MNF hian kan ram tan hnutchhiah tha pakhat mah an nei lo. ~ MPCC Vice President
Aizawl | Sept 27, 2025: MPCC Vice President John Rotluangliana chuan vawiin khan, "ZPM sorkar hian kan ti ang an tih hi an ti lo a, kan ti lo ang an tih hi an ti fai vek," a ti a, "MNF hian kan ram tan hnutchhiah tha pakhat mah an nei lo," a ti bawk.
He thu hi vawiiana Congress Champhai South Block Political Training Congress Bhawan, Champhai Venglai-ah neiha hun a hmanpuiah a sawi a ni.
MPCC Vice President chuan, Politics-ah hian harsatna a awm thin, Vanram kan panna lamah chhum pawh a zing thin ang. Mahse, kan kal pelh hun chuan thim leh thawpik a kiang ang tih anih angin Congress Party tan hian êng a lang tan tawh a ni. Beiseina kan nei sang a, kan beisei angin Pathian pawhin a thlen tir ang tih hi ring tlat ang u, a ti.
John Rotluangliana chuan, ZPM sorkar-a a hre tlem tlem hi a hman hman emaw tih turin Social Media-ah Congress sorkarin engmah ti lo anga min chhuah hi a tha lo hle a. Lengpui Airport te hi Congress sorkar siam a ni. Tin, ZMC&H an tih tak pawh hi Congress sorkar din a ni a. MIMER kan ti a, MNF in ZMC an rawn ti a, ZPM sorkarin ZMC&H an rawn ti leh a. Congress kan sorkar leh anih chuan MIMER kan ti leh ang a, India ram chhung leh ram hrang hrang atanga Research tih theihnain kan siam ang, a ti.
ZPM a sorkar chuan Aizawl-ah rel a lo lut mai ang te an ti, heng zawng zawng hi mipuiin Congress sorkar laia kan hmalak bultan a ni tih an hria. ZPM sorkar avanga lo lut a ni lo. Kum rei fe hnathawh ngai a ni a, hmasawnna tam ber hi Congress sorkar vang a ni. Rajiv Gandhi Stadium pawh thalai infiammi te tana Congress Party hnathawh a ni. AMC kan tih te hi Congress sorkar laia din a ni. Tunlai thangthar thenkhat chuan a awmsa emaw an ti mai thei, mahse, Congress sorkar din a ni tih hi kan hriat a ngai a ni. ZPM sorkar hian Central-ah BJP thawhpui anga lang ngam si lova an thurualpui a ngai a. Hei hi Congress Party-in kan thlak a ngai a ni, a ti.
ZPM sorkar hian kan ti ang an tih hi an ti lo a, kan ti lo ang an tih hi an ti fai vek zu nia. Aizawlah Bazar bula awm kan ni a, pawisa leng vak a tlem em em a, dawt leng vak a tam em em thung a ni. An Minister-te Delhi kalin Mizoram tana thil tha pakhatmah an hawn ngai lo a ni, a ti bawk. A, Aw, B a NG awmna sawn tur Committee-te an din a. Hmasawn phahna tur a awm lo reng reng. Irhfiak rehna turin dawt inhrilh a ngai kan tih thin pawh ZPM hruaitute thusawi apiang hi irhfiak damdawi-ah ka it ngawt mai. Thil man an tisang a, Diesel/Petrol man an ti sang a, Sahuan-a zawngte en man thlengin an ti sang nia maw le. Bana kaih Policy-te an ti a. Banah min kai lo, chhipah min hnuk a nih hi.
MNF hian kan ram tan hnutchhiah tha pakhat mah an nei lo. Leiverh chungchangte an han sawi a, tun thlengin a tak kan la hmu lo. Kawng chhawngte pawh an sawi a, vawi engemaw zat an thlirho anih kha. Mahse, tun thlengin a tak kan hmu lova, mang ram kha min sawi khum nasa mah mah thin a ni, a ti bawk.
MPCC General Secretary Dr. Lallianchhunga pawhin thu sawiin, Congress Party hian sorkar ṭha, khawngaihna leh hmangaihna nei sorkar; Lalhrawt (Dictator) sorkar ni lo hi siam kan tum, a ti a. MNF chungchang sawiin Pu Zoramthanga hi MNF Party-ah a insawh nghet tulh tulh a, Party mipui erawh an phur lo telh telh niin a lang a ni, a ti bawk.
BJP sorkar hi Kristian tan a hlauhawm em em a. AICC kan hotu KC Venugopal pawhin Prime Minister hnenah lehkha a thehlut hial a. Kristian-te tih duhdahna ti tawp tura ngenna a thehlut a ni. Congress Party hi a bik takin Kristian-te tan chuan an tha ber a. Ram leh hnam tana thil ti tak tak mi kan ni, a ti bawk.
Dr. Lallianchhunga hian Champhai Tlangsam MNF atangin mi 4 Congress Party zawm thar a lawmlut bawk a ni.
Pu John Rotluangliana, Vice President MPCC hi Pu Lalfekima, GS MPCC, Pu MS Dawngliana, Secretary MPCC, Pu Lalthlengliana, Secretary MPCC, Pu Lalramzidinga, Secretary MPCC, Pu Lalrengpuia, Organiser MPCC, Pu Larry Lalrinawma, GS ADCC, Pu Lallawmsanga, Secretary ADCC, Pu Jerry Vanlalhlimpuia, Secretary ADCC te'n an tawiawm a ni.
MPCC/Media/PR-2025/88
Dated: Champhai the 27th October, 2025
PRESS RELEASE
Vawiin ni 27.9.2025 (Inrinni) hian Champhai South Block Political Training, Congress Bhawan, Champhai Venglai-ah neih a ni a. He hun hi Pu John Rotluangliana, Vice President MPCC chuan a hmanpui a ni.
Pu John Rotluangliana, Vice President MPCC chuan, Politics-ah hian harsatna a awm thin, Vanram kan panna lamah chhum pawh a zing thin ang. Mahse, kan kal pelh hun chuan thim leh thawpik a kiang ang tih anih angin Congress Party tan hian êng a lang tan tawh a ni. Beiseina kan nei sang a, kan beisei angin Pathian pawhin a thlen tir ang tih hi ring tlat ang u, a ti.
Pu John Rotluangliana chuan, ZPM sorkar-a a hre tlem tlem hi a hman hman emaw tih turin Social Media-ah Congress sorkarin engmah ti lo anga min chhuah hi a tha lo hle a. Lengpui Airport te hi Congress sorkar siam a ni. Tin, ZMC&H an tih tak pawh hi Congress sorkar din a ni a. MIMER kan ti a, MNF in ZMC an rawn ti a, ZPM sorkarin ZMC&H an rawn ti leh a. Congress kan sorkar leh anih chuan MIMER kan ti leh ang a, India ram chhung leh ram hrang hrang atanga Research tih theihnain kan siam ang, a ti.
ZPM a sorkar chuan Aizawl-ah rel a lo lut mai ang te an ti, heng zawng zawng hi mipuiin Congress sorkar laia kan hmalak bultan a ni tih an hria. ZPM sorkar avanga lo lut a ni lo. Kum rei fe hnathawh ngai a ni a, hmasawnna tam ber hi Congress sorkar vang a ni. Rajiv Gandhi Stadium pawh thalai infiammi te tana Congress Party hnathawh a ni. AMC kan tih te hi Congress sorkar laia din a ni. Tunlai thangthar thenkhat chuan a awmsa emaw an ti mai thei, mahse, Congress sorkar din a ni tih hi kan hriat a ngai a ni. ZPM sorkar hian Central-ah BJP thawhpui anga lang ngam si lova an thurualpui a ngai a. Hei hi Congress Party-in kan thlak a ngai a ni, a ti.
ZPM sorkar hian kan ti ang an tih hi an ti lo a, kan ti lo ang an tih hi an ti fai vek zu nia. Aizawlah Bazar bula awm kan ni a, pawisa leng vak a tlem em em a, dawt leng vak a tam em em thung a ni. An Minister-te Delhi kalin Mizoram tana thil tha pakhatmah an hawn ngai lo a ni, a ti bawk. A, Aw, B a NG awmna sawn tur Committee-te an din a. Hmasawn phahna tur a awm lo reng reng. Irhfiak rehna turin dawt inhrilh a ngai kan tih thin pawh ZPM hruaitute thusawi apiang hi irhfiak damdawi-ah ka it ngawt mai. Thil man an tisang a, Diesel/Petrol man an ti sang a, Sahuan-a zawngte en man thlengin an ti sang nia maw le. Bana kaih Policy-te an ti a. Banah min kai lo, chhipah min hnuk a nih hi.
MNF hian kan ram tan hnutchhiah tha pakhat mah an nei lo. Leiverh chungchangte an han sawi a, tun thlengin a tak kan la hmu lo. Kawng chhawngte pawh an sawi a, vawi engemaw zat an thlirho anih kha. Mahse, tun thlengin a tak kan hmu lova, mang ram kha min sawi khum nasa mah mah thin a ni, a ti bawk.
Dr. Lallianchhunga, GS MPCC chuan, Congress Party hian sorkar ṭha, khawngaihna leh hmangaihna nei sorkar; Lalhrawt (Dictator) sorkar ni lo hi siam kan tum, a ti a. MNF chungchang sawiin Pu Zoramthanga hi MNF Party-ah a insawh nghet tulh tulh a, Party mipui erawh an phur lo telh telh niin a lang a ni, a ti bawk.
BJP sorkar hi Kristian tan a hlauhawm em em a. AICC kan hotu KC Venugopal pawhin Prime Minister hnenah lehkha a thehlut hial a. Kristian-te tih duhdahna ti tawp tura ngenna a thehlut a ni. Congress Party hi a bik takin Kristian-te tan chuan an tha ber a. Ram leh hnam tana thil ti tak tak mi kan ni, a ti bawk.
Dr. Lallianchhunga hian Champhai Tlangsam MNF atangin mi 4 Congress Party zawm thar a lawmlut bawk a ni.
Pu John Rotluangliana, Vice President MPCC hi Pu Lalfekima, GS MPCC, Pu MS Dawngliana, Secretary MPCC, Pu Lalthlengliana, Secretary MPCC, Pu Lalramzidinga, Secretary MPCC, Pu Lalrengpuia, Organiser MPCC, Pu Larry Lalrinawma, GS ADCC, Pu Lallawmsanga, Secretary ADCC, Pu Jerry Vanlalhlimpuia, Secretary ADCC te'n an tawiawm a ni.
Sd/-
(PETER LALROPUIA)
Member, Media Department
[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: