Adviser to CM-in Free Clinic buatsaih leh lo!

Aizawl | Oct 19, 2025: ZPM chuan an thuchhuah tawhah siamṭhatna leh tihdikna siamin, Adviser to CM-in Free Clinic buatsaih leh lo!

"ZPM General Headquarters Media & Publicity Dept.-in, Dr. Lorrain-a'n khua a fannaah free health clinic nei anga Chanchin Thara puan tura kan thehlut chu pawi kan ti a, tihdikna kan rawn siam a, election thuneitu te, press mi te leh mipui te hriatthiamna kan dil a ni," an ti.

CORRIGENDUM

Ni 18.10.2025 Local Cable TV ṭhenkhat Chanchin thar, tualchhung chanchinah Dr. Lorrain Lalpekliana Chinzah, Adviser to CM-in ni 17.10.2025-a Mamit District khaw ṭhenkhata Free Health Clinic buatsaih anga puan chu thu hriatsual vang a ni.

Dr. Lorrain-a hian khaw pahnih a fannaah damlote'n an harsatna an lo sawi te chu endikin a theih angin a lo ṭanpui a, damdawi a kawl remchan angte a lo pe a ni.

ZPM General Headquarters Media & Publicity Dept.-in, Dr. Lorrain-a'n khua a fannaah free health clinic nei anga Chanchin Thara puan tura kan thehlut chu pawi kan ti a, tihdikna kan rawn siam a, election thuneitu te, press mi te leh mipui te hriatthiamna kan dil a ni.

Issued by

Media & Publicity Dept.

ZPM Gen. Hqrs.

Issue No. 220 of 2025

Dated the 18th October, 2025