Dan loa khaw din 11 awm mek, kumin chhung ngeia titawp turin MSU-in sorkar an ngen

Aizawl | Oct 24, 2025: Mizo Students’ Union (MSU) General Headquarters, Aizawl President B Lalkhawngaihzuala chuan vawiin chhun dar 12 khan Aizawl Press Club-ah thuthar thehdarhtute kawmin, "Mizo Students’ Union (MSU) chuan Mizoram chhunga Dan loa khaw din awm mek te chu Kumin Chhung ngei a tihtawp a nih theih nana hma la turin Mizoram Sawrkar kan ngen," a ti.

"MSU chuan Dan lo a rawn pem lut ten an duhna hmunah in bawk khawm a khua an din leh ringawt thin chu tha a tilo hle a. Chumai bakah Sawrkar Development (School, Power Supply, Health, Water Supply) a pe leh zel thin hi tha lo kan ti takzet a ni," a ti a.

"MSU chuan heng Dan lo a khaw din te hi tihtawp a nih theih nan kum 2013-atang khan hma nasa takin a lo la tawh thin a, kan hmalakna avangin Dan lo a khaw din Tuichawngchhuah pawh tihtawp a lo ni tawh a ni," a ti bawk.

MSU President chuan, RTI chhanna atanga a lan danin, tunah hian Dan lo a khaw din hi Mizoram chhungah khaw 11 lai ala awm thu tarlan a ni, a ti a. Kumin Chhung ngei a tihtawp a nih theih nana hma la turin Mizoram Sawrkar an ngen thu a sawi bawk.

PRESS STATEMENT

- B LALKHAWNGAIHZUALA, President, Mizo Students’ Union (MSU) General Headquarters, Aizawl

Dt. 24th October, 2025

Mizo Students’ Union (MSU) chuan Mizoram chhunga Dan loa khaw din awm mek te chu Kumin Chhung ngei a tihtawp a nih theih nana hma la turin Mizoram Sawrkar kan ngen a ni.

MSU chuan Dan lo a rawn pem lut ten an duhna hmunah in bawk khawm a khua an din leh ringawt thin chu tha a tilo hle a. Chumai bakah Sawrkar Development (School, Power Supply, Health, Water Supply) a pe leh zel thin hi tha lo kan ti takzet a ni. 

MSU chuan heng Dan lo a khaw din te hi tihtawp a nih theih nan kum 2013-atang khan hma nasa takin a lo la tawh thin a, kan hmalakna avangin Dan lo a khaw din Tuichawngchhuah pawh tihtawp a lo ni tawh a ni. Hetih mek lai hian RTI  Dt 9th April, 2025 a kan dil, min chhanna ah chuan ‘tunah hian Dan lo a khaw din hi Mizoram chhungah khaw 11 lai ala awm thu tarlan a ni’. Heng Dan lo a khaw din hrang hrangte hi kan zirchian hnuah khaw eng emaw zat ah hian Sawrkar hmalakna (School, Power Supply, Health, Water Supply) a awm tih hriat a ni a, MSU chuan pawi a ti takzet a ni. Chuvangin MSU chuan heng Dan lo a khaw din a development hrang hrang pek tawh te hi titawp vek turin sawrkar kan ngen a ni. Tin, heng khua a chengte pawh kumin chhung ngeia lo inthiar fihlim turin kan in chah bawk a. Kumin chhunga sawrkar atanga hmalakna a awmlo emaw heng Dan lo a khaw dina cheng mipui te hi an chhuaklo anih chuan MSU-in a thiam dan in hma a la ang.

Tin, Mizoram sawrkar hnuaia Assistant Professor a ngheta lak (Direct Recruitment) kum 20 chuang a awm tawh loh hnuah kan sawkar chak tak zarah Assistant Professor post 31 lai mai lak an ni tur hi MSU chuan lawmawm a ti hle a ni. Mizo thalai ten kanlo nghahhlelh em em he Assistant Professor hna ah hian a ram leilung fate ngei kan luh theih nan Non-Mizo (hnam dang) ten dil buai lo turin kan inngen a, form lo fillup hman tawh, shortlist-a telh kan lo awm palh a nih pawhin Interview pe lo turin thinlung takin kan ngen bawk a ni, Chutianga Non-Mizo(hnam dang) te Shortlist-a lang tawh, kan ngenna min zahsaka Interview hmachhawn lo te chu an form fill-up na senso MSU chuan kan refund sak thei reng a ni. Interview lui kan awm anih erawh chuan MSU in  a chhinchhiah ang.