Aizawl | Oct 18, 2025: Mizoram Boxing Association, Sailo Agencies, Zonet leh Vanglaini tang hoin Mizorama Amateur Boxing tihhmasawn kawnga thawk ho turin inremna thuthlung, Memorandum of Understanding an ziak.
Inremna hi nizan dar 8 khan Zarkawt-a Gangnam Bites Conference Hall-ah an inziak a, MoU ah hian Sailo Agencies neitu G Thuamluaia Sailo, Vanglaini Editor Lalnunpuia; Zonet Director LV Lalthantluanga leh MIZBA President C Laltanpuia ten hming an ziah hnan a. He inremna hi kum 3 chhung kalpui phawt a ni dawn a, a hnu zelah a tul anga ennawn zel theih a ni bawk.
He thawh hona thuthlung hnuaiah hian a hmasa ber atan kumin November ni 14 atanga December ni 10 chhung hian Mualpui-a R Dengthuama Hall-ah Amateur Boxing Championship buatsaih a ni dawn a. He Championship hi 9th Elite National Boxing Championship neih tura Mizoram aiawh tur thlanna a ni nghal dawn a, Amateur Boxer zawng zawng tel vek turin an sawm.
MIZBA President C Laltanpuia chuan, Mizorama sumdawnna leh Media lama langsar ber ber te nen Mizorama Amateur Boxing tihmasawn tura thawh hona thu an thlung thei chu an lawm hle tih a sawi a, an thawh hona hi Amateur Boxing leh Mizoram tan chanchintha a ni tih sawiin, hma an sawnpui ngei a beisei thu a sawi.
"Nu mittuiin a fa nunna a chhan thei lo, i thisenin a chhan thei a sin,"
Thisen pe la, nun chhanhim rawh.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: