EFCI Executive Council-in Kum 2026 EFCI thupui atan, 'Rinnaa ding nghet' pawm

EFCI Executive Council-in Kum 2026 EFCI thupui atan, 'Rinnaa ding nghet' (1 Korinth 16:13) pawm

Aizawl | Oct 18, 2025: Evangelical Free Church of India (EFCI) kohhran rorêlna sâng ber dawttu Executive Council vawi 113-na chu October 15 - 16, 2025 chhung khan Khawlian EFCI Biak In, Khawlian Presbytery, Mizoram-ah tluang takah neih a ni. India hmarchhak hmun hrang hrang ațangin rorêl palai 63 an kal khawm.

He Mid-Year Executive Council hi EFCI Moderator Rev Rohminglien Pakhuongte kaihhruaina hnuaiah neih niin, Council Secretary chu Rev Jessai L Neithâm a ni.

Executive Council rorêl țan hma hian EFCI Moderator Rev Rohminglien Pakhuongte in EFCI Dân Bu - Constitution & Bye Laws (2025 Edition) a tlângzarh a. Council rorêl chhung hian Half Yearly Audit Report, Executive Committee leh Assembly Finance Committee thurêl te thlîrhona bâkah Agenda lût hrang hrang ațangin Resolution 21 an pass. Nakum 2026 EFCI kohhran Kum Thupui atan "Rinnaa ding nghet" (1 Korinth 16:13) thlan a ni.

EFCI kohhran rorêlna sâng ber General Assembly vawi 53-na leh Executive Council vawi 114-na chu nakum March 10 - 15, 2026 chhung hian Saikawt Presbytery-in thlengin, Sielmat, Churachandpur, Manipur-ah neih a ni ang.