Aizawl | Sept 27, 2025: MNF Sr. Vice President Dr R Lalthangliana chuan Vawiin September ni 27, 2025 (Inrinni) khan West Phailengah hun a hmang a. Heng hmunah te hian MNF party hruaitute nen inkawmhona an nei.
Dr R Lalthangliana chuan ZPM sorkar hnuaia Sairang - Kawnpui inkar kawng chhe lutuk bakah, Zoram hmun hrang hranga kawng chhe lutuk te hi a vei thu sawi chhuakin, hemi siamna tura ZPM sorkarin 'Road Maintenance Cess' a lak chu khawiah nge a awm tiin sorkar a zawt a. Sorkar chu nawrh leh phut kher ngai lovin kawng siamṭha turin a ngen.
Dr Thangtea chuan, "Nikum September 2024 aṭang khan sorkar kal tawhte tih ve ngai loh, oil aṭanga chhiah la tharin, petrol leh diesel litre 1 zelah cess chi hnih - social infrastructure cess cheng 2 leh road maintenance cess atan cheng 2, a vaiin litre 1-ah cheng 4 a la a; mipuiin a hmanna kan hre lo. Ka hriat chinah chhiah lak tlingkhawm hi cheng vbc 51 chuang daih tawh niin ka hria a. Tunah phei chuan a tam belh tawh hial ang. Road maintenance atana chhiah chi khat 'Cess' a lak tlingkhawm chauh pawh cheng Vbc 25 chuang a ni tawh daih ang," a ti.
"Truck Driver-te leh Oil Tanker Driver Pawl hrang hrang te'n Mizoram chak lakluhna kawngpui pawimawh ber 'Kawnpui leh Sairang' inkar chhe lutuk avangin nawrh huaihawt hialin sorkar an kar ṭhin a. A vil turin ZPM sorkar hian an Minister/MLA-te duty chhawkin an intir zo hlim hlawl a. Thla khat bak daih lova a chhe leh em em nghal mai te hi mipuiah hmai phihfai tum nan mai mai an hmang a ni lo maw? Tuna kan fan velna Dampa bial kawng a chhe lutuk te hi ngaihsakin rawng an bawlsak mipui tan siamṭha thuai turin ka phut a ni," MNF Senior Vice President chuan a ti.
Dr Thangtea hian W Phaileng PHC, a hun laia CHC-a upgrade te, Sports Complex te, Hall leh Badminton Court-te tlawhin infiam mite a enpui a. Hmabak tih tur ṭul dangte an sawiho nghal. Thlan tlin a nih chuan West Phaileng CHC hi kawng thlur 3 insuihfinnaa awm a nih avangin, Tripura aṭangte pawhin an pan a, thawktu leh mamawh dang neuh neuhte chu ngaihtuah pui a tum thu a sawi bawk.
General Headquarters
Press Release
MNF SR. VICE PRESIDENT-IN KAWNG SIAMNA TURA ROAD MAINTENANCE CESS AWMNA ZAWT
Vawiin September ni 27, 2025 (Inrinni) hian MNF Sr. Vice President Dr. R. Lalthangliana chuan West Phailengah hun a hmang. Heng hmunah te hian MNF party hruaitute nen inkawmhona an nei.
Dr. R. Lalthangliana chuan ZPM sorkar hnuaia Sairang - Kawnpui inkar kawng chhe lutuk bakah, Zoram hmun hrang hranga kawng chhe lutuk te hi a vei thu sawi chhuakin, hemi siamna tura ZPM sorkarin 'Road Maintenance Cess' a lak chu khawiah nge a awm tiin sorkar a zawt a. Sorkar chu nawrh leh phut kher ngai lovin kawng siamṭha turin a ngen.
Dr. Thangtea chuan, "Nikum September 2024 aṭang khan sorkar kal tawhte tih ve ngai loh, oil aṭanga chhiah la tharin, petrol leh diesel litre 1 zelah cess chi hnih - social infrastructure cess cheng 2 leh road maintenance cess atan cheng 2, a vaiin litre 1-ah cheng 4 a la a; mipuiin a hmanna kan hre lo. Ka hriat chinah chhiah lak tlingkhawm hi cheng vbc 51 chuang daih tawh niin ka hria a. Tunah phei chuan a tam belh tawh hial ang. Road maintenance atana chhiah chi khat 'Cess' a lak tlingkhawm chauh pawh cheng Vbc 25 chuang a ni tawh daih ang," a ti.
"Truck Driver-te leh Oil Tanker Driver Pawl hrang hrang te'n Mizoram chak lakluhna kawngpui pawimawh ber 'Kawnpui leh Sairang' inkar chhe lutuk avangin nawrh huaihawt hialin sorkar an kar ṭhin a. A vil turin ZPM sorkar hian an Minister/MLA-te duty chhawkin an intir zo hlim hlawl a. Thla khat bak daih lova a chhe leh em em nghal mai te hi mipuiah hmai phihfai tum nan mai mai an hmang a ni lo maw? Tuna kan fan velna Dampa bial kawng a chhe lutuk te hi ngaihsakin rawng an bawlsak mipui tan siamṭha thuai turin ka phut a ni," MNF Senior Vice President chuan a ti.
Dr.Thangtea hian W. Phaileng PHC, a hun laia CHC-a upgrade te, Sports Complex te, Hall leh Badminton Court-te tlawhin infiam mite a enpui a. Hmabak tih tur ṭul dangte an sawiho nghal. Thlan tlin a nih chuan West Phaileng CHC hi kawng thlur 3 insuihfinnaa awm a nih avangin, Tripura aṭangte pawhin an pan a, thawktu leh mamawh dang neuh neuhte chu ngaihtuah pui a tum thu a sawi bawk.
Sd/-
Secretary
Media & Publicity Deptt
Mizo National Front
Memo No.339/2025
Dt.27.09.2025
Post a Comment
He post chungchanga i ngaihdan lo sawi ve rawh: