Aizawl | Sept 8, 2025: Vawiin chawhma dar 11 khan Zofate Thlahtu Ṭobul chhuina lehkhabu "Introduction to Zoram Thar Encyclopedia, Rev. Dr. Zaichhawna Hlawndo ziah chu tlangzarh a ni. Lehkhabu tlangzarhna hi Synod Conference Hall, Sikulpuikawna ah nei a ni a, Nula Mafeli Hlawndovin a kaihruai. Lehkhabu thlirlawkna hi Upa C Lallunghnema'n neiin H Lalhmingzami'n a tlangzarh.
He lehkhabu hi Zofate China aṭanga kan chhuah dan nilovin China a kan luh dan chhuina a ni a. Bible ah Nova fapa Shema thlah kal zel Abrahama fapa Isaka, Isaka fapa Jakoba, Jakoba fapa Zosefa thlah te kan ni ti a chhuichhuahna a ni.
Lehkhabu tlangzarhna ah hian Mizo Academy of Letters (MAL) hruaitu, Pathian thu zirmi (Theologian), Chanchin chhuimi (Historian), Kohhran hruaitu, Hnam hrang hrang aiawh, Political Party aiawh, Media leh NGO hrang hrang aiawh te an tel.
Lehkhabu ziaktu Zaichhawna Hlawndo chuan he lehkhabu hi Pathian Thlarau Thianghlim hriattirna a dawn leh uluk taka zirchianna a neih aṭanga a ziah chhuah a nih thu a sawi a. Zofate hi kan thlahtu bul pawh hre lovin kum tam tak kan lo bo tawh a. He a lehkhabu a ziah hi Zofate hnama kan harhna tur dik tak kan hriatna atana khuhhawnna bu a ni a ti. Pathian thu zirmi leh mithiamte pawhin chipchiar leh uluk taka lo zir chhunzawm turin a fuih bawk.
[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]
Post a Comment
He post chungchanga i ngaihdan lo sawi ve rawh: