
VUC chuan Pu Sailova chu election dan zawm chunga theihtawpa campaign tur te; thlan tlin a nih pawhin ram danpui hnuaiah, Pathian tihna nen ram leh hnam rawngbawl tura inbuatsaih turin an fuih.
Pu Sailova pawhin VUC ṭhnahemngaihna leh fuihna thuchah chu a tan a hlu hle tih sawiin, a hriatreng tur thu leh a taka zawm ngei a tum thu a sawi.
Issued by
Media & Publicity Dept.
ZPM Gen. Hqrs.
Issue No. 208 of 2025
Dated the 14th October
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: