Zaninah Mizo Idol Season 8 intihsiak 1st Round zawhfel a ni dawn

Zaninah Mizo Idol Season 8 intihsiak 1st Round zawhfel a ni dawn.

Aizawl | Sept 26, 2025: Zonet buatsaih LESDE Mizo Idol Season 8 intihsiakna neih mekah 1st Round intihsiakna hi Thawhleh zan atang khan Zonet Studio-ah tan a ni a, intihsiak zan khatnaah mi 25 an inlan a, a zan hnihnaa mi 26 inlanin, a zan thumna nizan khan mi 27 an inlan a, zanin 1st Round intihsiak tawp zanah hian mi 27 an inlan leh dawn a, intihsiakna hi zan dar 8-ah Zonet Zawlbuk, Zonet Youtube Channel leh Zonet Application Empai-ahte Live-a pek chhuah a ni ang.

1st Round intihsiak result chu nakzan dar 8-ah puan a ni dawn a, top 50 tlanchhuah tur a ni. Top 50-a tlingte tan October ni 2 leh ni 3 zanah intihsiakna neih a ni dawn a, top 50 intihsiaknaah hian Contestant-te hman turin 1st Round intihsiaknaa Guitar leh Keyboard chhawp bakah Cajon chhawp tel a ni tawh dawn a ni.

Top 50 intihsiakna atang hian top 20 thlan chhuah leh tur a ni a. Intihsiakna hi top 10 atangin Mualpui-a R. Dengthuam Hall-ah neih a ni dawn a, top 5 atangin Live Music hmanga intihsiakna hi neih tura ruahman a ni.

[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]